لكل مواطن مصرى.. افرح ببلدك..اوعى تخاف
 

بسم الله الرحمن الرحيم


النهارده فى عصر الاتصالات والتكونلوجيا وطبعا كلنا عارفين دور مصر الريادى فى كل المجالات :D

راكبه تاكسي مع بابا وماما وما ادراك ما التاكسي يعنى وقفنا ساعه لم واحد اتكرم ووقف ..مش مشكله اصلا مش موضعنا


المهم ركبنا السواق شكله غلبان زى اى مواطن نفسه يتكلم ومصدق قعد يرغى وانا بنام المهم كان بيحكى موقف حصل لجاره او بمعنى اصح ابن جاره الولد فى كليه تجاره



بيحكى عن 3شباب _الكلام حصل من سنتين:D_ الشباب واقفين ع الكبرى و الصراحه واضح انه شباب واعد

بعتو واحد صاحبهم يجيب علبه سجاير --:D الاخ بيعبر الشارع عشان يجيب السجاير

كانت عربيه هتخبطو عااااااااااادى بتحصلنا كتير المهم ..الرد الطبيعى للشاب انه شتم السواق

العربيه كانت ملاكى بالمناسبه قام الراجل قاله انت عارف انت بتكلم مين ورد عليه الراجل وشتمه

صحابو سخنو ازاى صاحبنا يتشتم قامو ع الراجل هزأوه وانضم للفرقه دى صاحب الكشك اللى هيجيبوا منه

السجاير مع العلم ان الراجل من نفس بلدهم ومن خلاله عرفوا القصه دى


العيال روحت البيت مش فى دماغمهم عادى خناقه زى اى خناقه

كل واحد روح لاهله وع الفجر كده لقوا الباب بيخبط كل واحد فتح لقو غفر من القريه بتاعتهم

واخدوهم للقسم:o

الاهالى مصدومين ولادنا عملو ايه:confused:

تانى يوم راحو القسم عشان يخدو ولادهم يسالو الظابط ...يقلهم مفيش محاضر ولا فى اى حاجه تتعلق بيهم


وفاتت ايام ...وشهور ...ومحدش عارف العيال راحت فين

وكملوا سنه

وبقدره قادر اتنين منهم ظهروا فى القريه بتاعتهم بعد السنه دى واحد مشلول والتانى مبينطقش والتالت مفقود

اكيد عرفتو ايه اللى حصل ...وعامه الموضوع مش هزار

سواق التاكسي مسك واحد احنا عارفينه كلنا :D وشتمه وشتم البلد

بابا مصدوم وانا قاعده حاسه انه بيحكى حدوته قبل النوم .......انا عاوزه اعرف هو لسه الحجات دى بتحصل ؟؟؟؟؟

ومين الاخ صاحب الجبروت اللى عمل كده؟؟؟؟؟؟؟؟؟وفين الواد التالت؟؟؟؟؟؟؟؟؟؟؟؟؟


كلها اسئله من غير اجابه



عامه

ههههههههههههههههه
عظيمة يامصر

احنا ممكن نعمل مسابقة برقم 0900 عن الواد اللى مفقود ده ونعرف ايه اللى حصل

ممكن بردو بس انا بقول انه مات او لسه مقدروش يعجزوه زى التانيين

هى دى مصر.حسبى الله و نعم الوكيل

شكرا لمرورك ومش هنقول فعلا الا حسبى الله ونعم الوكيل .......بس احنا بنتحسبن كتير اوى اليومين دول

حسبنا الله ونعمالوكيل
ربنا يستر ويعدي الايام دي علي خير

هو غالبا الولد التالت يا مات يا انتحر......

ولما يحصل حاجه زى كده

متستغربش

يبقى انت اكييد اكييد مش فى بلد غير مصر ام الدنيا:p

هى دى مصر يا عبله

معقول دا ممكن يحصل
هي وصلت لكده
صابرين على الذل والجوع
ودا كمان يحصل

حسبي الله ونعم الوكيل
حسبي الله ونعم الوكيل

اريج الزهور:مشكوره ع ردك ....يارب يستر فعلا لان الناس دى زودوها اوووووى

دوك جوليت :هى دى فعلا مصر فيها حجات كويسه بس الوحش طلع ع الوش اوى ومنظرنا بقى وحش اوووى

a.b.f:بيحصل كده والعن من كده مفيش حد يعرف ايه المستخبى

ميدو:حسبى الله ونعم الوكيل . . :D

بس فين الحلو دا
الوحش كتير غطى على الحلو
شكرا لك

واحد مشلول من الضرب

والتانى مشلول من التعذيب

يبقا التالت لسة سليم علشان كده مش هايطلع دلوقتى

لما يتججن يطلعوه

يانهاااااااااااااااااااااااار .............. اهي ده اخرة السجاااااااااااير ربنا معاكي وتجيبيلنا مواضيع عسل زيك

يا جماعة صدقوني انتو ظالمين الراجل اللي حصلهم ده من شرب السجاير بس مش اكتر
اه والولد اللي مش لايقينو ده محصلوش حاجة هو بس راح يجيب سجاير من كشك بعيد حبتين وكام سنة كدة ويرجع ان شاء الله وبعدين انتو زعلانين ليه ماهي مصر خلاص بقت صينية كووووووسة..
تقبلي مروري وشكرا عالموضوع .....