ادخل انهى كلية ؟
 

السلام عليكم ورحمة الله وبركاته

انا طالب فى اولى ثانوى و بحب ابرمج جدا اعرف فى الC++ , الJava و شوية python

وكنت عايز لما اخلص ثانوية عامة اكون مبرمج (software) بس مش عارف ادخل هندسة قسم حاسب ولا كلية حاسبات ومعلومات

انا سمعت ان هندسة قسم حاسب بتتخصص فى الhardware و حاسبات ومعلومات تخصصها software

فا ياريت حد يفيدنى فى الموضوع دا ويقولى ايه الفرق ما بينهم و ياريت يقولى مستقبل كل كلية منهم فى مصر

عشان انا سمعت ان مفيش مصانع لتصنيع حجات الhardware فى مصر كله تجميع بس

وشكرا, :D

ابحث اكتر عن الكليتين وشوف انت هتمشي في اية اكتر

انا كنت زيك كدة بالظبط
والحمد لله رسيت علي حاسبات وكنت خلاص قررت ادخلها
والتنسيق بردة جابلي حاسبات
بالعااااااااافية :)
فشوف الي انت حبة ودوس فية وكمل برمجة مع نفسك في فترة الثانوي متوقفش

شكرا على ردك =)

يعنى صح ان كلية حاسبات اختصاصها برمجة و شغل سوفت وير ؟

و مجموع حاسبات كان 94% السنة الى فاتت اظن ؟

بس ان شاء الله التنسيق هينزل شوية عشان نظام السنة الواحدة دا :)

بص حاسبات كل مايخص العالم الإفتراضى الى جوه "الكمبيوتر / اللابتوب / التابلت / السمارت فونز"
هتدرس فيها برمجة وشبكات وكمان مواد مساعده "المواد دى الى بتفرق بينك وبين الى واخد كورسات برمجة بس"
زى مثلا Image Proccessing - Data Structure - Logic Design - Logical Programming - AI

طبعا الدراسة بالانجليش كلها :)


اما هندسة حاسب "مش هقدر اكلمك فيها كتير لانى حاسبات اصلا"
بس الى اعرفه عنها انها .. بتهتم بالتركيب الخاص بالكمبيوتر نفسه "عكس حاسبات مهتمة بالافتراضيات"
يعنى بيدرسوا تركيب الــ Mother Board والهارد ديسك والمكونات الملموسة

بس بياخدو شوية برمجة عشان يفهمو الكمبيوتر بيفكر ازاى ..


بس تلخيصا يعنى .. حاسبات اقوى فيما يخص السوفت وير Software ..

بالتوفيق ان شاء الله وياريت اكون افدتك ع قد معرفتى ^^

تمام يا جماعة , شكرا جزيلا ليكم =)

واشوفكوا كمان سنتين ان شاء الله فى حاسبات :d

مكانك حاسبات وكلامك اللى انت سمعته سليم جدا بس لو بتدور على الاسم بالنسبة للناس روح هندسة لو بتدور على الشغل والمهارات فى الsoftware يبقا حاسبات وافضل حاسبات حكومي عين شمس وافضل خاص الشروق

شكرا على ردك ^^

طيب بالنسبة لحاسبات القاهرة بتكون الدراسة بالانجليزى صح ؟ و بيكون فيها نظام حكومى و ساعات معتدمة ؟

ايوة انجليزي وساعات معتمدة

ممكن اخش حاسبات ومعلومات من علمي علوم بس مش قسم الاجهزة الطبية ولو في طريقة ممكن تقولها
مع الشكر

لا مش ينفع للأسف :)

حضرتك ممكن تشوف انت ايه اكتر حاجه بتحبها و تقدر تتخصص فيها لآنك عمرك ما هتقدر تنجح الا ...فى الحاجه اللى انت بحبها عشان تقدر تطور من نفسك فيها و تبقى انسان متميز فيها

@marawan nabil
ممكن تتأكد من الموضوع ده في كلية حاسبات عين شمس لأن في قسم ال بايو انفورماتكس أعتقد ممكن علمي علوم يدخلوه

السنة الي فاتت كان حد ادني 93%
:)

السنادي احتمال حد ادني ليها يبقي 92% وربنا يوفقك

لو بتحب البرمجة وعاوز تتعمق فيها يبقا لازم تدخل حاسبات عشان تدرس فى الكلية اللى انت هتاخده فى الكورسات بس طبعا الكورسات بتبقا احدث بكتير وافضل فى المستوى وفى كل حاجة .. لكن الكلية فايدتها انك بتاخد شهادة الComputer Science عشان تشتغل بيها وخلاص .. لو عاوز تصنع الاجزاء المادية للحاسب يبقا هندسة حاسبات وهتاخد سوفت برده بس على قد اللى انت صنعته يعني صنعت مازر بورد وعاوز تعرفها على الويندوز التعريف دا عبارة عن برنامج بتاع هندسة اللى بيعمله مش حاسبات .. لان حاسبات شغله يعمل برامج desktop يعني البرامج المستخدمة من خلال الويندوز زي الانتي فايرس وبرامج الشات وبرامج الحسابات إلخ

شركات البرمجيات فى مصر اكتر بكتييييير من الهاردوير بالتالي خريج هندسة بيلجأ لدراسة كورسات البرمجة عشان يعرف يشتغل بيها فى مصر لان مصر زي ما قولتلك قليل فيها اوي شركات الhardware >> وصلي استخارة وربنا يوفقك :)