رمضان و التصحيح.............
 

يا جماعة بالنسبه للتصحيح ال هيكون فى رمضان........... لازم نتفق و نوصل صوتنا للمسئولين و يكون التصحيح بعد الفطار يعنى مثلاً من الساعة 9 للساعة 3 يا جماعة الموضوع يستحق دى ثانوية عامة و اقل غلطة ممكن تغير مستقبل طالب دا غير الشحورة ال هنتشحورها و ما حدش تايه عن جزاءات اخطاء التصحيح ألهم بلغنا رمضان..... فكروا يا شباب ..... و مسنى ردكوا........... سلام

من 9 الى 3 انت بتقول ايه والناس ال عندها سفر تعمل ايه +ان فى ناس متعوده تنام بدرى +ان افضل اوقات العمل على بطن خاويه
وافضل اوفات العمل وانت صايم امال الصحابه كانوا بيحاربوا ازاى وهما صايمين

بالراحة بس يا استاذ عمار ....خد و ادى فى الكلام .............. الساعة فى رمضان هتتأخر يعنى المغرب الساعة 7 أبعد سفر لمصحح عن مكان تصحيحة ساعه و نص دا لو ركب مواصلات عادية و الفجر الساعه 3 و نص يعنى هنصحح بعد المغرب و نخلص قبل الفجر...... الموضوع مش حرب و كده الموضوع ان دا مستقبل طلبه و هما يا دوب مادتين او تلاته بالكتير و يا سيدى خد منى و ارمى البحر.......... و دى مجرد فكره.........و شكراً للرد...........سلام

اية يا جماعة هو رمضان شهر الكسل لو عندك مصلحة فى بيتك هتعملها وبعدين انت هتصصح وانت جالس معزز مكرم مابالك باصحاب الحرف التى تعمل فى الشمس طول النهار يا اخى الثواب على قدر العمل

دا لو حصل دى تبقى سابقه لم تحدث وعلى العموم هيبقى صعب ان المسئولين يستجيبوا لنا لاننا كده هنغير نظام بقى له سنين على كده واحنا ياما صححنا قبل كده فى رمضان وربنا يعديها على خير وكل سنه وانتم طيبين ونسال الله ان نكون من عتقائه من النار