السلام عليكم ورحمة الله وبركاته

كعادة الوزارة لا توفر على موقعها كثير من الكتب الدراسية - فمئلا كتاب الكيمياء للصف الثالث الثانوى لا وجود له على موقع الوزارة
ياترى حد يعرف أى رابط لتنزيل هذا الكتاب نسخة 2014؟
انا بحثت هنا فى المنتدى لم اجد غير نسخة 2008

لو مفيش اى رابط له على النت - انا اقدر اصوره واتيحه للجميع بصيغة pdf لكن معنديش الكتاب نفسه
فلو حد عنده نسخة 2014 مش عايزها ممكن نتفق على مكان يسلمنى فيه الكتاب وانا اصوره واعمل له رابط تنزيل عشان كل الطلبة يستفيدوا

نفس المشكلة موجودة فى مواد تانية برضه كتبها لا وجود لها على موقع الوزارة:
- الرياضيات بكل فروعها ثالثة ثانوى - ماعدا الميكانيكا موجود
- اللغة الايطالية
- الأحياء

السنة اللى فاتت اشريت كتب ثانية ثانوى وصورت لكم الكتب اللى مش موجودة على موقع الوزارة
لكن السنة دى ولادنا اللى فى ثالثة ثانوى بيحتاجوا يذاكروا فى الصيف قبل بدء الدراسة - يعنى محتاجين الكتب من دلوقتى مش على بداية العام الدراسى - والوزارة نايمة فى العسل كعادتها من عشرات السنين!