|
قرار : ايقاف ورفع اشراف العضو المجاهد فى سبيل الله عن جميع الاقسام
السلام عليكم
في البداية اعتذر عن عدم أخذ رأي فريق الادارة في قراري هذا ولكن استفزني رد المشرف الموقوف المجاهد فى سبيل الله في هذا الموضوع http://thanwya.com/vb/showthread.php?p=633969 وتم اغلاق الموضوع لكي يتم النقاش فيه وهذا من وجهة نظري وجميع المسلمين استهان بأمور الدين وهذا ما لا ارضاه ابداً عن الدين ولهذا تم وقف المشرف ورفع اشرافه عن جميع الاقسام والسلام عليكم |
طب ليه كده يا جماعه في حاجه اسمها اخد وعطا مش بالطريقه دي
|
انا ماليش دخل لانى مجرد عضو
بس كان لازم حضرتك تسمع وجهة نظره ممكن يكون كتب الكلام جه فى وت عصبية وصدقنى انا معترضة على كلامه بس الرسول بيقول التمس لأخيك 70 عذرا هو اكيد معاه عذره انا اسفة انى اتدخلت فى شئون الادارة بس ربى عالم ده من دافع حرصى على المنتدى و بجد انا معاك فى ايقاف الاشراف بس لابد من سماع وجهة نظره |
بصراحه انا قريت رد احمد :d
مفيش حاجه فيه غلط احمد كان بيتكلم صح فيه اساسيات وفيه فرعيات المنطقي ان احنا نركز ف الاساسيات اللي لو اتحلت بالتأ:يد المواضيع الاقل اهمية او الفرعيه حتتحل يعني احنا لو ركزنا ازاي نطبق الاسلام صح ازاي منتش متمسكيش براي ازلي ملهوش ولا معني ولا منظر عشان سمعناه كدا فيه فعلا مواضيع اهم بكتير من تربيه اللحية والجلباب القصير ف اخلاقيات دين كامله مش موجوده ومظنش ان احمد قال حاجه غلط ومش كل واحد يقول كلمة متعجبنيش اعمل معاه كدا :d فين التفكير الناقد او الرؤية البناءه وبعدين لازم يكون فيه قاعده صح نبني عليها لو فعلا احنا عايزين مجتمع اسلامي متقدم لازم يكون فيه الاساس من اخلاقيات دين و عمل و حب لله وبعد كدا ممكن نتكلم عن حكم اطاله الاظافر او التبرك ببول الرسول صلي الله عليه وسلم دمتم سالمين :D |
أرغب بالتعقيب
هل ممكن ؟ أظن الأفضل للأستاذ مدير المنتدى أن أصمت سأصمت |
انا مع قرار حذف الاشراف لكنى معترض على ذبح أحمد الدين يسر بس مش معنى كده انى موافق على كلامه فى غلطات كثيرة فى كلام احمد بعيدا عن الاسلوب فى الرد بتاعه بس برضه متكنش دى طريقة الرد عليه الاستاذ محمد رد عليه والاستاذة جنه ميكنش القرار بالشكل ده ايوه بقول ان احمد غلط وكلام زى ده يشيله كامشرف قسم دينى لكنه مش يتمنع من دخول المنتدى او وقفه أحمد مش العندليب الحزين يا استاذ اشرف ياريت وقفت حق فى موضوع زى ده شكرا |
شكرا للاستاذ / محمد سرور
شكرا للاستاذة / فاطمة الديب على الردود بالموضوع المذكور رفع الاشراف صحيح حيث ان المشرف يجب ان يتصف بالتمكن فى قسمه و القدرة على الرد السليم و ان يكون قدوه للاعضاء اى الخلاصة ان تكون له القدرة على القيادة و الادارة و حسن التصرف وهنا اسجل اعتراضى على طريقة اختيار المشرفين بالانتخاب بالنسبة للايقاف ارى انه من حقه ان يقول رأيه بحرية و من حق الاخرين الرد و من حق الادارة حذف المشاركات بل و الموضوع بأكمله و شكرا |
محدش موافق على ايقافه
دا راجل محترم جدا ومتدين افرض انو غلط مع ان انا مش شايف انو قال حاجه غلط وبعدين كلنا بنغلط احنا مش ملائكه يعنى |
اقتباس:
انا دخلت اكتر من مرة مع المجاهد فى حوارات انه يكون مشرف الاقسام الدينية ما ينفعشى خالص انما انه يكون عضو دى حاجة عادية اقتباس:
|
اقتباس:
وفيه الى اهم منها يبقى مش معنى كدة اننا نصلى وننزل نشرب خمرة! ما الصلاة بتفغر لما بينهما اذا اجتنبت الكبائر يقوم واحد يقول ما خلاص سيبك من الكبائر خلينا فى الذنوب الصغيرة يا اخى لما اجى اتكلم عن اللحية احترم قول النبى وغضبه عندما راى احد الفرس يحلق لحيته احترم قول الرسول عندما قال فى 15 حديث بامر بوجوب اللحية وعلى فكرة ما عليهاش اى خلاف بين الائمة الاربعة بس الاول نفتكر كلمة الصحابة للسلف مش بقولك لينا لا للسلف فيما معناه ان السلف بيشوفوا حاجات ارفع من الشعرة كان الصحابة على عهد رسول الله يعدونها من الموبقات مش معنى ان الذنوب كترت افضل طول النهار اتكلم عن الصلاة والصوم واسيب كل الحاجات التانية وعموما من زمان اصلا كان مفروض على الاقل موضوعات المجاهد تتوقف عن الاخوان كل شوية فى امان الله |
انا مش موافق علي ايقاف احمد هو مكفرش يعني عايز تنزله من الاشراف نزله انما توقفه عشان رأيه مش عاجب دا ايه الحلاوه دي يا اشرف
انت مش عارف احمد دا ولا ايه احمد من المؤسيسين للمنتدي دا يبقي عيب اوي لما توقفه ومنغير سبب و اتحادك تجيبلي سبب يقنعني للوقف دا |
اقتباس:
معاك فى هذا الرأى واسمح لى ان اضيف عليه ان القسم الدينى يجب معاملته مثل القسم التعليمى اى يكون المشرف العام عليه على دراسة دينيه صحيحة تؤهله لادارة ذلك القسم فمثلا الاستاذة فاطمة الديب حاصلة على المركز التانى على ما اذكر فى معهد اعداد الدعاة ويوجد غيرها كثيرين مؤهلين لادارة هذا القسم امثال ملك اليمين وآية من الله و طمعانة فى رضاك يا رحمن ومثلثهم كثير ممن تستطيع ان تعرف مقدار علمه الدينى من موضوعاته او ردود هذا مجرد رأى ليس اكثر احترامى لقرار الاستاذ اشرف ان كان يرى فى ايقاف المجاهد شىء لا نراه نحن وان لم يكن فمن الممكن ان نعتبره عضو عادى يقول رأيه ونرد عليه مثل ما يفعل الكثيرين فأنا اختلف مع البعض فى الاراء واتفق معهم فى غيرها ولكنى احترمهم فى النهاية واناقشهم بهدوء فى ردودهم جزاكم الله خير الجزاء |
اقتباس:
انا مش عارف ايه سبب فى كل دا اقتباس:
وكل مواضيعة رائعه وهادفة و انا شايف ان القرار دا فيه تعسف وعدم احترام للراى الاخر وبعدين حتى مسبتوش الراجل يدافع عن نفسة مح احترامى للادارة انا شايف ان القرار غير صائب ولازم يتراجع لمصلحة المنتدى العظيم ده ودى كانت كلمة حق |
السلام عليكم
أولا: في مسألة إبعاد العضو عن الاشراف فده كان المفروض من زماااان أنا أول حوار دخلت معاااه فيه تخيلوا كان بيقول إيه كان بيغلط في الإمام البخاري-رحمه الله- وحينها عنفته و الله العظيم أنا بكيييت كيف يخطر بباله أن يتكلم بمثل هذا الكلام فهو لايستحق الإشراف علي قسم من أول شروطه: الإلتزام بالسنة النبوية دون التعصب لاي جماعة. أما بالنسبة لإيقافه فهذا أمرا مبالغ فيه و كان يكفي تحذيره ولكن في الاول و الاخر الامر يرجع إلي الادارة ولا حق لي في التدخل. أما بالنسة للاستاذ عمر خالد فهو رجل محترم و مع ذلك فإن له أخطاء يبكي لها القلب قبل العين و هناك العديد من المشايخ الذين نصحه للتأكد من الماده العلمية قبل عرضها لانه ما شاء الله معظم الشباب الذين إهتدوا كانوا علي يده و لكن عندما عرفوا طريق الرشاد تمنوا أن يهديه الله إليه(و أنا من هؤلاء إن شاء الله) و السلام عليكم و رحمة الله |
اقتباس:
كدا انتا مقدرتش تنصحه ولا قدرت تفهمه ايه الصح وايه الغلط فى كلامه واحنا لازم عندنا الحوار يبقى بالحسنى مش على طول كدا ايقاف وخلاص ! وعندى سؤال لاستاذ عبقرينو حضرتك عرفت منين ان كلامه غلط ؟ هل حضرتك مؤهل ودارس الدين كويس ؟ انا شايف ان حضرتك كان من الافضل تتكلم معاه وتعرف وجهة نظرة مش تدى ايقاف !!! والايقاف مش هيعمل حاجه حلوة دا هيزود كراهيته للموقع وهيثبت وجهة نظرة وذكر فى سورة النحل (ادع إلى سبيل ربك الحكمة والموعظة الحسنة وجادلهم بالتي هي أحسن) (النحل: 125). |
| جميع الأوقات بتوقيت GMT +2. الساعة الآن 05:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.