لو سمحتوا ساعدوني...
 

ربنا بوفقك وتتحققي كل اللي بتتمنيه انا في 3 ثانوي ع علوم خلاص اهو فاضلي 3 ايام واخلص امتحانات هقلك علي كل حاجة وقعت فيها 1- زاكري علي قد ما تقدري و حلي من كتاب ولما تخلصيه 100% شوفي غيره خصوصا الكتب المشهورة الاضواء عربي والامتحان في المواد العلمية .........المزاكرة بتختلف من شخص للتاني انا كنت بقسم المواد وكل يوم ازاكر 3 او 4 مواد بس جزء كبير من كل مادة شوفي انتي اللي يريحك وحكاية لو زاكرتي من بدري هتزهقي بقت قديمة عشان كله بيزهق حتي لو مزاكرش يعني لو عايزة تبدأي بدري ابدأي اقرأي المنهج بس وهو سهل جداااااااااااااااااااااااااااااااا في كل المواد انا زاكرت مزاكرة بنسبة 75% ومكملتش كتاب في كل مادة وقعدت من الدروس مش شهر 1 بس انتي متقعديش عشان وخصوصا لو المدرسين هيمتحنو كتير والسنة طويلة معاكي من شهر 8 لشهر 6 كتييير اووي لو ركزتي وصبرتي هتخلصي كل مادة اكتر من 5 مرات بس اصبري علي المزاكرة يعني انا لما كنت بزهق ساعات ابص في امتحان الاقي سؤال شدني اقوم ادور علي الاجابة والاقي نفسي قعدت ازاكر والله سنة 3 سهلة اوووي بس الضغط النفسي اللي فيها هو اللي وحش انا كنت داخل الامتحانات بلووم نفسي عشان اني قصرت وزاكرت مزاكرة نص كم بس دخلت الامتحانات والله لحد دلوقتي كل الامتحانات سهلة ومفيهاش اي صعوبة كلها مباشرة ( عدا امتحان التفاضل ربنا يكون في عون جماعة رياضة ) العربي كله سهل فيه حاجة غريبة والانجليزي كان فيه نقطتين او حتي نقطة للمزاكر وكمان بقت بنص درجة بعد اللي اشتكو من الصعوبة مع انه سهل 99% للي زاكر والله كنت بسمع اللي بيشتكو واقعد اضحك كنت بقول هما امتحنو حاجة غيرنا ولا ايه ..الفيزيا بعبع الثانوية لحد دلوقتي اسهل امتحان في ال4 مواد اللي خلصو كلووو مباشر مفيهوش تكات خالص و كتييير جدا هيقفلوه الاحياء اللي زاكر المنهج مرتين بس كويس وحفظ كويس يجيب 60 من 60 من غير تعب والله الثانوية سهلة جدا والامتحانات اسهل من امتحانات اولي و تانية بكتير بس انتي ركزي وافتكري هدفك وخليكي دايما محافظة علي الصلاة وانتي تجيبي 100% من غير تعب ربنا معاكي ومعانا

ميرسي لنصايحك اكيد هحطها في بالي دايما
فعلا اصعب حاجه التوتر والخوف
طيب بالنسبة للدروس كل صحباتي بيقولوا لازم ناخد درسين في كل مادة بس انا شايفه ان في مواد كتير مش مستاهلة
لو انا اخدت درس واحد ده هيأثر عليا؟؟

ده كلام فاضي بصراحة هو درس واحد كفاية ويكون حصة واحدة في الاسبوع انا مخدتش دروس في العربي والاحياء والجيولجيا ولا في اي فرق بيني وبين اللي خد درس واتنين ومكنتش مضغوط كمان حتي باقي المواد اللي خدت فيها قعدت بدري يعني حكاية الدروس دي بتضيع وقت كتير جداا فانتي خليكي درس واحد لكل مادة عشان بس تحسي ان المدرسين بيضغطو عليكي عشان تزاكري وعشان امتحانات الدروس

فعلا دا رأيي بردوا وخصوصا اعرف واحدة ضاعت بسبب كتر الدروس
شكراااااا جزاك ربي كل خير

(الاكونت التاني اتقفل)

جزاك الله خير انا رايحه 3ث بس انا كنت عايزه اسال سوال بخصوص الدروس والزهق هو انا بدات دروس من 1-7 وبنات كتيير قالولى انى كده اتعب قووى وازهق وانا مش عارفه اعمل ايه انا مبداتش غير حصه واحده ومش عارفه اكمل ولا استنى لشهر 8 او بعد العيد وارجو الرد