|
ماريكم بكلية الالسن بعد ماكنت متحمس ظاع التحمس وناس عايزانى احول
السلام عليكم ورحمة الله وبركاتة
ماريكم بكلية الالسن بعد ماكنت متحمس ظاع التحمس وناس عايزانى احول ونظرا لانى بعيد عن الكلية يعنى حوالى 3 ساعات مواصلات ناس نصحونى بالتحويل لعلوم وقالوا لى كلة ذى بعضة ارجو النصيحة منكم مع العلم انى تم ترشيحى لكلية السن عين شمس رجاء الرد لانى محتار |
اولا انت ساكن فين؟؟؟؟؟
و بعدين الالسن ككلية ممتازة و بها اقسام لا حصر لها و جميلة و انا عمى استاذ فيها و رحتها بالامارة هى ادام تجارة بينهم شارع واحد و صيدلة وراها بشوية المهم مش بعدك عناه المهم حبك ليها انا ساكن فى مدينة الشروق يعنى اقرب كلية ليا و هى عين شمس ما بينى و بينها ح3 ساعات و نص و مع ذلك صممت على صيدلة عين شمس و جتلى الحمد لله ما دام انا بعيد بقى ما اخشهاش و اضيع احلامى طب ما انا لازقة فيا اكاديمية الشروق و اكاديمية المستقبل و معهد العبور العالى اروح لهم بقى عشان قريبين منى و لا ايه ؟؟؟؟؟؟؟؟ يا ريت تكون فهمت قصدى |
شكرا لك انا من المنوفية
|
لو لقيت نفسك كويس فيها يبقى متهتمش لكلام الناس وبص لمستقبلك اهم حاجة انا دخلت تجارة انجليزى لقيت اغلبيتهم بيقولولى ايه تجارة انجليزى دى بس مدام انا مقتنعة بيها وحبها يبقى متهتمش لراي حد ده مستقبلك انت ومش مستقبلهم بعيدة او قريبة مدام حبيبها هتعرف تتصرف
|
صلي صلاة استخارة وربنا يوفقك
|
انا السن عين شمس ومن المنوفية بس فرحانة جدا
|
:lol:انا السن عين شمس ومن المنوفية بس فرحانة جدا
|
انا كمان الالسن عين شمس هى مجالتها حلوة بالشغل ودراستها جميلة وده يعتمد على حبك للغة
|
بتقول مواصلات 3 ساعات بس دا عشان انت فى المنوفية وفى جامعة عين شمس
دا طبيعى بس ارحم من اللى مواصلاتهم ساعتين ونص واسمهم فى نفس المحافظة بردو ممكن تقعد فى السكن الجامعى ليك الحق لانك مش من القاهرة الكبرى دا لو المواصلات السبب ====== عن نفسى مش كتبت علوم اصلا فى الرغبات بصراحة واللغات شىء جميل جدا جدا صلى صلاة استخارة واستشير اهلك واقعد معاهم قعدة احسبها من جميع النواحى وربنا يهديك للى فيه الخير ان شاء الله :) |
من المنوفية واترشحت لألسن عين شمس .. وعايزينك تخش علوم المنوفية ؟!
بقولك ايه يابن الناس .. اتكل على الله وخش السن وسيبك من الهجص دا ! وبعدين زي ماقالت hkk-happy .. ليك الحق انك تقعد في المدينة الجامعية .. بس دا ان قدرت تستحملها بقي .. وربنا معاك |
واه قبل مانسي .. لو دخلت يعني بالصدفة في الموضوع تاني ولاقيت ردي ..
ياريت تبقي تقولي انتا منين من المنوفية .. |
السن مجلتها حلوة لكن علوم ياعم فى البلد دى انسى كلمة علوم خالص
|
انا من تلا - ميت ابو الكوم وانت ؟؟؟؟
|
انا جالي السن عين شمس برضه وهي كلية جميلة جدااااااااااا ومجالتها واسعة ومادام حابب الكلية نفسها وحابب مجال اللغات نفسه يبقي مالكش دعوة بكلام حد ده مستقبل ومحدش يقدر يتحكم فيه ومش هتفرق 3 ساعات من اقل المهم تبص في الاخر هتبقي خريج ايه وشهادتك هتبقي ايه
|
اقتباس:
اللى عرفته من طلبة سابقينا فى الدراسة وفى جامعة عين شمس ان السكن الجامعى بتاعها من ارقى المدن الجامعية ،، معرفش بقى ايه النظام بالتوفيق ان شاء الله |
| جميع الأوقات بتوقيت GMT +2. الساعة الآن 06:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.