بوابة الثانوية العامة المصرية - جدول العبادات فى رمضان !!

باذن الله نعمل جدول نمشي عليه في رمضان بحيث ناخد من كل عباده جزء بسيط والجدول ده تعمله مع نفسك ومع زوجتك واولادك ومع كل اللي تعرفهم من اصدقاء او زمايل او اقارب .

الذكر : مش اقل من 1000 مره مابين استغفار وتسبيح وصلاه علي النبي .

الصلاه : الخمس فروض في الجامع وخد بالك ثواب الفريضه في رمضان بثواب سبعين فريضه / وثواب السنن بثواب الفريضه .

القرأن : كل يوم جزء على الاقل .

الصدقه : طلع مبلغ كل يوم يكفي لفرد علي الاقل يجيب بي وجبه تشبعه وخد بالك اللي هتطلعه لربنا هيرجعلك اضعاف .

بر الوالدين : تساعد والدك ووالدتك بأي حاجه في اليوم حتى لو ترتيب البيت معاهم او مساعدتهم في عمل الفطار .

صلة الرحم : صالح اهلك اللي في زعل بينك وبينهم وسلم علي باقي اهلك ولو حتي بمكالمة تيلفون او رساله على الموبيل ( صلوا ارحامكم ولو بالسلام ) .

الدعاء : حضر كل الدعوات اللي نفسك ربنا يحققهالك وكل يوم ساعة الفطار ادعي دعوه منهم فللصائم عند فطره دعوه لا ترد .

الدعوه الي الله : لقيت حد بيتخانق هدي اعصابه واحفظ غضبه / رايح تصلي خد زميلك معاك / شجع ابنك الصغير وهاتله هديه كل يوم لو صام .

قيام الليل والتراويح : هتصلي 8 ركعات و2 شفع و 1 وتر صليهم بقراءة ه بسوره قصيره في كل ركعه . وربنا يتقبل منا جميعا يارب .