مشكلة امتحانات الثانوية العامة
 

ياجدعان انا عايز اجابات
دلوقت اول سؤال :
انا لما باخرج من الامتحان بعديها بفترة بحس اني نسيت اكتب الجزئية دي او دي
مع اني مبحسش كده غير بعديها بفترة ومع اني اول مابخرج من الامتحان وبراجع مبحسش اني نسيت اي حاجه
ده احساس طبيعي والا هيا خربانة فعلا؟

السؤال الثاني:
لما اكون عارف اجابة سؤال وراجعت عليه اكتر من مرة وفي الاخر اول ماخرج من اللجنة الاقيني غلطت فيه
ده يعني بقي اسميه ايه ؟
يعني ربنا عايزني اغلط يعني والا ايه
انا مش فاهم ليه ببقي عارف الاجابة الصح واكتب الغلط
او رغم اني اعيد السؤال كذا مرة بعد ماطلع من الامتحان الاقيني غلطت فيه
انا نفسيتي جابت اخرها خالص
هندسة كل شوية بتبعد
تقريبا كده انا بقيت تحت الستة وتسعين او خمسة وتسعين في المية
وفاضلي لسه كيميا وديناميكا

وكل امتحان اخرج نفس النظام
احس اني نسيت اكتب حاجات وساعات كمان بحس اني نسيت اكتب رقم الجلوس
الحوار ده معايا من اعدادي
انا نفسيتي ادمرت ع الاخر ومعنتش عارف اذاكر الجديد والا انسي القديم والا اي حاجه

بص حط فى دماغك دايما ان الله لا يكلف نفسا الا وسعها انت فى الامتحان ربنا فتح عليك بالاجابة كتبت اللى جه فى دماغك اكيد احنا مش دفاتير محفوظ فيها اجابات يعنى لازما سطر يقع منك فكرة ممكن تقع ده عادى والله وبتحصل مع اى حد فتمقلقش من الحتة دى وبالنسبة انك تحسب هتجيب كام 95 او اقل او اكتر والله غلط انا كنت بعمل كدة مرة اقول هجيب مجموع حلو ومرة هقول هفشل بس ده كله غلط يوم النتيجة هتبقى حاجة تانية والله هتلاقى مواد زايد فيها ومكنتش متوقعش انك تجيب كدة ان شاء الله

سيبها على الله وكمل ع خير الكيميا والديناميكا وربنا يكرمك ان شاء الله ومتخليش الشيطان قعد يوسوسلك انك مش هتجيب هندسة او حاجة قول لنفسك حتى لو لا قدر الله لو مجبتش هندسة مش اخر الدنيا اكيد هنجح فى المجال اللى هيجيلى ان شاء الله :)

والله كل اللي انت بتقولوا بيحصل معايا بس يلا بقى هو قدامك مادتين ونخلص ونرتاح وربنا يسهل وسبها على الله ويارب تحقق حلمك وتدخل كليةهندسة اللي بتتمناها

انا برده كده بس مش براجع بعد الامتحان
وساعات بقول انا هنقص
بس سييبها على ربنا