لمدرسى الفيزياء (ارجو المساعده)
 

انا عندى مسائل مش عارفه احلها ارجو الاجابه
السؤال الاول:
ملف دائرى نصف قطره 7 سم يمر به تيار كهربى فتولد عند مركزه مجال كثافة فيضه 3. تسلا. احسب كثافة الفيض على امتداد محوره اذا استطال على شكل ملف لولبى طوله 20سم مع مرور نفس التيار فيه
السؤال الثانى:
شحنه مقدارها 1.كولوم تدور فى مسار دائرى نصف قطره 7 سم بسرعه 220م/ث.احسب كثافه الفيض المغناطيسى عند مركز المسار الدائرى
السؤال الثالث:
ملف دائرى قطره 12 يمر به تيار كهربى يولد مجالا مغناطيسيا عند مركزه ابعدت لفاته بانتظام عن بعضها فى اتجاه محوره ليصبح ملفا حلزونيا يمر به نفس شده التيار فاصبحت كثافه الفيض المغناطيسى عند نقطه داخله وتقه على محوره =1/2كثافه كثافه الفيض المغناطيسى غند مركز الملف الدائرى.احسب طول الملف الحلزونى عند اذن
السؤال الرابع:
بطاريه قوتها الدافعه الكهربيه 8 فولت ومقاومتها الداخليه واحد اوم وصل قطباها بسلك مستقيم طوله 10سم ومساحة مقطعه 3*10^-8ومقاومته النوعيه 4.5*10^-6 اوم.متر احسب كثافه الفيض المغناطيسى عند نقطه بعدها العمودى عن مركز السلك 20سم علما بان الوسط هواء

لا يوجد حلول وفقك الله يا ولدي

السؤال الاول:
ملف دائرى نصف قطره 7 سم يمر به تيار كهربى فتولد عند مركزه مجال كثافة فيضه 3. تسلا. احسب كثافة الفيض على امتداد محوره اذا استطال على شكل ملف لولبى طوله 20سم مع مرور نفس التيار فيه

اعملي مقارنة Bدائري / B حلزوني = 2r\L
الناتج 2.1 تسلا

الف شكر لحضرتك...........ممكن حضرتك تساعدنى فى باقى المسائل

السؤال الثانى:
شحنه مقدارها 1.كولوم تدور فى مسار دائرى نصف قطره 7 سم بسرعه 220م/ث.احسب كثافه الفيض المغناطيسى عند مركز المسار الدائرى
من نصف القطر هات المحيط بتاح الدائرة لان المسار دائري
ثم احسب الزمن من العلاقة الزمن يساوي المسافة(المحيط) علي السرعة
ثم احسب التيار من العلاقة Q/t
ثم عوض في قانون المجال للملف الدائري اعرف ان N=1

السؤال الثالث:
ملف دائرى قطره 12 يمر به تيار كهربى يولد مجالا مغناطيسيا عند مركزه ابعدت لفاته بانتظام عن بعضها فى اتجاه محوره ليصبح ملفا حلزونيا يمر به نفس شده التيار فاصبحت كثافه الفيض المغناطيسى عند نقطه داخله وتقه على محوره =1/2كثافه كثافه الفيض المغناطيسى غند مركز الملف الدائرى.احسب طول الملف الحلزونى عند اذن

الملف الدائري اذا ابعدت لفاتة يصبح حلزوني ويصبح عدد اللفات كما هو وكذلك التيار
اكتب ان كثافة الحلزوني = نصف كثافة الفيض عند مركز الملف الدائري

ثم اكتب قانون كل واحدة مع مراعاة النصف وعوض يطلع الناتج

السؤال الرابع:
بطاريه قوتها الدافعه الكهربيه 8 فولت ومقاومتها الداخليه واحد اوم وصل قطباها بسلك مستقيم طوله 10سم ومساحة مقطعه 3*10^-8ومقاومته النوعيه 4.5*10^-6 اوم.متر احسب كثافه الفيض المغناطيسى عند نقطه بعدها العمودى عن مركز السلك 20سم علما بان الوسط هواء

هات مقاومة السلك من قانون المقاومة ثم بدلاله المقاومة والقوة الدافعة احسب التيار
ثم عوض في قانون السلك المستقيم

ربنا يوقفك ,,,,,,,,,, لو فس مشكله ممكن تسالي فيها براحتك حاولي تطلعي النتائج كلها وبعد كدا لو في مشكله تحت امرك

بجد الف شكر لحضرتك............ جزاك لله عنا كل خير............... مشكووووور............ والله يعجز لسانى عن الشكر............... وشكرا لاهتمام حضرتك

انا طلعت ناتج المساله الاولى طلع الحمد لله صح وبحل الباقى............. وان شاء الله لو وقف معايا اى مسائل هكتبها اكيد....... والف شكر مرة تانيه....وحليت السؤال التانى الحمد لله.

ممكن حضرتك توضح فكرة السؤال الثالث تانى معلش......... مش عرفت اعوض بانهى قانون.هو مدينى ان كثافه الفيض المغناطيسى عند نقطه داخله وتقه على محوره =1/2كثافه كثافه الفيض المغناطيسى غند مركز الملف الدائرى اذاى استخدم دة فى الحلزونى

الملف الدائري اذا ابعدت لفاتة يصبح حلزوني ويصبح عدد اللفات كما هو وكذلك التيار
اكتب ان كثافة الحلزوني = نصف كثافة الفيض عند مركز الملف الدائري

ثم اكتب قانون كل واحدة مع مراعاة النصف وعوض يطلع الناتج
(قانون الملف الحلزوني) = نصف (قانون الملف الدائري )
يطلع 4r=L ومنها L= 2x12=24 مع مراعاة وحدات القياس

اوك الف شكر........... معلش تعبت حضرتك معايا:)