عقوبة السفر
 

سافرت عام 1993 للعمل مدرسا بالرياض وكنت كل عام أدفع مايطلب منى للحفاظ على وظيفتي ودرجتى المالية وكنت وقتها على الدرجة الثالثة وترقى زملائى عام 1999 ألى الدرجة الثانية وبقيت كما أنا وفى عام 2005 ترقوا الى الدرجة الاولى وبقيت كما انا على الدرجة الثالثة ثم عدت الى عملى وانهيت السفر وذلك فى عام 2008 ودخلت امتحانات الكادر واخيرا فى عام 2012 تم ترقيتي بعد حضور دورة تدريبية الى معلم اول على الدرجة الثانية وزملائي الان على درجة معلم خبير او درجة مدير ، وحتى الذين جاءوا بعدى سبقونى فى السلم الوظيفى ، فهل لديكم حل لهذه المشكلة أخوكم / السعيد يوسف الخياط / دمياط

محدش بياخد كل حاجة

للاسف السفر للعمل بخارج ع سبيل التعاقد الخارجى وليس الاعارة لمدة 6 اعوام متصلة او اكثر يحرم الموظف م الترقى كباقى اقرانه ممن هم ع رأس العمل... ليس كل ما يتمناه المرء يدركه

بالرغم من اعتراف الدولة بأن العاملين بلخارج هم أحد دعائم الاقتصاد القومي وخاصة العاملين بالحكومية كالمعلمين وخاصة لأننا ندفع المعاشات والتأمينات بالعملة الصعبة ولكن جزائنا في النهاية هي حرماننا من الدرجات والترقيات فإذا كانت هذه القوانين فالدنيا كلها بتتغير ليه ما يتمش تقدير المعلم اللي سافر للخارجمادام بيدفع مستحقات الدولة هو مخدش دور حد ولاجه على حد ، وياسيدي ياللي بتقول محدش بياخد كل حاجة مش كل المسافرين في الخارجة سعداء ويارب تجرب السفر

بكل اسف نفس الشئ حصل معي وزميلتي تعينها بعدي بعشر سنين اعلى من في الترقي بالرغم من ان خبرتي افضل بكثير لاني مارست طرق حديثة في التعليم بالخارج مثل التعلم النشط والتعاوني واستخدام اسليب تكنولوجية حديثة كالسبورة الفعالة والكميوتر ووسائل معملية حديثة وعندما عدت لبلدي رجعت للطرق التقليدية واساليب متخلفة وزملاء ليس لديهم قدرة على التطوير وكل فكرهم هو خبرة اول سنة تكررت مع سنوات العمل بدون اي تغيير

يا اخي انا بقول محدش بياخد كل حاجة وانا زعلان وحزين على حال واحد اتغرب وشقي وطفح الكوتة ودفع تمن الغربة مرتين مرة في بلده تامينات وفلوس وقر كل سنة ومرة برة بلده تعب وبهدلة وخدمة في ناس متستهلش .. ولما رجع لقى تلامذته اعلى منه في الترقية مش عارف ازاي فهمت اني مستكتر السفر على اصحابه ربنا يبارك لكل الناس ويكرمنا بسفر لبلد محترم منرجعش منه تاني ولا ندور على ترقية ولا وجع قلب في بلد مبتقدرش غير الرقاصات وبتوع الهشك بشك وحسبنا الله ونعم الوكيل

هو ايه الكلام ده اللى مش عاجبه السفر عشان الترقيه يسيب السفر ويرجع ومايدفع لا تامينات ولا هيحس بالغربه ولا حاجه
انا عارف ان كلامى هيزعل ناس كتيره فدائما الحق فى الغالب مر . ولكن كن واقعى كيف تتساوى بالذى يتقاضى راتب لا يتعدى 500 جنيه فى حينها كيف تتساوى وانت بتخدم بلد اخرى كيف تتساوى ..................... هناك اشياء كثيره كلنا نعلمها . لا ومعظم المسافرين بعد البناء والسياره والزيجه او غيره ربنا يزيدهم. والله انا لا احقد ولا انظر الى احد فانى والحمد لله غنى بما يكفينى ويفيض ولكنى اقول الحقيقه التى لا تريدون ان تسمعوها. اللى مش عاجبه وعاوز يترقى لا يسافر

ياعزيزى نحن ندفع فى أربعة مصارف ( بنوك ) البنك الأهلى وبنك القاهرة وبنك مصر وبنك الإسكندرية بالجنيه المصرى وبالدولار لنحافظ على وظيفتنا وترقيتنا ، وإذا كنا سنحرم من هذه الترقية فكان يجب ألا نطالب بدفع هذه المبالغ الطائلة والتى تزيد سنة بعد سنة تحياتى

مفيش فايدة

أستاذ إيهاب قانون الكادر اكثر قسوة لأنة حتى يحدث ترقية لابد ان تكون على راس العمل وتتدرب اما القانون 47 فكان يمكن التحايل علية بأنك كل 4 سنوات تقطع الإجازة ولو شهر وتحصل على ترقيتك عادى

المفروض ان كان حضرتك تقطع الاجازة كل ما تكون هنا في مصر كل عام وبكدة كنت تحصل على كل ترقياتك لكن الواضح انك لم تقم بقطع الاجازة وكنت بتجددها فقط