بوابة الثانوية العامة المصرية - كيفية تنظيف مطبخنا ..!!

http://im88.gulfup.com/IiPQfN.jpg

اهلا بكم اخواتى العضوات والمشرفات الاعزاء و الكرام فى هذا الموضوع
حيث اننى اريد ان اقدم الى اخواتى مجموعه من النصائح لتنظيف المطبخ ارجوا ان تكون هذه النصائح مفيده لكل ربه منزل ولكل عروسه جديده فى منزلها

كلنا طبعا بنحب نقف فى المطبخ ونطبخ جميع الاصناف وبعد ما نخلص الطبخه نكون مخنوقين من تنظيف المطبخ وعايزين ننظفه تنظيف كويس

تعالوا بقى نشوف ازاى ننظف المطبخ بكل سهوله

http://im88.gulfup.com/HwxxJU.gif

نتكلم عن حاجه حاجة :-
البوتوجاز

عندنا طريقتين ننظف بيهم البوتوجاز

1-لو عايزه تتخلصى من اى اثار للدهون اللى موجوده على البوتوجاز نتيجه للقلى والتحمير يبقى هاتى اسفنجه فيها مسحوق غسيل وامسحى البوتوجاز بيها وبعد كده امسحيه بسفنجه مبلله بالميه وبكده يبقى البوتوجاز نظف من غير اى مجهود ولو عايزه زياده فى اللمعان يبقى امسحيه بورق جرائد مبلل بالميه

2-لو كانت الدهون بقى نشفت على البوتوجاز ومش عايزه تطلع يبقى هنعمل خليط مكون من نص كوبايه ميه +نص كوبايه اى مسحوق تنظيف واتركيه عليه لمده ساعه وبعد كده ابدئى فى تنظيف البوتوجاز بنفس الطريقه السابقه

الحله الالومنيا :-

من المشاكل اللى ممكن تقابلك وبتبقى مش عارفه تعملى ايه معاها ان الحله يكون فيها سواد فى القاع وعلشان تتخلصى من المشكله دى يبقى افركى السواد ده بشويه ملح خشن و ليمون وبعد كده اشطفيها كويس واغسليها بالصابون وفرشاه خشنه وبعدين اشطفيها كويس بالميه وهتشوفى الفرق هترجعلك الحله جديده

الاطباق والكوبايات الزجاجيه :-

دى بقى مشكله بتقابلنا نقول ازاى مبتلمعش رغم انى غسلتها اكتر من مره بمسحوق غسيل فيه ماده ملمعه لكن مفيش فايده!
علشان بقى نتخلص من المشكله دى بعد ما تغسليها بالصابون حطيها فى طبق فيه ميه فاتره مذاب فيها ملح وسبيها لمده ساعه وبعد كده اشطفيها كويس اوى وسبيها تنشف على تربيزه المطبخ من الهواء سبيها تنشف من نفسها وبلاش تنشفيها بفوطه المطبخ لان ده بيخليها تفقد لمعانها

ادوات المائده (المعالق والسكاكين والشوك) :-

عشان تلمعى السكاكين وادوات المطبخ غير الفضيه يبقى دوبى شويه مسحوق غسيل فى لتر مايه +عصير ليمون وحطيه على نار هاديه مع المعالق اللى انتى عايزه تنظفيها وسبيه لحد ما يغلى لمده ربع ساعه وبعد كده سبيه لغايه ما يبرد وبعد كده اشطفى المعالق والسكاكين بالميه وسبيهم لغايه ما ينشفوا فى الهواء وبلاش تنشفيهم بفوطه وهتلاقيهم يلمعوا ورجعوا جداد تانى
رائحه البصل لازقه على لوحه التقطيع
علشان تتخلصى من ريحه البصل والثوم والسمك وغيرها من الروائح اللى ممكن تكون على لوحه التقطيع ادعكيها بنصف ليمونه وبعد كده اغسليها كويس بالصابون والميه

سيراميك المطبخ :-

علشان يلمع سيراميك المطبخ سواء اللى على الجدران او اللى على الارض يبقى دوبى فنجان خل ابيض +عصير ليمون +ملعقه كحول نقى (موجود فى الصيدليات)فى ميه فاتره ولمعى بيه السيراميك وهتشوفى الفرق بنفسك
-ولو عايزه ريحه المطبخ تبقى حلوه بعد ما تخلصى يبقى ضيفى الى ميه المسح عصير 5 ليمونات وهتمشى الرائحه

اسفنجه الغسيل :-

لما تلاحظى انها بقى شكلها زى القديمه من الاستعمال انقعيها فى ميه سخنه مضاف اليها ملح خشن او صابون الغسيل وبعد ساعه اغسليها كويس بالصابون والميه
بقايا الاكل والدهون
ساعات كتير البلاعة الخاصة بالحوض ممكن تتسد نتيجة تجمع كمية كبيرة من بقايا الأكل عليها أو الدهون وعلشان تتغلبي على المشكلة دي يبقى هاتي كوباية كلور + كمية كبيرة من المية وضيفيها إليها وافتحي حنفية المية السخنة لمدة عشر دقائق وكل حاجة هترجع زي الأول وأحسن

يارب تستفيدوا من هذه النصائح ويارب تعجبكوا

http://im88.gulfup.com/X6QcdQ.gif