|
حراااااااااااااااااااااام........... ليه كده
السلام عليكم ورحمه الله وبركاته
انا مش عارفه ابدا ازاي انا كنت امبارح بتطلع علي ورقه الفيزياء وكان معايا والدتي وشوفت مهزله بجد مصيبه مش مهزله انا لما شفت الورقه كان هيغمي عليه من الظلم اللي حصل فيها اولا ف التجميع اظاهر جايبين ناس جاهله تجمع مش عارفين يجمعوا ثانيا في حوالي اربعه اسئله مش متصححين يدوب معمول علامه صح وبس مفيش درجات خالص ثالثا في حوالي سوالين صح وكاتبين خطا والسوالين انا متاكده انهم صح مش عشان بقي انا ذكيه لا عشان مراجعاهم مع الاستاذ وشايفاهم علي النت زي منا عاملاهم وفي الاخر قال ايه ايه ارفعي قضيه قضيه ايه اللي انا ارفعها ده انا خلاص سجلت الرغبات وداخله خلاص الجامعه بس مش عارفه اعمل ايه انا اتعب واذاكر طول السنه عشان في الاخر اجيب 25.5 في الفيزياء ومش عايزين يخلوني اخد حقي عشان الدنيا متتقلبش عليهم طيب ماشي مستقبلي يضيع ليه ؟؟؟؟؟؟؟؟؟؟ عشان ايه عشان البلد منهم لله وربنا ياخد كل واحد حد في الثانويه الزباله ديه |
للاسف هو ده الواقع وهى دى مصر ظلم فى الدرجات والتصحيح والالتماس زى قلته والسبب انهم مش هينفع يأذوا نفسهم عشان خاطر واحد تاخد حقها حسبى الله ونعم الوكيل:( |
مش عارف اقولك ايه
عارفة انا فى التواريخ كنت حاسب لنفسى انى مش هقل عن46 لقيت فى النتيجة39 بس يلا الحمدلله دى بلد معفنة اصلا |
قدر الله و ما شاء فعل
متزعليش نفسك ان شاء الله ربنا هيعوضك عن اللى حصل ده فى يوم من الأيام واللى ظلمك ده حسابه عند ربنا كبير أووووى |
المفروض كنتي اخدتي درجات التجميع وانتي واقفة
وعادي لو رفعتي قضية ولما تجيلك الدرجات تغيري الكليه اللي انتي فيها ولازم ترفعي قضية لان ده ظلم كبير جدا ربنا يصبرك يارب |
انا مظلوم فى تصحيح الفيزياء لان فى اسئلة مصحححتش حسب النموذج المعدل والمشكلة الكبرى انى لم ادخل طب بشرى علشان ايه؟...................نصف درجة بس ............ظلم ولا لا؟
|
لو علمتم الغيب لاخترتم الواقع
وبعدين في ملحوظه هامه جدا U R In Egypt |
شكرا ياجماعه علي وقوفكم جنبي في المحنه الصعبه دي بجد ميرسي اوي بس مهما عملت مش هاخد حاجه عشان ميطلعوش نفسهم غلطانين
|
قدر الله وماشاء فعل
ربنا معاكى وحسبى الله ونعم الوكيل يابنتى انتى فى مصر ومصر هى هى هى هى امى ديه لوكانت امى بجد كنت طلقتها انا حصل معايا كده فى الجيولوجيا السنه اللى فاتت كنت مراجعه وحاسبه لنفسى انى هجيب 48 ده اقل حاجه لقيت نفسى جايبه 39 ليه معرفش ودخلت حقوق الحمدلله ورايحه تانيه ومعملتش حاجه محدش عارف بكره ايه اللى هيحصل فى امان الله |
ريحى نفسك يا ريناد لان حتى لو رفعتى قضية مش هتاخدى حاجة
خلاص درجتك انتى خدتيها حتى لو مش درجتك لازم ترضى بيها لان مفيش حاجة هتتغير قولى بس حسبى الله ونعم الوكيل وارضى بنصيبك وخلاص واكيد ربنا شايلك حاجة كويسة قدام |
ربنا يقدر لكى الخير
ان شاء الله هيعوضك خير باذن الله اتمنى لكى التوفيق |
ولا تزعلي نفسك وأفتكري إن ربنا عايزلك كده وأتاكدي أكتر إن ربنا رايدلك خير يعني متقلقيش ومفيش حد عارف الخير فين ما يمكن كنت تدخلي الكلية اللي إنتي عايزاه وتحصلك حاجه بعد كده تطيح بمستقبلك يارب تفتكر كلامي كويس
|
متزعليش والله اكيد مكتوبلك الخير ف الكليه ال انتى هتدخليها والله متزعلى نفسك قولى الحمدلله الله اعلم الخير فين
حسبنا الله ونعم الوكيل |
والله العظيم شكرا ليكم ياجماعه علي وقوفكم جانبي وتفاعلكم معايا وانا الحمد لله راضيه وبقول الحمد لله وباذن الله ناويه ابقي حاجه في الكليه اللي دخلتها
|
انا مش عاف انتوا ايه اللى مزعلكم....
دول كدة مكارمينكم... الرجالة يا عينى قاعدين اكوام فوق بعض.. ده غير اكوام الورق اللى عايزين يخلصوها عشان يلحقوا الغدا... و اللى عايز يلحق المسلسل اللى بيتابعه... كتر الف خيرهم انهم فرغوا وقت لينا.. شناكل.. |
| جميع الأوقات بتوقيت GMT +2. الساعة الآن 10:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.