لماذ يعاكس الشباب البنات؟
 

ظاهرة منتشرة الأن بين الشباب وهي معاكسة البنات فانا اتعاكس في اي مكان في المدرسة والنادي والشارع مع العلم بان لبسي محترم ولا اضع مكياج كثير وان كنت زي ما يقال عني جميلة فليس ذنبي

والله انا نفسى كمان اعرف عشان دى قله أدب وانا بيحصلى كده كتير رغم ان لبسى محترم جدا
وكمان نفسى اعرف برضه ليه بيحبوا يعاكسوا على الموبايلات
كل شاب يجرب رقم ولو سمع صوت بنت يعد يتصل بيها ليل نهار
والله انا اتخنقف ونفسى أولع فى الموبايل عشان الموضوع ده

ياجماعه المشكله فى المعاكسات مش فى انك لابسه محترم او لا
بدليل ان فى منقبات وبيتعاكسوا متهيالى ان مفيش احترام اكتر من كده
هو بس الولد لما بينوى يعاكس بيعاكس اى بنت ماشيه قدامه وخلاص
نوع من انواع خفه الدم يعنى

الأخطر ان في بعض المدرسين بيستظرفو وبيهزرو وأكثر شوية ومن يعاكس له اخوات وانا فعلا غيرت رقم الموبايل

مستحيل البنت اللى بتمشى فى حالها
ويكون لبسها اسلامى
واى شاب يعاكسها
العيب مش من الشاب
العيب من البنت
والله العظيم ظلمتني يا لولو ومش بعيد تكون من الي بيعاكسو

لو كلامك ده صح مكنش الموضوع ده اتعمل أساسا
وكل واحد بيعمل كده ان شاء الله ربنا هيردله اللى بيعمله ده فى اخته
صحيح اخته ملهاش ذنب بس ممكن لما يشوف اخته بتتعاكس يحس على دمه شوية ويحترم نفسه
كما تدين تدان

]لو كلامك ده صح مكنش الموضوع ده اتعمل أساسا
وكل واحد بيعمل كده ان شاء الله ربنا هيردله اللى بيعمله ده فى اخته
صحيح اخته ملهاش ذنب بس ممكن لما يشوف اخته بتتعاكس يحس على دمه شوية ويحترم نفسه
كما تدين تدان
يبدو أن الأستاذ لولو يعيش في كوكب تاني وعموماً شكراً انا اول مرة أدخل الموقع والمفروض انه موقع تعليمي هادف ولا يجوز لأي شخص اتهام الأخر ولو كنتم غير راغبين في تواجدي ممكن أوعدكم بعدم الدخول مرة أخرىوفي النهاية اشكر الأخت ( welcomeeeee)

أكيد البنت المتبرجة بتتعاكس بس برضه البنت المحترمة بتتعاكس وده اللى احنا بنقوله

يعاكس الشباب الشابات لنقص التربية والدين والاخلاق وعدم الوعى هل هل هل هل هل يقبل شاب ان يفعل باخته ما يفعله هو ببنات الناس لو كانت الاجابة لا فيجب الاقلاع الان ولو كانت نعم فيكون عديم الرجولة والشهامة ولا يستحق لقب رجل

[طبعا الموضوع رائع والشباب اللى بتعاكس البنات بتبقى شباب هيفة وفعلا الشباب مش بيعاكسو البنت المتبرجة بس لا دول بيعكسو كل البنات وربنا يهدى شباب وبنات مصر

انا من وجهة نظرى ان البنات لازم تكون محتشمة حتى لا تتعرض للسب والقذف من الشباب لان الشاب ايضا لا يمكن ان يعاكس بنت متدين وتخاف الله بس كل البنات الوقتى عادت قدوتهم الفنانة الفلانية والعلانية ...........وذلك للتاثر بالمشاهير واتخاذهم قدوة.........اين بناتنا من بنات الرسول صلى الله عليه وسلم واين امهاتنا من امهات المؤمنين واقول فى النهاية من عرف ربه عرف نفسه .........اللهم اهدى بنات وشباب المسلمين

مش عارف اقول ليكم ايه
هو العيب على الولد اه
بس برضه العيب عند القلة من البنات
يعنى بتبقى فى بنات عايزة تتعاكس