من اصحاب الخبرات اريد حل لهذه المشكلة
 

انا مدرس رياضيات من البحيرة الحمد الله اعمل بمعهد داخل قريتى منذ 8سنوات انا ومدرس اخر زميلى الى ان جاء مدرس اخر من قطاع اخر الى معهدى فأصبحنا ثلاثة جاء اساسى وليس انتداب بعدما كنت اخذ نصاب كامل اصبحنا لايمكن لا حد فينا ان يكمل نصابه المشكلة ؟؟؟؟؟؟؟؟؟؟؟؟؟؟؟؟ان معهد يبعد عنا بمقدار ساعة ونصف مواصلات طلب مدرس كامل فأرادو ان يأخذو مدرس من بيننا فأتصل بى الموجه وقال لى سنأخذك انت رغم ان هذا يعتبر هلاك بالنسبه لى فرفض وقولت ان الاولى هو المدرس الجديد علينا لا انا اقدم منه فى المعهد فقال لى الموجه لا هو اقدم منك سته شهور فى التعين وانت احدث واحد فى التعين افيدونى ماذا افعل رغم ان هذا الانتقال سيأخذنى من بلدى الى بلد تبعد عن بلدتى بساعة ونصف مواصلات وهذا الموضوع يمغص عليا عيشتى ماذا افعل افيدونى افادكم الله .................................................. ...........

عزيزى

مفيش فايده طالما هو اقدم منك

المهم حاول تكيف نفسك مع الوضع الجديد

وعسى ان بكون خير

حاول تشترى لك موتوسيكل وعيش ايامك وانت راجع كل يوم اشترى حاجه حلوه لاولادك

وسيبك من موضوع انا اقدم ولا احدث المهم الراحه النفسيه


تحياتى

شكرا لك على الرد ولكن انا اقدم منه فى المعهد 8سنوات وهو يعتبر احدث واحد فى المعهد لانه كان يعمل فى قطاع اخر

الحل كان فى ايدك
وهو عدم السماح بقبول نقل المعلم الجديد فى معهدك
سواء كان اقدم او احدث
لان من الطبيعى انك نعرف ان المادة فيها عجز صارخ وبالتالى لابد ان حد فيكو هيطلع


لكن بما انك من البحيرة انا ممكن افيدك بشكل تانى لو كملتلى الصورة بالتفصيل
او ممكن بالاتصال وانا تحت امرك

وربنا يقدم ما فيه الخير

انا متشكر جدا استاذ محمد خضر على الرد ولكن كيف اتصل بك

سافر روح شغلك انت وراك ايه غير شغلك
سافر
سافر
سافر
سافر

تجيب عقد وتاخد اجازة بدون مرتب ترتاح من التدريس 3 شهور ع بال ما تفرج او تسافر برة افضل شوف اى مكتب قبل الدراسة ما تبدا

خليك مصر على رايك وارفض النقل بشتى الطرق حتى لو تعرضت للجزاءات لكن فى النهاية مش هيقدروا يخلعوك من مكانك بالعافية

شكرا جدا على رايكم الذى اعتز به وشكر خاص للاستاذ محمد على عبد المنعم لان فعلا لو رفض محدش هيقدر ينقلنى من مكانى حتى لو اخد جزا

ابعت ثلاثة فاكسات بالتظلم واشرح الوضع بالتفصيل فيها واحد لوكيل الوزارة فى البحيرة و الثانى لرئيس قطاع المعاهد الأزهرية والثالث لوكيل شيخ الأزهر عباس شومان ولو حصل نقل لازم تنفذ النقل وبعدين تقدم شكوى فى النيابة الإدارية بس بعد تنفيذ النقل ومتعاندش لو جالك قرار النقل لأنك هيتخلى لك إدارى وقد تحول للتحقيق فلازم تنفذ النقل ثم تشتكى ولكن الفاكسات ابعتها الآن لأنها قد تبعد عنك شبح النقل