بليز ساعدونى
 

مبتخرجش مهندسين كومبيوتر .. لأن الحاسبات و المعلومات شغلها الشاغل السوفت وير .. يعنى البرمجة و السيستم و الكلام ده ..

انما الهندسة متعمقة أكتر فى الهارد وير .. يعنى تركيب الجهاز و البروسيسور و الحاجات دى ..

لكن مستقبلها فى مصر كويس برضه .. و طبعا هى أفضل كلية بالنسبة لمجموعك ..

أنصحك تدخليها لو ليكى فى الكمبيوتر ..

السلام عليكم ورحمة الله وبركاته ................ انا بجد لو ماكنتش دخلت هندسة كنت هادخل حاسبات ومعلومات وسمعت عنها وانها كويسة يعني وانا عامل موضوع الحياة هندسة ممكن تبقي تدخلي وفي عضو معانا اسمه therelative
ده ممكن برضه يقدر يساعدك اكتبي كل حاجة واحنا ان شاء الله نجيبلك عن الحاسبات ومعلومات عنها .............. وبعدين مجموعك برضه ممكن يدخلك هندسة من الكليات اللي باقية في المرحلة التانية وبعد كده تقدري تحولي براحتك ............ بندعيلك بالتوفيق ..........

ونتمني تبقي معانا عالمنتدي هو بصراحة منتدي جامد وياربب تستمتعي بيبه

في نبذة كده عن الحاسبات والمعلومات في حوار بين واحد كان في كليه حاسبات وواحد جديد زيك كده ياريت تقدري تاخدي منه حاجة ............ وبعدين لو عزتي اي حاجة تانية انا ايميلي حاطه في الموضوع بتاعي تقدري تدخلي في اي وقت ........... عالعموم هو ده الحوار ...

اولا من حق كل انسان انه يحدد مصيره (اعتقد ان حق تحديد المصير ده قديم اوى)
ف هيا دى البدايه مع والدك........انك تقول بالنص كده انا حابب يا بابا الكليه دى وانا حاسس انى هكون حاجه كويسه فيها يا ريت ماتوقفش قدامى وسبنى اخوض التجربه
ثانيا: كلنا مرينا بالمشكله دى لاننا كلنا جايبين مجاميع عاليه(انا كنت جايب 95%)......بس انا والدى قال لى خش اللى انت عايزه وتحمل المسؤليه للنهايه........فبصراحه المشكله مع اهلى كانت محدوده
انا عن نفسى حسيت انى بتحدى العالم كله وبدخل كليه محدش قالى انها كويسه.....لانى كنت مقتنع انها كويسه........والحمد لله سنه بعد سنه فى الكليه بقتنع اكتر و اكتر

مش عارف اقولك ايه بس ممكن اللخص لك الموضوع ببساطه......هاتلى واحد بس فى مصر خريج computer science جامعه عين شمس او القاهره ومش شغال.......بس يكون مش لاقى شغل.......يعنى مش قاعد بمزاجه


طب نعمل شويه تشويق اكتر ...........هاتلى واحد بقاله سنه متخرج وشغال باقل من 1000 جنيه شهريا (على فكره ده اللى ضايع خالص)
يعنى نقول عليه غلبان ويستاهل الشفقه



الكليه كلها مميزات للى حاببها وكلها عيوب للى مش حاببها......بمعنى انك لو واحد زكى وبتحب الاختراعات زى ما بتقول هتقضيها تمام التمام
ولو داخلها كده عشان مالحقتش هندسه مثلا........هتقضى بقيه حياتك جواها........لأن عمرك ما هتعرف تعدى بالحفظ فقط


بالنسبه للنقابه :
موضوع بقى ممل وبايخ........عددنا قليل اول ما هيزيد هيتعملنا نقابه ان شاء الله.......وغالبا هتبقى اسمها نقابه مهندسى البرمجيات او المبرمجين.....و قول لوالدك عملت ايه النقابه للى قاعدين على القهاوى.....ولا حاجه فضلوا قاعدين

بالنسبه للمعاهد:
اوعى تفتكر ان صاحب العمل ده عبيط او بيرمى فلوسه فى الارض......اى شركه محترمه يا هتلاقيها كاتبه خريج جامعه حكوميه او مشهوره او مش بتكتب بس الاولويه ليهم
وهنا بفتكر كلام واحد معرفه IT manager فى شركه كبيره لما قاللى انا مش بقابل اصلا خريجى الجامعات الخاصه مدام فيه ناس متقدمه من جامعات حكوميه
وده ميمنعش ان فى ناس خريجين جامعات خاصه مستواهم كويس وبيشتغلوا فى اماكن حلوه برضه(عشان محدش يزعل)


ندخل على الاقسام:
computer science
Information systems
Computer systems
scietific computing
طبعا انت مش فاهم حاجه .....احنا فاهمين واما تدخل هنبقى نفهمك عشان الموضوع كبير
اهم حاجه تكون حابب المجال عموما ......... القسم ده اخر سنه خالص


موضوع الكورسات:
قمه الجهل ان تتصور ان اللى هياخد كورسات ممكن يبقى زى خريج الجامعه اللى درس دراسه اكاديميه......احنا بناخد 48 كورس فى الكليه
على مدار ال 4 سنين .....متقدرش تاخد منهم بره اكتر من 10 كورسات

وده كمان ممكن يفيدك ............





اقسام الكليه


4 اقسام .. 2 ثابتين في كل الكليات و2 متغييرين من كليه لأخري ( طبعا دا لا يمنع التشابهه في بعضها)

يعني مثلا اقسام حاسبات ومعلومات جامعه عين شمس هي :

computer science(CS)

ودي خريجهال بيبقي computer programmer

Information systems(IS)

خريجها بيبقي system analyst

computers systems(C.Sys)

ودا قسم جديد بيهتم بدراسة الهارد وير بجانب دراسة البرمجه

scientific computing(SC)

والقسم دا بيدرس كيفية الربط بين البرمجه وبين العلوم الطبيعيه مثل الفزياء والرياضيات

و كذلك الحال في جامعة القاهره .. مع اختلاف اخر قسمين

وده برضه ممكن يخرجك من حيرتك ................





اهميه الكليه


دي انا مش هتكلم فيها انا بس هجيب مقوله لبيل جيتس .. وهو اللي هيقول اهميه دراسة علوم الحاسب او computer science

ودي كانت مقوله اطلقها في اجتماعه بدارسي علوم الحاسب في جامعة متشيجان الامريكيه

Computer science graduates will be in greater demand than ever over the next 15 years

بمعني : ان خريجي علوم الحاسب سيشكلوا المطلب الاكبر من اي وقت علي مدار الـ 15 سنه قادمه

طبعا كلمات بيل جايتس( اوعدنا يارب) كافيه لشرح اهميه الكليه واللينك اهو اللي عايز يقرا المقال كله (IMG:style_emoticons/default/smile.gif)

................ اتفضلي ده كمان ممكن يفيدك .........



قصه بسيطه عن الكليه


احد المعيدين بيحكيلنا بيقول : انه في تجربه في امريكا بتشارك فيها مصر بطلبه سنه رابعه في الكليه والتجربه عباره عن ثلاث حجرات

غرفتين فيهم اتنين ( اتنين بيني ادمين يعني ) والتالته فيها جهاز كمبيوتر :



انسان 1 *********** كومبيوتر




انسان 2



والمطلوب هو .. برمجه احد البرامج اللي تخلي انسان 2 لما يتكلم مع الكومبيوتر .. او مع انسان 1 ... لا يشعر بفرق وميعرفش مين فيهم بيرد عليه (IMG:style_emoticons/default/wacko.gif)

طبعا التجربه لسه قائمه لحد الان ولم تحقق .. لكن مصر بتشارك فيها بقوه كل عام عن طريق طلبة الكليه ..

دا كان مثال صغير للجنان اللي بيحصل جوا الكليه عندنا (IMG:style_emoticons/default/biggrin.gif)

اه نسيت اقول في الصيف بيبقي فيه ما يسمي بالـsummer course او الكورس الصيفي ودا بيتم فيه دراسة اشياء جديده غير الموجوده في المنهج ..
وطبعا دي اختياريه اللي يحب يستزيد يعني .. وبثمن رمزي ومتوفره لكل الطلبه مش للاوائل بس زي ما بتعمل بقيت الكليات

ودي في اجازه سنه اولي وتانيه بتبقي في الكليه اما في اجازة تالته فالكليه بتوفر تدريب في شركات برمجه متخصصه ولكل الطلبه بردو .. (IMG:style_emoticons/default/smile.gif)


------------------



المواد بقي


اولا في قسم متخصص داخل الكليه للعلوم الطبيعيه او الاساسيه (Basic Sciences) لدراسة الفزيا والرياضه وlinguistics او علم تحليل اللغات بجانب اللغه الانجليزيه و الـ business واخري .. والكليه بتبدأ من الصفر بمعني انه في التيرم الاول من سنه اولي .. بيكون مقدمه للكومبيوتر .. لأنه الكليه بتفترض انه الطالب اللي داخل ميعرفش حاجه عن الكمبيوتر تماما !!!! لحد اما توصل معاه في اخر الترم الاول الي دراسه مبادئ الـ ++C وهي احدي لغات البرمجه بعدين في التيرم التاني يتعمق اكثر فيها .. بعدين تتوالي لغات البرمجه (IMG:style_emoticons/default/laugh.gif)


وتنتهي دراسة الـ Basic Sciences عند سنه2 ليبدا بقي الشغل في تالته .. برمجه برمجه برمجه لما حياتك كلها تبقي برمجه (IMG:style_emoticons/default/ph34r.gif)

وده برضه كماااااااااااان يفيدك .................




حسابات وهندسه


اختلف مع كاب اللي بيقول ان طالب حسبات اقل من طالب هندسه في الفزيا و الرياضيات .. طب ايه دليلك يا عم؟؟؟

اقولكوا ..

1- زي ماقلنا كورسات الكليه عالميه بتدرس في العالم كله
2- في كلية الهندسه جامعة الـ GUC ( الجامعه الالمانيه في القاهره ) وكذلك كلية الهندسه في الجامعه الامريكيه (AUC) بيدرسوا نفس منهج الفزيا والرياضه اللي بناخدها
- مع العلم انهم كلية هندسه واحنا حاسبات - لدرجة ان واحد صاحبي في الجامعه الامانيه طلب مني اني اذاكرله الفزيا والرياضه في فتره الاجازه دي علي اساس ان المنهج واحد ..
قلتله اما ابقي افهمها انا الاول (IMG:style_emoticons/default/dry.gif)

(IMG:style_emoticons/default/biggrin.gif)

وده كمان ............



الفرق بين هندسه حاسبات وحاسبات معلومات


- طيب ممكن يسأل البعض عن الفرق بين هندسه حاسبات وحاسبات معلومات ودا موضوع انا ناقله هنا في شمساوي كان كاتبه واحد من كليه هندسه في كل الطلبه وانا نقلته عنه هنا (IMG:style_emoticons/default/smile.gif)

واتفضلي ده كماااااااااااااااااااااااااااااااان
........................




النقابه


اخر نقطه سألت عنها حره ( بروجرامر مستقبلا ان شاء الله (IMG:style_emoticons/default/wink.gif) ) وهي نقطه النقابه .. بصي يا ستي .. كان في اعتراض من الدوله علي انشاء نقابه لخريجين الكليه نظرا لأن عددهم اقل من الحد الادني لأنشاء نقابه ليهم .. لأن الكليه لسه مبقلهاش 10 سنين .. ويادوب خرجت 7 دفعات ( دا بالنسبه للقاهره وعين شمس بس لأن باقي الجامعات فتحت كلية حاسبات يعد عين شمس والقاهره بفتره )

طيب .. كان في اقتراح تاني .. منخش نقابة المهندسين .. ما في العالم كله دارس الـ computer science اسمه مهندس .. لكن للأسف رفضت نقابه المهندسين انضمام خريجي حاسبات ومعلومات ليها ودا ليس لأنهم اقل من خريجين هندسه ولكن لأنهم درسوا اربع سنين وفي هندسه الدراسه 5 .. طبعا سبب يشل واساسا هندسه في العالم كله 4 سنين (IMG:style_emoticons/default/laugh.gif) .. بس هنعمل ايه .. طبعا دا خللي بعض الجامعات الخاصه زي الجامعه الامريكيه تتحايل علي النقابه بانها تخللي مده دراسة ال Computer science فيها 5 سنين (IMG:style_emoticons/default/biggrin.gif) ويخلوا الطالب يعمل الماجيستير في السنه الخامسه (بيصيعوا عالنقابه يعني (IMG:style_emoticons/default/laugh.gif) ) .. وطبعا دا اسلوب مرفوض اكيد (IMG:style_emoticons/default/biggrin.gif)

طيب ايه الحل يعني .. هنفضل متعلقين كده !!

لأ طبعا .. فكر خريجين الكليه في انشاء جمعيه لخريجي وطلبة حسابات و معلومات اسمها "الجمعيه المصريه لمهندسي البرمجيات" تكون بمثابة اساس للنقابه ان شاء الله .. ودا الموقع بتاعها : Egyptian Software Engineers Association (ESEA)

رأيي الشخصي بقي .. مع احترامي لكل مين شايف ان النقابه دي مهمه .. انا اساسا مش فارقه معايا .. خريجين كلية السياسه والاقتصاد .. من ارقي الكليات في مصر .. ملهمش نقابه .. خريجين كلية الالسن .. ملهمش نقابه .. طبعا ممكن تكون النقابه مطلب للكثيرين وحقهم طبعا .. بس شخصيا مش فارقه .

اتفضلي ياستي ..................



ودا كان رد تاني ليا علي بعض الاعضاء كان عندهم لبس من ناحية الكليه ...


يا شباب ياريت بلاش الكلام دا .. لأن لو تعرفوا احنا بندرس ايه وبنتعلم ايه هتفهموا ان الكليه دي خريجينها هما اللي ممكن يخلوا مصر زي امريكا اقتصاديا ومعلوماتيا .. بلا بمالغه

بس هو الشعب المصري مش بيتقبل الجديد بسهوله خصوصا لو مش فاهمه ..

كورسات الكليه مش بتتاخد بره الكليه .. ولا في هندسه حاسبات ولا في اي مركز من مراكز الكورسات .. هتلاقي حاجات ( مثلا كورسات ++C او java ).. لكن مستحيل توصل

لمستوي خريج الكليه مع احترامي يكفي انها الكليه الوحيده اللي بتسافر بشهادتها بره وتقدر تعمل دراسات عليا و تشتغل بيها بلا معادله لأن المناهج واحده في العالم كله

تفصيلا .. معندناش دكاتره بتألف كتب .. لأ هو بيدرس من خلال المنهج الموحد دا .. ودا مش في مواد البرمجه بس دا كمان في مواد مثل الفزياء والرياضيات ..

كل كتبها بتجيلنا (نسخ رخيصه طبعا) .. وبيتم دراسه نفس المنهج اللي بيدرس في اي حته في العالم

انا اسف جدا طولت عليكي بس كنت عايز افيدك وياريت بكده اكون افدتك وده كلام منقوووووووووووول من شخص كان في كليه حاسباااااااااات ياريت تقدري بقي تقرري ................. يللا سلام وانا في الخدمة لو عزتي حاجة تانية ادخلي عالموضوع بتاعي وعليه ايميلي تقدري تاخديه ................... اوك سلاك

وانا كمان لو مكنتش دخلت هندسة كنت هدخل حاسبات ومعلومات لانها كلية رائعة بمعنى الكلمة

بجد ميرسى لكل الى ردوا عليا خصوصا هابينيس لانك افدتنى كتير