بوابة الثانوية العامة المصرية - طريقه الكبدة الاسكندراني بالصور

.:: بسم الله الرحمن الرحيم ::.

اولا احب ارحب بكل اعضاء المنتدي الكرام وبالذات عشاق المطبخ الي نفسهم يبقوا حاجه متميزه وبأذن الله هيوصلوا لأحلي الوصفات والاكلات
معاكم الشيف : عادل عبد العزيز
طالب بكلية سياحه وفنادق فرقه تانيه
خبره 6 سنوات في مجال الطبخ

انهارده هعملكم ازاي تعملوا الكبدة الاسكندراني واحلي من اي مطعم في الدنيا :-)

المكونات

التوابل
ملح حسب الرغبه - وكميه الكبدة
شطه حسب الرغبه
كمون 3 معالق صغيره
فلفل اسود 3 معالق صغيره

نصف كيلو كبده طازج مقطع الي شرائح طوليه صغيره

عصير 5 ليمونات و 3 معالق خل كبيره

عدد 3 فصوص ثوم مبشورين

عدد 2 فلفل عادي .. مقطع الي شرائح صغيره
عدد 1 فلفل حار .. مقطع الي شرائح صغيره

عدد 2 بصله متوسطه الحجم مبشوره

2 ملعقه كبيره من الصويا صوص ( حسب الرغبه )
عنصر غير اساسي

سلطه الطحينه الخاصه بالكبده

المكونات
عدد 1 علبه زبادي طازج ..
3 - 4 معالق كبيره طحينه
عصير 2 ليمونه و 1 ملعقه خل كبيره
ملعقه صغير كمون
ملعقه صغيره فلفل اسود
ملعقه صغيره شطه حسب الرغبه
ملعقه صغيره ملح
زيت زيتون (حسب الرغبه)
الزينه :
يمكن اضافه شرائح البصل الاخضر
وبعض من حبه البركه

طريقه الطهي
يتم وضع 2 ملعقه كبيره زيت , يفضل زيت الزيتون في الاناء
وننتظر حتي يتم تسخين الزيت
ونضع البصل المبشور ونبدأ بالتقليب حتي يتحول لونه الي الذهبي
ونقوم بوضع الثوم المبشور ونقلب قليلا لمده دقيقه
وبعد ذلك نضع الفلفل العادي والحار
ونقلب لمده دقيقه ثم نضع الكبده والتوابل والملح
ونضع عصير الليمون والخل والصويا صوص حسب الرغبه
ونقلب لمده 4 دقائق ثم نغطي الاناء لمده دقيقه او 45 ثانيه
وبعد ذلك نرفع الغطاء ونقلب لمده دقيقتين واصبحت جاهزه
والف هنا ..

التوابل بتاعتنا : ملح - فلفل اسود - شطه - بهارات
https://scontent-a-cdg.xx.fbcdn.net/...59697481_n.jpg
البصل
https://fbcdn-sphotos-d-a.akamaihd.n...39730507_n.jpg
كبدة طازه
https://fbcdn-sphotos-e-a.akamaihd.n...253b6884f7701b
صويا صوص مخفف
https://scontent-b-cdg.xx.fbcdn.net/...98398563_n.jpg
ثوم
https://fbcdn-sphotos-g-a.akamaihd.n...39699373_n.jpg
فلفل حار وغير حار
https://scontent-a-cdg.xx.fbcdn.net/...29123691_n.jpg
خل و ليمون
https://scontent-b-cdg.xx.fbcdn.net/...20450151_n.jpg

ودا الشكل النهائي للاكله والف هنا
https://fbcdn-sphotos-b-a.akamaihd.n...46510528_n.jpg

https://scontent-b-cdg.xx.fbcdn.net/...99201092_n.jpg

اي استفسارات بخصوص الوجبات او اي اكله ابعتوهالي في اي موضوع انا كاتبه وبأذن الله مش هتأخر عليكم في الرد
تابعونا في اجمل واشهي الاكلات :-)