بوابة الثانوية العامة المصرية - 3 ثانوووووي ... دعوه للتفاؤل يمكن تستفاد من تجربتي

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

3 ثانوووووي ... دعوه للتفاؤل يمكن تستفاد من تجربتي

السلام عليكم ورحمه الله وبركاته....
انا بس عاوزه اقولكم حاجه لاني فعلا حاسه بالتوتر ال انتو فيه لاني كنت ف نفس موقفكو ده السنه الي فاتت والحمد لله ربنا كرمني ودخلت الكليه ال كان نفسي فيها ((هندسه)) ..
انا بس عاوزه احكلكم ع حاجه بسيطه انا مكنتش بزاكر حاجه السنه ال فاتت غير الفزيا كان اني اجيب 50 ف الفزيا دا هدفي لاني كنت بحبها جدا واهملت الرياضه كمان بسببها بس الحمد لله قدرت المها ف اخر 3 شهوور المهم اني دخلت امتحان الفزيا وحليت 5 اسئله بس وطلعت من الامتحان بالصدفه اكتشف غلطتين واضحين جدا بدرجتن وغلطه ف اخر سؤال بدرجه ونص ! ومرضتش اكمل مراجعه وطبعا الدنيا اسودت ف وشي جدا واحباط السنين بقا ! المهم بقا ان النتيجه طلعت ولقيت نفسي جايبه 48.5 من 50 ف الفزيا !!!!!!! مكنتش مصدقه ازاي دا حصل بس لما فكرت عرفت فعلا ان ربنا بيجازيك علي اد تعبك طول السنه مش علي حلك ف الورقه بس ياريت تتفائلو ومحدش يحسب لنفسه حاجه سبوها ع ربنا لان غالبا التوقعات مش بتبقي ف محلها ممكن يكون كرم ربنا اكتر كتيير من ال انت متخيلو:)..
واخواتي بقا رياضه 2 انتوو عمالقه اصلا:d وع فكرا بقا انا كنت طالعه من الاستاتيكا عندي مساله ب 4 درجات حلتها حل عجييب غير ال ف نموزج وكتير قالولي غلط واذ فجأه بردو لقيت نفسي جايبه 19.5 من 20 ف الميكا ودا لاني اجتهدت فيها وحليت كتير بردو ..
فبالله عليكو شويه تفاؤل وعشم ف وجه الله وان ش الله ربنا هيحط كل واحد فيكو ف المكان المناسب فيه .. وربنا معاكووووووو:)

حضرتك اشكرك علي الكلام ده اضيف معلومه بقي انا خرجت من امتحان العربي وقولت انا مش هدخل الكليه اللي عايزها تقريبا كل سؤال كان فيه اكتر من غلطه بس ربنا كرمني في المستوي الرفيع درجاته كلها كانت بدل غلطات العربي تقريبا مغلطتش درجات كبيره اوي كده غير في العربي وفي الاخر الحمد للخ دخلت هندسه يا محاسن الصدف :d

يااااااارب يعملوا معايا كده فى الاحيااااااااااااااااء :bosyht9:

الف الف شكر لحضرتك بجد رفعتى معنوياتى

ياسلام لو حصل ده معايا فى الفيزياء حوزع هنا كنزات كوكاكولا وكل واحد اسمه على الكنزاية بتاعته :)

شكرا ليكي بصراحة رفعتي معنوياتي بس اتنكدت لما قريت في موقع ان من المتوقع ارتفاع التنسيق لارتفاع التسريب والغش . يلا كل اللي يجيبه ربنا خير والله

[QUOTE=مهاب احمد محمد;5928413]حضرتك اشكرك علي الكلام ده اضيف معلومه بقي انا خرجت من امتحان العربي وقولت انا مش هدخل الكليه اللي عايزها تقريبا كل سؤال كان فيه اكتر من غلطه بس ربنا كرمني في المستوي الرفيع درجاته كلها كانت بدل غلطات العربي تقريبا مغلطتش درجات كبيره اوي كده غير في العربي وفي الاخر الحمد للخ دخلت هندسه يا محاسن الصدف :d[/QUOTE
ههههههه الحمد لله ربنا يقوينا *__*

اقتباس:

المشاركة الأصلية كتبت بواسطة not masked (المشاركة 5928640)

علي فكره لحد قبل النتيجه بساعات كان ف كلام من دا بيتقال وكان بيحبط نااااااااس كتير جدا بس والله كل دا علشان يجذبوا اهتمام الطلبه ويلعبوا باعصابهم مش اكتر فياريت متسمعش لحد من هنا لحد النتيجه ومش معني ان كان ف غش يبقي يعلي التنسيق ع باقي الطلبه كل سنه بيحصل غش عادي دا عادي من وزارتنا اللطيفه:d

اقتباس:

المشاركة الأصلية كتبت بواسطة that moment (المشاركة 5928610)

طب تمام حضرتك ال دبست نفسك بقا انا ليا 3 كولا هنا باسمي:)
ان ش الله خيييييييييييييير تفائل/ي ..

اقتباس:

المشاركة الأصلية كتبت بواسطة chalijaly (المشاركة 5928430)

يااااااارب يعملوا معايا كده فى الاحيااااااااااااااااء :bosyht9:

ان ش الله يعملوا اكتر من كداا:d
تفائلوووو بغباء *__*

اقتباس:

المشاركة الأصلية كتبت بواسطة le jasm!n (المشاركة 5928295)

هي الدرجات بانت .. والتنسيق ؟؟

اقتباس:

المشاركة الأصلية كتبت بواسطة nmun (المشاركة 5929188)

هي الدرجات بانت .. والتنسيق ؟؟

لالالالا انا دفعه السنه ال فاتت وبحكي ع نتيجتي:)

اها .. آسف ع الخطأ ف الفهم

شكرا ع الموضوع ويارب كل اللي بيحلم بحاجة ربنا يحققهاله

ربنا يستر والله

ربنا معاكو انا رايحة سنة تالتة برده
ادعولي

اقتباس:

المشاركة الأصلية كتبت بواسطة إليزابيث (المشاركة 5929945)

ربنا يستر والله

خير باذن الله:)