|
خايف من النتيجه .. ادخل هنا :)
السلام عليكم
طبعا بما إن النتيجه على وشك الظهور وناس كتيره خايفه دا كلام واحد عن تجربه بس بحاول اهدى بيه الناس دى ... لكل طلاب الثانوية العامة اللي قلقانين أو خايفين من النتيجة ، إوعى تغلط غلطة عمرك وتعتمد على النتيجة في تحديد مستقبلك وإوعى عشان جبت مجموع عالي تحكم على نفسك إنك لازم تدخل كلية من كليات "القمة" المزعومة ، أنا واحد من الناس اللي للأسف حكمت على نفسي بالإسلوب ده والنتيجة بعد مرور أكتر من 3 سنين في هندسة تعب نفسي وإرهاق وإكتئاب ومش لاقي نفسي فيها تماماً ولو يرجع بيا الزمن كنت دخلت آداب أو ألسن أو سياسة وإقتصاد ، أنا حالياً بحسد فعلاً كل شخص في تجارة أو آداب أو ألسن أو غيرهم وكان نفسي أكون مكانهم ، لو جاتلك كلية قليلة في نظرك أو في نظر المجتمع متزعلش ولا تكتئب صدقني ده ممكن يكون أفضل لك كتير مستقبلاً ، عارف إنك ممكن تزعل وأهلك ممكن يزعلوا لكن ده هيكون حزن مؤقت مش هيستمر كتير ، بمجرد مرور الوقت ودخولك الكلية إنت هتنسي وهتتأقلم وكذلك أهلك ، وممكن الكلية اللي مزعلاك دي تخليك تقدر تستثمر وقتك وتلاقي نفسك في حاجات كتير وتكون مرتاح نفسياً وسعيد ، عكس الكلية اللى كان نفسك تدخلها ، ممكن تكون سبب إكتئابك لسنين طويلة ! وكن على يقين تماماً إن كله محصل بعضه .. فالأهم مش الكلية ولا الحزن المؤقت اللي بعد النتيجة ، المهم إنت .. نفسك ! لازم ترتاح نفسياً ومتتغرش لا بمجموع ولا بكلام الناس .. كل ده مؤقت بالكتير جداً شهر ولا شهرين وكل ده هيتنسي .. وهتتبقى إنت والكلية البائسة ! دور على نفسك وإعمل حساباتك من دلوقتي .. ومتزعلش علي أي حاجة لإن لسه مفيش حاجة تستاهل تزعل عليها !لكن اللي يزعل بجد إنك تختار بإيديك كلية تحول حياتك لجحيم وتكتشف إنك خدت أكبر "مقلب" في حياتك ، وخليت الناس وكلامهم تتحكم فيك وفي مستقبلك وحياتك وإختياراتك ، ومتشوفش نفسك ولا ميولك الشخصية بسببهم .. منقول .. و ممكن يتبع :) |
اقتباس:
انا مش عارف اعلق اقول ايه انت قولت كل حاجه كلام ف الصميم فعلا بارك الله فيك |
كلام جميل بارك الله فيك
بس الواحد فعلا حزين وخايف من شماتة الناس :( |
اقتباس:
شكرا لحضرتك على مرورك الطيب آمين الله يبارك فيك :) .. |
اقتباس:
آمين وفحضرتك كمان :) ... متخافش من حاجه متعرفهاش لان مش بإي\ك حاجه تعملها مدام عملت اللى عليك .. سيبك من كلام الناس لانك كده كده مش هتسلم منه خليك فنفسك وشوف الاصلح ليك واعمله ايان كان فكر خارج الصندوق .. اخرج من مسيره القطيع .. بطل طريقة التفكير الجماعى وإن الناس تفرض عليك عيشتك أياً كانت :) ابقى حر واعمل اللى عاوزه مدام مفهوش شئ يغضب لله :) |
طيب انا تعبت جامد وتعبى حيروح بلاش بسبب الغلطات الغبية اللى غلطتها
انا كان نفسى فى كلية وحرام بعد التعب ده تروح منى |
انا مش في 3 ثانوي لسه رايح 3 .
لكن في الحقيقة انا مرعوب من النتيجة :/ وبدعي من كل قلبي ان كل واحد يدخل الكلية اللي بيتمناها . وشكرا علي الموضوع الرائع. |
جزاكمـ الله خيراَ..
اللهمـ يامن عودتنا فضلك لا تحرمنآ رزقك :( |
جزاكم الله خيرا
|
موضوع جميل
جزاك الله كل خير |
كلامك جميل جدا وفعلا كل واحد في الحياة ليه دور يؤديه مش بس الدكتور والصيدلي والبشمهندس فربما يكون هؤلاء فاشلين في اعمالهم ولكن فعلا الواحد ساعات بيتاثر بكلام الناس
|
كلام جميل جدا ...جزاك الله خيرا
|
| جميع الأوقات بتوقيت GMT +2. الساعة الآن 06:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.