ادخل ايه
 

يا جماعة انا جبت 95.5 وانا رياضة .. وفي درجات ضايعة مني بهبل ف الفيزيا والعربي ومش عارفه راحت فين .. فكرت اكشف على الورقة بس عارفه انى مش هأخد حاجة
انا اصلا مكنتش بذاكر ولا بروح الدروس طول الوقت ومكنتش احلم بنص المجموع على الرغم من انى كنت الاولي دايما والناس مش مصدقة بس انا حليت كويس جدا ف الامتحانات يعني ومش عارفه ايه اللى حصل دا .. بس زعلانة ومخنوقة جدا دلوقت اما شوفت المجموع والناس اللى اقل مني وجابوا ايه

تفتكرو ممكن الحق ايه ؟؟ ومش عارفه كمان انفع ف ايه
انا كنت علوم وبعدين حولت رياضة لأني حسيت انى مش هذاكر وخفت
بجد فيدوني

اولا الف مبروووك على المجموع

ان شاء الله ربنا يسهل وتلحقى هندسة

بس لو حاسة انى ليكى درجات راجعى الورقة

النص درجة بتفرق فى التنسيق

وربنا معاك ان شاء الله ويعملك اللى فيه الخير

مش عارفه والله بس انا ناقصة 4 درجات ونص ف العربي وانا معنديش غير درجة واحدة بس المفروض انقصها .. وكمان الانجلش نقصت خمس درجات وانا غلطاتي لا تتعدي الدرجة ونص .. بس كله قالى ان الكشف على الورقة مش هيرجعلي درجات

ازاي و فين أكشف على الورقة أو أعمل تظلم ؟؟ ارجو يا جدعان الرد بسرعة

ف اخر النتيجة تحت ف موقع الوزارة بيكون مكتوب اسم المدرسة اللى فيها التصحيح وفيها الورق ممكن تكشف فيها

هتسأل فى مدرسك انت الكنترول بتاعك فين ( لان كل إداره بيبقى تصحيح الورق بتاع المدارس اللى فيها فى مدرسه معينه اللى هى الكنترول ) فهتعرف كنترولك فين وهتروح اى مكتب بريد تحط 100 جنيه ( تمن الماده الواحده ) فى حساب معين هيتم الاعلان عنه وتاخد شيك تروح بالشيك ده للمدرسه اللى فيها الكنترول وهيدوك معاد تروح فيه هتلاقى نسخه مصوره من ورقه اجابتك وهتاخد معاها ورقه تكتب فيها ملاحظاتك وممكن يدوك النموذج الرسمى للاجابه فى الماده دى هتراجع اجاباتك وتكتب ملاحظاتك كلها يعنى الاجزاء اللى انت شايف انك مظلوم فيها وهيقولوك مثلاا اسال بعد اسبوع وتتابع الموضوع وتروح المدرسه بعد اسبوع او اسعين بالكتير وتشوف درجتك اتغيرت ولا لأ ومتخافش يا تزيد يا تفضل زى ما انت يعنى مش هتنقص حتى لو تستحق انك تنقص ولو ان شاء الله زدت ولو نص درجه هتاخد ال 100 جنيه تانى ولو لا قدر الله مزدتش يبقى تستعوض ربنا فى الفلوس

اعتقد ان انتي ان شاء الله هاتلحقي هندسة بس لو شايفة ان ليكي درجات راجعي الورق مش عشان ليكي ولا ومالكيش درجات عشان بس ترتاحي نفسيا وماتقوليش يارتني كشفت علي الورق وربنا يوفقك

ان شاء الله انتى هتلحقى هندسه بنسبه كبيره جدا جدا

دفعتنا كان التنسيق عالى وفيه ناس جايبه 93.5 ولحقت

متقلقيش وسبيها على ربنا

ونصيحتى ليكى ورأيى الشخصى ان مراجعه الورق لا هتقدم ولا هتأخر واعتبرى نفسك راجعتى وملكيش درجات عشان مش هتاخديها :)

إن شاء الله هندسة :)