بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   اجتماعيات طالب (https://www.thanwya.com/vb/forumdisplay.php?f=112)
-   -   تجربتى فى 3 ثانوى (https://www.thanwya.com/vb/showthread.php?t=610883)

Islam_sokar 20-07-2014 09:37 PM
تجربتى فى 3 ثانوى
 
انا عارف ان الموضوع ده اتهرس كتير .. بس قلت مش مشكلة .. مش هتيجى عليا انا كمان :d هنبدأ منين .. اممممــ .. تمام من اول شهر 8 كدا .. بدأت طبعا الدروس كلها زى ما المدرسين بدأوا .. كنت بذاكر ورا المدرس على طول .. يعنى اخد الدرس من هنا ... اذاكر واتفرج على التلفزيون .. بس اخصص ساعتين قبل مانام .. اعمل حاجة اليوم .. ده تقريبا كدا لغايت شهر 12 كدا .. بعد كدا بدأت اشد شوية .. خليتهم 3 ساعات .. والواحد مكنش قلقان الصراحة .. احنا خلصنا المناهج تقريبا كلها فى شهر 3 .. فكان قدامنا فرصة ان احنا نراجع المنهج .. مرة واتنين وتلاتة ... كنت بروح المدرسة .. اه كنت بروح .. كنت بحضر الاحياء والفيزيا عشان المدرسين بتوع المدرسة حلوين فيهم .... مذاكرتى كانت بالورقة والقلم وكنت بعلى صوتى شوية وانا بكتب فى الورقة .. وديه تقريبا احسن طريقة للمذاكرة ...

بالنسبة للكيميا .. المعادلات لازم تكتبها كذا مرة ...
الاحياء ... الرسومات متكسلش .. لازم ترسمها ...
الفيزيا ... الكهربية كانت حلوة الى حد ما .. المسائل كانت محتاجة بس فكر عالى شوية :d

الانجليزى .. انا بدأت فيه 20 -7 كنت بحفظ كلمات مع نفسى كدا ...

نصيحتى لكل اللى عايز يجيب مجموع عالى ويتفوق .. انه ياخد درس واحد بس فى كل مادة .. وميفكرش فى مادتين .. حتى لو اصحابك كلهم راحوا .. سيبك منهم .... ممكن تاخد فيزيا درسين بس


الحمدلله .. مكنتش بتعب نفسى اوى .. كنت بنزل اتمشى واتفسح .. وعادى خالص .. سنة عادية خالص ... ده بالعكس ولله .. المواد اسهل بكتيير ومش محتاجة حفظ .. تقريبا معظمها فهم .. وده احسن طبعا عشان بيثبت فى الدماغ ...

انا الحمدلله .. جبت 98.7 علمى علوم :]

ahmad khalid 20-07-2014 09:47 PM
الف مبروك
شكرا ع النصائح الجميله دى و ابقى ادعيلنا بقى

نورهان العريشى 20-07-2014 11:21 PM
شكرا علي النصائح

أمــلــي فــ ربنـــا كبيــــر 21-07-2014 09:29 AM
الف مبروك
و مفيد لنا جدا انكم تحطو تجربيتكو لانها بتشجعنا و بتساعدنا كتير
يا ريت الكل يعمل كدا

محموداسامه 21-07-2014 10:30 AM
الف مبروك
شكرا ع النصائح الجميله دى و ابقى ادعيلنا بقى

hazemon 21-07-2014 02:30 PM
وانت نظام جديد ولا قديم

شروق احمد محمد 21-07-2014 02:43 PM
شكرا جدا علي النصايح ديه فعلا الواحد لازم يستفيد من خبرة غيره

صيدلاني المستقبل 21-07-2014 04:08 PM
شكرا على النصائح الجميلة دى لو حضرتك من الجيزة ممكن تقول اسماء المدرسين اللى كنت بتاخد معاهم

Islam_sokar 21-07-2014 07:48 PM
لا انا من الشرقية :] :]

Islam_sokar 21-07-2014 07:50 PM
اقتباس:
المشاركة الأصلية كتبت بواسطة hazemon (المشاركة 5939427)
وانت نظام جديد ولا قديم
نظام جديد :d

Mouhamed Nour 21-07-2014 08:19 PM
بارك الله فيك

إليزابيث 22-07-2014 05:41 AM
انا كمان كانت دي تقريبا طريقة مذاكرتي ف تلاتة وده البرنامج بتاعي والحمد لله كان برنامج فعال و جبت 99.4

Islam_sokar 22-07-2014 03:14 PM
اقتباس:
المشاركة الأصلية كتبت بواسطة إليزابيث (المشاركة 5940592)
انا كمان كانت دي تقريبا طريقة مذاكرتي ف تلاتة وده البرنامج بتاعي والحمد لله كان برنامج فعال و جبت 99.4
طب تمام :d الف مبروك :]


جميع الأوقات بتوقيت GMT +2. الساعة الآن 09:42 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.