استفسار ضرورى بخصوص طب طنطا وشبين
 

السلام عليكم
ممكن اعرف اذا كان طب طنطا افضل ولا طب شبين ؟؟ انا جالى طنطا ولكن بفكر احول شبين لانها اقرب لى ..ياريت اعرف انهم فيهم افضل
وبدون تعقيد الله يخليكم :)

بصى الاتنين زى بعض..روحى الاقرب احسن..
لان الكليات المعروفة هى ..القاهرة.عين شمس.اسكندرية.المنصورة.اسيوط.
بعديهم كله زى بعضه

تمام شكرا على ردك

انا رايح شبين بس شايل هم السكن عشان مفيش لأبناء المحافظة لكن فيه سكن فى طنطا اكيد

يعنى ايه مفيش سكن لابناء المحافظه ؟ لا في طبعا طالما انت مش في شبين نفسها في سكن عااااااادى جدا

انا كنت فاكر كده برده بس اتصدمت بإن السكن اتلغى من سنتين تلاتة وانا من منوف وسألت مدير الاسكان فى الكلية نفسه وقال مفيش

اتلغى من سنتين تلاته ازاى يعنى اذا كانت صحبتى اللى اكبر من بسنه ساكنه مدينه جامعيه عادى ..لا لا اتأكد من الكلام ده لانى واثقه من اللى انا بقوله لك لانى اعرف ناس كتير اوى في طب شبين ساكنين مدينه جامعيه

على فكرة انا سألت كل الناس بما فيهم واحد زميلى اكبر مننا بسنة برده وقالى بيروح وييجي ومفيش سكن .. لكن بالنسبة لصاحبتك اللى ساكنة فانا برده اعرف واحده اكبر مننا بسنة وساكنة بس بطرق ملتوية بقى ومتاهات ووجع دماغ

اعملوا جروب وجمعوا بعض فيه
سموا الجروب mfm 34
انتوا الدفعة 34 طب المنوفية
سيبكوا من كلام اي حد يقولكوا دي اصعب او دي اسهل وهكذا
كل الناس اللي داخلة الكلية ناس بتذاكر وعارفة الصح من الغلط
اهم فترة اول شهرين في الكلية لو عرفت تتأقلم ربنا هيسهلها معاك طول السنة
لو معرفتش تتأقلم بسرعة متيأسش في اكتر من فرصة قدامك طول السنة
الدكاترة بيراعوا ظروف الطلاب جدا
من داخل الكلية احدثكم :)

يعني دكاتره الكليه ناس كويسه؟

متشكره جدا على رد حضرتك ..اول رد من حد في شبين الاقيه مفهوش تعقيد
..انا حولت لشبين بالفعل وفى انتظار نتيجة التحويل ..دعواتكم