راجع من السفر يا ريت حد يقدر يفيدني
 

الموضوع باختصار يا شباب اني كنت مسافر ورجعت من السفر المهم التوجيه بتاعي قالي أنت راجع من السفر ومدرستك فيها زيادة لازم تتنقل .
اتنقلت من المدرسة المهم السنة خلصت وقدمت طلب رجوع بلدي المدرسة الأولى اللي كنت فيها .
التوجيه شكله مش ناوي يرجعنى .
السؤال بقي : هل أنا نقلي من البداية قانوني لان انا كنت اقدم واحد في المدرسة والمدرسة اللي اتنقلت لها ما فيها عجز اصلا بس رحت كبش فدا مكان ابنة احد الواصلين ولخدمة احد المدرسين في المدرستى الاصلية.
طب لو قانوني له مدة معينة .
طب لو ما اتنقلت لبلدي اعمل ايه قانوني برضه .
يا ريت حد يرد عليا بسرعة يا جماعة .

ايه يا شباب 33 مشاهدة ومفيش رد افيدونا افادكم الله

يا اخى الفاضل النقل بتاع حضرتك غير قانونى من البداية .كان المفروض التوجيه ياخد واحد احدث من حضرتك .حضرتك ضيعت حقك من البداية

نفس هذا الموقف تكرر مع اخى
نقلك او لمارجعت قانونى تماما لانك تعتبر الاحدث\
مدة هذا النقل سنه واحده فقط وبعدها من حققك ان تعود مدرستك

بارك الله فيكم يا شباب ولا حرمنى الله منكم

القانون الراجع من اجازة طويله يعاد توزيعه مرة اخرى دا كلامى قانونى ميه فى الميه

النقل قانوني لانه بالسفر اصبح احدث من دخل المدرسة الا بتقديم هدية قيمة في البيت للموجه الاول

مدة سفر حضرتك ودخول زملاء اخرين حتى لو كانو احدث م حضرتك اعطاهم اقدمية عنك وبالتالى فالنقل قانونى

حضرتك طالما قمت باخلاء طرف من المدرسة ولم تتظلم ولم تطالب بالاقدميية فسقط حقك القانونى
وبالتالى انت الان على هوى التوجية والافضل هو الوساطة والمعارف لان القانون كله ثغرات

عند العودة من الخارج يتم إعادة توزيع المعلم حسب العجز والزيادة .. وارتباطك بالمدرسة التى كنت تعمل بها كان لمجرد التسكيين القانونى فقط لكى يتم عمل الاجراءات القانونية المعروفة من استخراج الأجازات والتقارير السنوية والمستحقات المالية .. ولكن عند العودة من الخارج يتم إعادة التوزيع مرة أخرى وللأسف هذا الإجراء قانونى غير أن البعض يتجاوز هذه الأمور بطرق عديدة.

الله يبارك فيكم