|
برجاء دخول جميع الاعضاء والمشرفين..نصائح ذهبية عشان يبقى منتدانا احسن منتدى
السلام عليكم ورحمة الله وبركاته
ازاي نخلي منتدانا من احسن المنتديات ؟؟ طبعا انا عارفة ان منتدانا احسن منتدى انا اشتركت فيه بجد وكل الناس عقولهم سابقة سنهم بكتييير احنا هنا في بوابة الثانوية كلنا عمرنا متقارب (المرحلة الثانوية والجامعة وفي مننا اعدادي) يعني اكتر عمر فينا مايتعداش22 سنه بااستثتاء الادارة طبعا والمدرسين الافاضل لكن ماشاء الله مش بنتكلم في موضوعات تافهه اللي معظم الشباب الايام دي بيتكلمو فيها احنا بتدور بينا مناقاشات جميلة وحوارات بناءة في كل الموضوعات.. وطبعا اللي مساعدنا في كدة ان الادارة بتاعتنا جميلة و_والله ده كلام جد مش مجاملة_ والميزة اللي في الادارة عندنا انها داخلة وسطينا تتناقش معانا وتاخد وتدي معانا في الكلام لدرجة ان ساعات كتيرة بيوصل النقاش بينا وبين الادارة لمرحلة الجدال وده من الديموقراطية الموجودة في المنتدى واقرب مثال لما الاستاذ اشرف وقف المجاهد في سبيل الله ولما لقنا معترضين رجعه تاني كل اللي انا قولته ده ده يؤكد ان منتدانا جميل جدا ويدخل في قائمة احسن المنتديات بس في بعض الحاجات لو عملناها نبقى على رأس هذه القائمة اولا: اننا نشجع الاعضاء الجدد اللي بيدخلو المنتدى انهم يكملو فيه بحيث ان كل واحد فينا يحصص عشر دقايق من الوقت اللي بيقعدو في المنتدى لقسم الترحيب اي عضو يعمل موضوع للترحيب لازم كلنا نرحب بيه عشان هو لما يدخل ويلاقي 20 او30 ترحيب ده يشجعه انه يكمل معانا ويحس بالتواصل ثانيا:اننا منخليش اهتمامنا على قسم واحد او اتنين في المنتدي .. لا .. لازم نشارك في كل الاقسام عشان نتغلب على مشكلة ان كل عضو بيعمل موضوع وعارف مكانه الصح فين ويحطة في العام عشان عارف ان معظم الاعضاء مش بيدخلو غير العام يعني مثلا حد عنده مشكله ومحتاج مساعدة ضروري جدا يدخل يحط موضوعه في العام وده مش غلط عليه عشان هو محتاج الحل ضروري يجي المشرف ينقله الموضوع في اجتماعيات طالب ويقعد هناك بالايام محدش يرد عليه اكيد ده ينفره من المنتدى ثالثا:قسم جرس الفسحة وده انا مش هتكلم عليه انا هكتفي بروابط الموضوعات اللي اتعملت عشان نصلحه ظاهرة غير صحيه اتمنى زوالها فى القريب العاجل ايه رايك فى العاب جرس الفسحه ..لذيذه ارجو عدم الحذف والافاده غير موضوعات كتيير جدا اتحطت في الاقتراحات وبرده ماتوصلناش لحل رابعا: اننا نحترم المشرفين وقرارتهم اكتر من كدة لان كل عضو هنا يتحذفله اي موضوع او يتنقل يزعل بس لازم نفكر اكيد المشرف مش بيعمل كدة بمزاجة ولا هو عايز يعند فيا اكيد هو شايف حاجة صح احنا الموضوع مثلا مكرر او مش مكانه خامسا:ودي مهمة جدا اننا نخلي معظم كتابتنا في المنتدى مشاركات اكتر مما هي مواضيع بمعني اننا نرد على المواضيع الموجودة ونتناقش فيها احسن من اننا نحط موضوعات جديدة وكله يغطي على بعضة ****وياريت لما نيجي نحط موضوعات مش نحطها كلها في قسم واحد لازم ننوع بحيت اننا منحطش اكتر من موضوع واحد في القسم الواحد في اليوم عشان ياجد فرصته في الرد لان في اعضاء هنا في المنتدى تدخل تحط 4-5 مواضيع مرة واحدة في القسم وتمشي ده كدة هيغطي على موضوعاتها نفسها اللي حطتها مش هيترد عليها كتير وهيغطي برده على موضوعات باقى الاعضاء في القسم ده سادسا:اننا نخفف من المشاكل شويه في المنتدى ومش كل عضو ياخد كل كلمة بحساسية ونحاول نعدي لبعض وكل واحد يخليه هو الكبير:D وندي بعضينا فرصة للكلام وتوضيح وجهة النظر مش من اول كلمة زعل وخناق ممكن يكون واحد قصده كويس وخانه التعبير مش نعلقله حبل المشنقة نحاول نفهم منه وبعدين نتخانق براحتنا وخصوصا ان دي كتابة مش كلام مباشر بس كده انا خلصت بس الصراحة مش عارفة اذا كان من حقي اقول الكلام ده ولا لأ ولا الموضوع ده مكانه صح ولا المفرض يتنقل واذا كان في موضوعات زيه ولا لأ بس هما كانو كلمتين في قلبي وطلعتهم خلاص الحمد لله:) انا عارفة ان الموضوع ده اتعمل زيه كتير بس دي كانت في ظروف معينه عشان تحل مشكلة بس في الموضوع ده مفيش اي مشاكل الحمد لله ده موضوع عاااام:):) |
الكلام دا كويس جدا وانا بايدك فى كل اللى اتكتب
ولازم المشاكل دى تتحل وشكرا جزيلا لكى |
نصائح غاليه انشاء الله الكل يلتزم بيها
جزالكى الله كل خير ع الموضوع الجميل |
اقتباس:
عى العموم ما شاء الله الموضوع جميل جزاكى الله خيرا وصراحة انا شايف ان اهم ميزة فى المنتدى والى مش لاقيها فى اى منتدى اخر اقتباس:
|
اقتباس:
ويارب المشكلات دي تتحل |
اقتباس:
شكرا على الرد:) |
اقتباس:
جزانا وايــاك شكرا على الرد:) |
بصى انتى الحاجات اللى قلتيها
ماشى حلوه و كل حاجه بس فين اللى بيسمع و مين اللى بينفذ كل واحد بقى راكب دمااااااااااااغه ده انا الاول مكنتيش تعرفينى من الحماس بتاعى بس دلوقتى لا عرفت اللعبه بصى متفكرنيش بس و تقلبى عليا المواجع اصلها كتيييييييير على العموم يلا انتى اقدم منى هنا فى المنتدى بمراحل و عارفه اكتر منى بكتير المهم شكرااااااااااااا على الموضوع فى رعايه الله |
شكرا على النصائح الحلوة دة ويارب كله ينفذها
|
شكرا عظيما على مجهودك وإخلاصك العظيم
|
مشكوره اختى على كتابه الموضوع
لانى بجد انا بدات ازهق من المشاكل اللى بتحصل كل شويه فى المنتدى ده لولا انى بحب منتدى الثانويه كان زمانى طلقته ههههههههههه بجد كان زمانى سيبت المنتدى بس اعمل ايه يلا ربنا يسمع منك ويهدى الاحوال ويرجع احسن مما كان وبالتوفييقى يا حببتى وياريت تزودى حاجه ان الاعضاء ماتدخلش الموضوع تقراه وخلاص ولا تعلق اى رد مش مناسب للموضوع لازم يبقى فى تفاعل بين الاعضاء يعنى اللى يقرا موضوع وس\يشوف انه يستهال انه يترد عليه مايبخلش ده حتى الرد على المواضيع مش بفلوووووس وفى امان الله |
اقتباس:
اصل احنا هنا عندنا الواحد بيحدد انه يدخل الموضوع ولا لأ من اسم العضو اللي كاتبه يبقى موضوع ملوش لازمة ولا طعم ولا لون ويتثبت قال يلا مش مهم انا الموضوع ده حطيته عشان ربنا ومش مستنيه حاجة من حد شكرا على ردك |
اقتباس:
شكرا على ردك الجميل |
اقتباس:
|
اقتباس:
ايوة والله الرد مش بفلوس:confused: شكرا على ردك الجميل |
| جميع الأوقات بتوقيت GMT +2. الساعة الآن 07:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.