طلاب كلية الطب ممكن ثانية واحدة؟؟؟
 

انا انشاء الله داخلة 3 ثانوى عام ونفسى وحلم حياتى ادخل كلية الطب فممكن كل واحد يقولى كان بيذاكر ازاى فى ثانوية عامة ؟ والمفروض اذاكر كام ساعة فى اليوم؟؟ هل ينفع اذاكر العربى من كتاب الاضواء؟؟ و الفرنساوى من كتاب برافو ؟؟؟ وشكرا لحضراتكم

أولاً: أسأل الله أن يحقق لك كل ما تتمنيه، وأن يوفقك لكل خير.
ثانياً: بالنسبة لطريقة المذاكرة فهي ليس لها طريقة معينة، ببساطة أنت رقيب نفسك. اللي تحس إنه محتاج مذاكرة يتذاكر. وعلى هذا الأساس يتحدد عدد ساعات المذاكرة. ولا غنى عن التكرار، حتى لما حضرتك تدخلي طب بإذن الله، فستجدي أن التكرار هو خير وسيلة للتفوق بإذن الله.
ثالثاً: العربي كله يتذاكر من الأضواء ما عدا الأدب فيفضل الالتزام بنص الكتاب.

القران والصلاة والمذاكرة اول باول وذاكري من الامتحان ودليل التقويم والادب من كتاب المدرسة

الموضوع سهل جدا جدا كل ما هنالك اولا التوكل على الله بكل صدق وانك تثقى يقينا بأن الله هيساعدك وتدخلى طب وده نقطة مهمة جدا ثانيا تاخدى بالاسباب وده برده نقطة مهمة
بالنسبة لطريقة المذاكرة فكل شيخ وليه طريقة يعنى انا كنت بذاكر بطريقة كنت فاكرها غلط ومش هتجيب نتيجة وزمايلى كانوا بيذاكرو طريقة تانى خالص واهو انا دخلت طب ولله الحمد وهم تقطعت بهم السبل اهم حاجة الحفظ نصا من كتاب المدرسة يعنى مثلا الاحياء والجيولوجيا والكيماء دول عمرى ما ذاكرتهم من كتاب بره كتاب المدرسة اما العربى فالمنهج كبيييييير وفروعه كتيرة فكنت بذاكر الادب بس من كتاب المدرسة وباقى الفروع من الاضواء اهم حاجة حفظ وفهم التعليق اللى ورا النص فى كتاب المدرسة ضرورى جدا التعليق اما الانجليزى والفرنساوى فكنت من عدة مصادر علشان كده كنت تعبان فى مذاكرتهم نيجى للفيزياء احسن مادة بالنسبة ليا اهم حاجة انك تذاكرى من مذكرة كويسة او كتاب الامتحان وتحلى كتييييييييييير جدا انا عن نفسى كنت بحل فى ثلاث كتب ولو فى اى استفسار انا فى الخدمة

ذاكرى اول باول وخليكى مع ربنا دايما وحلى كتييييييييييييييييييييير
وربنا معاكى وتحققى حلمك :)

لو سمحت كنت بتحلوا فى كتب ايه للفيزيا

كتاب الإمتحان + مذكرة المدرس كافيان جداً بإذن الله

كتاب الشامل و كتاب الامتحان و مذكرة المدرس
بالنسبة للمذاكرة أنصح كل الطلبة بقراءة كتاب 30 قانون للمذاكرة الفعالة للدكتور أمين صبرى

اهم حاجة ان هدفك يكون واضح انتى عايزة تكونى ايه
انا عن نفسى كنت بعمل انى نايمة عشان اقنع نفسى انى بنام
وبعدين لما تكونى عايزة تسعدى اللى بتحبيهم بتفرق