|
دودو كتبت موضوع جديد الكل ييجى يشوفه
هاى يا بشر الموضوع بتاع النهاردة موجود فو وقتنا الحالى وهو موضوع الزواج المتأخر !!!!!! ليه يا جماعة البنات بيتزوجوا على سن التلاتين يا ترى عشان مفيش عرسان ولا يا ترى عشان البنات مش حلوين ولا يا ترى عشان الشباب كلهم مش معاهم فلوس هذة ظاهرة عصرية خطيرة ونرجو الرد
|
ياحببتى دة رزق ملهاش دعوة بقى بالاسباب الى قولتيها
والى مكتوب عالجبين لازم تشوفه العين فنش |
اولا الموضوع الرد عليه يكون طويل شوية فى البداية شكرا لطرح الموضوع بس ياريت يكون العنوان يبين الموضوع او يلمحله او حتى يكون محور عن الموضوع بصى يا اختى اولا موضوع الزواج المتأخر قبله موضوع مهم جدا هو موضوع (العنوسةوالطلاق) بمعنى على اخر ما سمعته من احصائيات والله اعلم ايه اخرها لانى بردة سمعت انها زادت مرة واحدة ان العوانس فى مصر عددهم تقريبا اربعة مليون والمطلقات 5 مليون دة طبعا اسبابه لا تعد ولا تحصى منها امكانيات مصر المادية صعوبات الزواج الى الاهل بيفرضها ودة بردة من اسباب تأخير الزواج يعنى معظم الشباب عشان يكون نفسه ادامه ما شاء الله قرون هه بس تأخير الزواج بيرجع للولد والبنت مثلا ممكن انا اكون بفكر انى اتزوج متأخر على حدود 27 او 28 او حتى 30 لان فى نظرى عندى اولويات اهم بالرغم انى ممكن اتزوج قبل كدة بكتير اما موضوع البنات حلوين فمش كل الى بيتزوج بيبص اوى على الشكل مش لازم الى اختارها تكون ملكة جمال هاعمل ايه مثلا لو كانت جميلة جدا واخلاقها تعبانة؟ او دينها مش كويس؟ اما موضوع ان الشباب كلهم ما عندهمشى فلوس اقتباس:
كل قاعدة وفيه الى بيخالفها فيه ادامى فى المنصورة شباب كتير حالتهم المادية ما شاء الله عليهم موضوع كويس بس العنوان مش تابعه صراحة اقتباس:
كل شىء قسمة ونصيب بس ربنا جعل لكل شىء سبب حتى خلق الكون ذات نفسه مطبق عليه نظرية الانفجار الكبير فى امان الله |
ميرسى يا دكتور على مرورك بس انا عملت العنوان كدة عشان الكل يدخل لانه موضوع مهم وظاهرة العنوسة اصبحت منتشرة بطريقة فظيعة هو طبعا كل شئ قسمة ونصيب بس البنات اعدادهم بتتزايد جامد وميرسى تانى على رأيك الجميل
|
اقتباس:
واحب اضيف ان الشباب مش لقى ياكل هيتجوز منين وطبعا مغالة اهل العروسة فى مطالبهم يقوله (احنا بنشترى راجل) لكن ساعة الجد هات وهات وهات :D عالم بتستعبط ده غير طبعا انخفاض دخل الفرد ارتفاع اسعار المواد الاساسية يعنى من الاخر طريقك مسدود ياوالدى بالمناسبة احب احيكى على اسم الموضوع اقتباس:
عندنا هنا شباب هتموت وتكلم البنات وبيتهيقلى بعد الاسم الجميل بتاعك اكيد جتلك 100 رسالة تعارف مش بقولك الشباب مش لقى يتجوز فبيقضيها شات :D |
اقتباس:
وهى ان البنات فى زمن معين هاتكون النسبة بينهم وبين الاولاد كبيرة لدرجت ان يكون الولد وراه 40 بنت يختار منهم الى يتجوزها بسبب العدد النادر وطبعا زى ما قولت لكل شىء سبب والاسباب بتحصل اكيد بالتتابع مش هانصحى فى يوم واحد نلاقى دة بيحصل لازم بتيجى بالتدريج مثلا بعد حرب العراق قالوا على موضوع الحاكم يكون راجل ولا امراة وجدوا ان نسبة النساء ما شاء الله 60% طبعا نسبة كبيرة معنى كدة لو كل واحد اصلا اتجوز واحدة هايتبقى 10% من عدد السكان زطبعا نسبة كبيرة جدا بالنسبة لدولة زى العراق اقتباس:
اقتباس:
بس انتى بردة مع زيادة الكتابة فى المنتديات هاتبتدى تعرفى ازاى تكتبى عنوان يخص الموضوع ويشد الناس ليه عموما ما بسيبشى موضوع غير لما امر عليه اقتباس:
ان لكل شىء سبب اقتباس:
|
اقتباس:
دة انا لسة فى طريقى للكلية مبشرنا انت دايما كدة :D اقتباس:
:D كل شىء قسمة ونصيب ولكل شىء سبب فى امان الله |
ميرسى يا عم جايد ع النصيحة بس الحمد لله انا نشفة جدا ومليش فى موضوع التعارف دة عشان كدة صحابى بيقولوا عليا معقدة ...وبصراحة انا معاك فى موضوع ان الشباب مش لاقى ياكل بس برضه البنات ملهاش زنب وبعدين اسعى يا عبد وانا اسعى معاك يعنى حاول تدور على شغل بدل قعدتك ع النت والقهوة هههههههههه بس فعلا انا معاك فى موضوع الشغل وطلبات اهل العروسة وميرسى عللى رأيك الجميل
|
اقتباس:
فيه كلمات تانية قريبة من المعنى بس ربنا ماقالشى الكلمة فى كتاب سماوى اى على لسان رسول وطبعا الواحد لازم بالمعنى العامى يجيب اخره اما ذنب البنت هى ان اهلها يشدوا فى الطلبات الولد يعنى هايعمل ايه؟ يقتلهم وتجوزها؟ هههههه فى امان الله |
يا حبيبتي البنات دلوقتي مش بتوع جواز يعني كل بنت بتقول لنفسها لأ اناعايزة اعيش حياتي الاول ومتفتكرش الا بعدين بعد ما تضيع أحلى أيام عمرها اللي كان ممكن اوي تعيشها باستقرار في بيتها مع زوجها وتكون اجمل وارق ام في الدنيا ،،
والشباب برضو مبقوش بيحبو تحمل المسؤولية وبيشوفو انهم مش قد مسؤولية البيت والشغل والعيال كمان مسؤولية كبيييرة.. وربنا يصلح الحال ،، تقبلي مروري ... |
هو البنات كتروا اوي بصراحه
بس برضو ده رزق مهما كان |
احييكى على الموضوع الجميل
بالنسبة لسؤالك السن مبقاش فيه بركة يعنى تبصي للعمر تلاقيه بيجرى وانتى لسة معملتيش حاجة هى مسألة قسمة ونصيب وكل شىء مقدر بقدر الله بس اعتقد انه عقبال ما الانسان المحترم اللى ناوى يأسس نفسه يكون نفسه ويحاول يكون مستعديا للخطوة دى عقبال ما يوصل للخطوة دى تكون البنت اللى فى نفس عمره كبرت ومحدش جالها حاليا بشوف ان الواحد لما بيختار بيختار واحدة اصغر منه من خمس لعشر سنين يعنى مفيش توازن فى البلد وعموما دى بترجع للقدر وتربية البنت يعنى اكيد المحترمة واللى رسمة حياتها صح اكيد ربنا بيكرمها وبيعوضها الخير اعذرينى لو كلامى مش مرتب لى رد تانى بس مش دلوقتى جزاكى الله خيرا على الموضوع الجميل |
بصى أنا هرد عليكى رد مختصر جدااً لإن الموضوع ده هيحتاج كلام كتير وهيتشعب مننا ردى الحريه يادودى البنت أو الولد من دول بيقدر يعمل كل اللى هو وفى أى وقت :mad::mad::mad: بصراحه أنا مش عاوز أوضح أكتر من كده وآسف على صراحتى بس فى الآخر والأول هى مسأله نصيب |
اقتباس:
ده غير ان المجتمع بتاعنا بيرفض فكرة تعدد الزوجات للرجل الواحد هو صحيح الشرع و القانون يمكن بيديله الحق ده لكن احنا فى المجتمع مش بنرحب بالفكره دى بس بردو يا دودو دى مش قاعدة عامة لان فى بنات كتير جدااا بيجوزوا صغيرين قبل ما يتموا ال 30 يعنى من الاخر الموضوع قسمة و نصيب زى ما قالولك الاعضاء اللى قبلى انما اللى قلته ده مجرد اسباب وشكراا على الموضوع |
البنات كتير اكتر من الدبان على طبق مكشوف :D بس فين النفس اللى تتجوز |
| جميع الأوقات بتوقيت GMT +2. الساعة الآن 07:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.