لو الطالب جتله درجات فى التظلم ممكن يغير الكلية اللى جتله فى التنسيق ازاى ؟
 

لو زاد درحات الكنترول بيعدلها فورا وتتعدل بطاقة الترشيح للكلية الجديدة بدون تدخل منك وكذلك الكنترول بياخذ منك استمارة الثانوية القديمة ويعطي لك استمارة جديدة وبيان بالدرجات الزيادة في المادة ممكن تذهب بهم لمكتب التنسيق مباشرة هيعدل التنسيق
بعد استلام استمارة الثانوية الجديدة ادخلى على موقع التنسيق واطبعي بطاقة الترشيح هتلاقي كل حاجة متعدله

طيب حضرتك انا عملت اعادة تصحيح وليا درجتين المفروض ف الرياضة خطأ ف توزيع الدرجات يعنى خطوة ف المسألة عليها درجة المصحح مدينى نص درجة
والدرجتين دول يفرقوا معايا كتير جدا

اعمل ايه ؟

انت كتبت التقرير وسلمته بعد كده تابع اعلان النتيجة للتظلمات في الكنترول ال انت راجعت فيه الماده هينزل كشوف بالنتيجة لو ليك درجات زياده الكنترول هيتصل عليك ويقولك احضر بشهادة الدرجات عشان تسلمها لهم ويعطوك شهاده جديده معدله بالدرجات وهيعدلوا التنسيق فورا ادخل واطبع بطاقة الترشيح هتلاقيها على الوضع الجديد لو نقلتك مرحلة او كليه جديده

يعنى ممكن اخد حقى ؟
ولا اعمل قضية علشان اخد الدرجات دى ؟
انا الهندسة واقفة معايا على نص درجة :(

لو فيه خطأ في تجميع الدرجات او فقرة مش مصححة هتاخد درجاتها اما لو فقرة مشطوبة من المصحح حتى لو صح مش هتاخد درجتها الا برفع قضية

مش خطأ ف تجميع الدرجات دة خطأ ف الدرجة اللى المصحح مديهالى يعنى الخطوة ف المسألة عليها درجة وهو مدينى نص درجة كدة ارفع قضية علشان اخد النص درجة ؟
وايه خطوات رفع القضية ؟

وضع الدرجة على السؤال دا تقدير المصحح لا يمكن التعديل فيها اي حزء وضع المصحح القلم عليه لا يعاد تصحيحة الا برفع قضية طب انت حصرت نفسك في الرياضة ليه فقط لماذا لم تتظلم في ماده اخري لتزيد من فرصك بس ممكن لو انت فعلا محتاج نصف درجةلتغير وضعك الى مرحلة جديدة ممكن يعطوها لك والله اعلم لانها حدثت كتير وان شاء الله خير

ازاى اعرف نتيجة التظلم هل فية تليفون

طيب حضرتك فى الديناميكا ف مسأله من المسائل المفروض ان حلها انى بكتب القانون وتطبيق على القانون وبعدين الناتج
وكل خطوة من دول بنصف درجة
المصحح ف المسألة دى ادانى نص درجة على الخطوة الثانية والثالثة ؟
ومدانيش نص درجة على كتابة القانون هل بيتم النظر لحاجة زى دى ف اعادة التصحيح ولا الموضوع بيكون على التجميع بتاع الدرجات ع المرايه بس ؟
ومعلش تاعب حضرتك معايا :d

ﻃﺒﻌﺎ
ﺍﺫﺍ ﻛﺘﺒﺘﻬﺎ ﻣﻠﺤﻮظة ﻓﻲ ﺍﻟﺘﻘﺮﻳﺮ ﻭﺣﺴﺐ ﻧﻤﻮﺫﺝ الاجابه

ﺗﺎﺑﻊ ﻓﻲ ﺍﻟﻜﻨﺘﺮﻭﻝ ﻣﻜﺎﻥ ﺍﻟﺘﻆﻠﻢ ﻭﻟﻮ ﻟﻚ ﺩﺭﺟﺎﺕ ﺑﻴﺘﺼﻠﻮﺍ ﺑﻚ ﺑﺎﻟﺘﻠﻴﻔﻮﻥ ﺍﻟﻤﺴﺠﻞ ﻋﻨﺪﻫﻢ ﻭﺗﺎﺧﺪ ﻣﻌﻚ ﺷﻬﺎﺩﺓ ﺩﺭﺟﺎﺕ ﺍﻟﺜﺎﻧﻮﻳﺔ ﻫﻴﻐﻴﺮﻭﻫﺄ ﻟﻚ ﺑﺎﻟﺘﻌﺪﻳﻞ ﺍﻟﺠﺪﻳﺪ ﻭﻳﻌﺪﻟﻮﺍ ﺍﻟﺘﻨﺴﻴﻖ

يارب يا مستر
ونفس الكلام ف الاستاتيكا المسألة كامله المصحح مدينى 2 من 3
واجابتى صورة طبق الاصل من نموذج الاجابة

الدرجات ف مادة ايه ؟