ما هى ظروف المعيشه فى عمان
 

يا ريت او حد سافر عمان قبل كده يقولنا ايه ظروف المعيشه هناك فى المعقول يعنى

لما يتصلوا بك للمقابلة الشخصية يامحمود أبقى أسأل على المعيشة ولسة كمان الكشف الطبي وبعدها نكون في الأمان ونسأل برحتنا

هههههههههههه بالتوفيق ان شاء الله

المعيشة معقولة والناس طيبين جدا جدا بس ربنا يقويك على الغربة
بيقابلوك فى المطار ويعطوك خط تليفون وياخدوك فندق شيك تستريح يوم او يومين وبعد كدة ياخدوك الى صلالة حيث يتم توزيعك احلى ايام هية اللى فى الفندق غالبا الرجالة بيقعدوا فى صلالة نفسها ودى ممتازة ياريت ربنا يوعدك وتقعد فيها الخبز البلدى العادى موجود فى بعض المخابز البسيطة وكلها بتقبل فى نفس الميعاد الساعة 12 او 1 دايما اشترى كمية كبيرة وخدها معاك السكن عندك ثلاجة واذا ماعرفتش المخبز حاتشترى من السوبر ماركت العيش الابيض اما اذا اتوزعت بعيد فى الجبل حايكون فى باص ياخدك الى صلالة ويرجعك من الاربعاء الى الجمعه لشراء اكلك ومياة الشرب لان فى القرى لا توجد محلات دة بالنسبة للسيدات معاملة العمانيات فى المدارس ممتازة طيبين جدا ويحترموك جدا لك مكتب انيق فى حجرة المدرسين والمعاملات طيبة من سنة سافر بعض الزملاء معانا وحظهم كان الحمد لله قريب بجوار البحر قابلتهم بعض الصعاب البسيطة فى الاول لكن تحملوا وشاهدناهم فى صلاة العيد وكانوا مستقرين والحمد لله طبعا لوانت فى صلالة نفسها يبقى ربنا بيحبك ممكن تكون لك حجرة لوحدك فيها حمام وثلاجة مع السرير والمكتب والدولاب وهناك سيبرات كتير تعمل اشتراك فية علشان توفر علشان كدة من دلوقتى اعمل ايميل لك على اسكاى وجربة واعمل للاسرة ايميل ايضا على اسكاى لانة افضل شبكة هناك وشوية واشترى لاب بنفس سعرة هنا فلو عندك او قدرت تشترى من هنا واتعلم علية اشترى اما اذا اتوزعت على قرية فى الجبل ذى ماحصل معايا فعليك وعلى مكالمات الموبايل فقطلان هناك قرى بعيدة لا يصل اليها النت وعلى العموم حاتلاقى ناس قبلك بسنين حايفهموك كل حاجة لكن اهم حاجة طيبة ناسها وامانتهم الاكل سعرة معقول مش غالى قوى خد معاك ملاية اواتنين ودفايتين علشان البطانية حاتوزن معاك اللى حايقولك مافيش شتاء بيكذب خد بعض الاشياء المفيدة واللى ماتوزنش علشان ماتكلفش هناك
عدد /2كوب #2طبق #2حلة صغير #2صابونة#كيس اريال# مشط #شاى #سكر#2ملعقة#ملخية ناشفة#راسين ثوم # شوية منين وكفاية مع بعض اللبس مش كتير لانهم هنا بيدققوا على الوزن قوى ودفعنا
ربنا يوفقك ان شاء الله كتير من اللى راحوا عمروا وربنا كتب لهم الرزق اتكل على الله وربنا معاك
اللجنة هنا كويسة بيسقطوا اول مرة وبيتصلوا بيك وبيتحايلوا عليكوبينجحوك خليك واثق من نفسك واعلم ان رزقك لن ياخذة احد غيرك
بالتوفيق

اهم شئ
 

انهم فى عمان طيبييييييييييييييييييييييييييييييييييييييييييييييي يييييييييييييييييييييين جدا
ويحبون مصر والمصريين

الظروف تختلف من مكان لاخر
اعرف مكانك ويفيدك اللى فى المكان

مشكورررررررررررررررر وجزاك الله خيرا

مشكورين جميعا وبارك الله فيكم

بالتوفيق ان شاء اللة

هل السكن غير لائق وكم شخص يسكن في الغرفه يا استاده تفاحه

طيب يا استاده تفاحه هل السكن في الجبل غير صالح