|
كان نفسي بس الظروف حكمت !!!!!
اهلا بيكم وشكرا لكل الي فكر يدخل ويقرأ الموضوع
انا يا جماعة كنت عايشة بره مصر حوالي 12 سنة يعني مدة كافيه اني اتأقلم مع الناس هناك . كان عندي صحاب كتير وبحبهم مووت مكنتش قادره اسيبهم خالص ومش عارفة انا سيبتهم ازاي حتى طرق الاتصال بيهم اتقطعت . ولما جيت بلدي الحبيب مصر كان عندي شعور غريب بالانبهار بجو الوطن والناس الطيبه ولاكن مخبيش عليكم الانبهار دة بدأ يختفي شوية بشويه لما خانوني اعز الناس واقربهم . رجعت لذكرياتي وافتكرت اصدقائي التانيين وبتمنى من كل قلبي اني ارجع تاني واسيب مصر . ايه رأيكم فيا هل معنديش انتماء لبلدي ولا ده بس عشان اتعودت على هناك . ولو فعلا مش لاقيه اصحابي اللي كان نفسي افضل معاهم بس الظروف كدة هل تقبلوا تكونوا اصحاب ليا ؟؟؟؟؟؟؟؟!!!!!! ياريت كل الاعضاء اللي بحبهم يردوا عليا .. انا حاسه بوحدة وفراغ وملل . نفسي حد يملا دنيتي وعالمي الصغير !!!!!!!!! يا ترى انا بحب هناك اكتر ليييه ؟؟؟؟ ردوا عشان خاطري... |
يا بنتى 12سنة كافية عشان كده ومتهيقلى اصبرى بلاش الوحدة والملل عشان انا مجربة
|
نصيحة منى
البلد دى اوحشن من غيرها وياريت انا عندى 1/2 فرصتك كنت نفدت من البلد دى اللى مبقاش فيها غير شريحة وطبقه وحده وياستى انتى تقدرى تكونى اصحاب هنا زى هنا زى ما بقاء ليكى اصحاب هنا هيكون ليكى اصحاب هناك كمان |
تفتكري !!
اقتباس:
|
اقتباس:
والله انا مع اسلام طريقكفعلا للاسف مش كل حاجة زى الاول كلنا عندنا انتماء بس للاسف حاولى انك تتاقلمى على الوضع اللى هتكونى فيه ايا كان فى البلد دى او غيرها الدنيا مش زى الاول وربنا ينورلك |
والله يا اختى لو سيبتى مصر هتندمى اوى
انا والله سافرت لشرم*جوة مصر* شهر واحد وجيت بتمنى ادوق نقطة مية واحدة من نهر النيل والله بلدى اجمل بلد فى الكون ولو لفيتى الدنيا مش هتلاقى زيها ابدا دى فيها نهر من الجنة حبيبة قلبى فكرى تانى وحاولى تتعرفى على ناس احسن على فكرة المصريين أظرف واطيب شعب فى العالم اتمنى من الله ان ترتاحى فى بلدك ام الدنيا معاكى ربنا *مريم* |
مشكوووووووووووووريييييييييييييييين كلكم ع المروووور
|
اهلا بيكي انا مريت بنفس التجربة وعشت برة مصر 14سنة ورجعت من تلات سنين واكيد مصر احسن كفاية الراحة النفسية اللي بحسها وانا هنا ومتفقديش الامل لان في بجد صحاب كويسين بس انتي حاولي تحسني اختيار صحابك من الاول عشان متتخدعيش فيهم واحنا هنا كلنا صحابك
|
بصي يا دريمر
اولا أكيد الراحة في بلدك و مش هتلاقيها في حتة تانية و بعدين مش معني أن الاصحاب اللي انتي شفتيهم يبقي خلاص مصر كلها كده لأ أكيد في ناس كويسة و أكيد طبعا نتشرف انك تكوني صديقة و ده علي فكرة مش عدم انتماء و لا حاجة بس يمكن الأصحاب اللي عرفتيهم دول مضروبين :) يعني مش أصليين .. تقليد يعني .. كده أوضح .. بصي مش لازم الجملة دي :) المهم يعني من الاخر : دوري علي أصحاب جداد بيخافوا عليكي و قوليلي اقدر اسافر بره ازاي ؟؟ ههه بهزر |
بصى يا بنتى مش حكاية انك معندكيش انتماء و لا حاجة .. يمكن انك كمان بتحبى بلدك اكتر مننا
انا نفسى عشان 16 سنة و نص هنا فى مصر ( طول عمرى يعنى ) و حاسة بالغربة .. ليه بئى ؟؟ مع ان عندى صحاب كتير بس كتير منهم بيهربو منى عشان طريقة تفكيرى ( والله ما عارفة عملالهم ايه ) و واحدة تانية عشان جبت مجموع اعلى منها تعقد تشتم فيا قدام ناس تانية .. مع انها اكتر واحدة صاحبتى .. الحكاية يا بنتى مش حكاية تكوين اصحاب و بس ... انتى بس ابدئى بالخطوة الاولى صحبى اى واحد معاكى فى الدرس او فى الفصل و بعد كدة حتتعرفى على صحاب تانيين و هكذا و حتلائى فيهم اكيد حد يكون ليه نفس اهتماماتك و طريقة تفكيرك و دى اهم حاجة فى الصحاب انهم يحترمو بعض و طريقة تفكير بعض .. ويا سلام بقى لو قدرى تجيبى ايميلات صحابك اللى كانو برة و تكلميهم زى مانتى عايزة .. اكيد حتحسى بشعور احسن :) اتمنى انى مكلكعتش الامور :d |
اقتباس:
هههههههههه بهزر طبعا ههههههههه .... |
ميرسي لكل اللي دخل وعلق ......والله بحبكم كلكم ....
|
خاليكى فى مصر
وان شاء الله تلاقى اصحاب كويسين وجادعين اوى كمان بس انتى دورى صح واهم حاجه عشان تصاحبى انك متثقين فى كلام حد ابدااااااااااااا واسالى مجرب |
الاول .......... منورة مصر أم الدنيا يا دريمر
هقولك حاجة .... يمكن انت متعرفيش مصر كويس ... و يمكن اللى عايز يسيب مصر و يخلع يكون هو كمان ميعرفش مصر كويس أنا بقى أعرفها كويس .......... ل سبب بسيط ان احنا طلعنا قرايب ............ مصر هى أمى و هقولك حاجة ......... انت اول ما جيتى مصر كنت حباها .... و دى لوحدها حاجة كويسة فمتخليش أى حد وحش يخليكى تكرهة مصر بالنسبة للأصحاب ........ طبعا فى الحلو و فى الوحش و كتير من الكويسين .... يتمنوا يكونو أصحابك ..... و هتلاقيهم أصحاب ميه ميه يمكن مش هتعرفى الاصحاب بجد غير لما تدخلى الكلية .. آخر حاجة أحب أقولها ..... ان مصر مش أى حد بينفع فيها .. او اقصد مش من السهل انك تتأقلمى فيها بدون اصحاب لان الحياة فى مصر بتبقى عايزة خبرة الاحنكاك بالناس ........ و يتهيألى دى مبتكونش متوفرة بره مصر كتير و أحلى سلام من أخوك محمود |
اه وفي اصحاب برضه قاعدين يلفوا ورايا في كل المواضيع ... ربنا يخليهم ليا ... اهي دي الصحاب ولا بلاش ...
تحس كده انهم بيحبوك من غير مصلحه ... ولا ايه ؟؟ |
| جميع الأوقات بتوقيت GMT +2. الساعة الآن 03:39 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.