|
مساعدة عاجلة ؟؟؟؟؟
السلام عليكم ورحمة الله وبركاته
أهلا يا دكاترة أنا دكتور زميلكم ممكن سؤال مهم ....................................؟؟؟؟؟؟؟؟؟ دلوقتي انا فاضي ومش لاقي حاجة اعملها فممكن تدلوني ايه المطلوب مراجعته من منهج الثانوية ومهم لمنهج الطب أنا سمعت ان الكيمياء العضوية لازم تتراجع طيب وبالنسبة للانجليزي هل لازم احفظ كلمات خارجية علشان افهم الدكاترة واعرف اقرأ الكتب ولوفي كلمات ممكن تدلوني عليها بحيث تكون مفيدو لصميم الطب ؟؟؟؟؟؟؟؟؟؟ |
ايه يا دكاترة فين الرد
|
انا لسه ف الثانويه
بس اعتقد حضرتك ان في في القسم هنا قاموس طبي ممكن تتسلي فيه علي ما الدراسه تبدأ |
أنا بتكلم على مراجعة مواد ثانوي فين التفاعل يا دكاترة
|
ممكن حضرتك تراجع مادة الاحياء كمعلومات بس و الكيمياء برده ممكن تحتاجها بس مش محتاج تراجع انجليزى من ثانوى لان الانجليزى فى الكلية معتمد على المصطلحات الطبية اكتر و ممكن فعلاا تستعين بقاموس طبى تتعرف على بعض الكلمات اللى فيه بس متقلقش لان معظم الدكاترة فى المحاضرات الاولى بتشرح بالعربى و الانجليزى ..
|
يا دكاترة طب انا هحتاج ايه من منهج الكيمياء ؟؟؟
|
معلهش على تأخر الرد
بس انت مش هتحتاج اى حاجة من منهج ثانوى خالص انت هتاخد حاجات شبه الاحياء وكده بس دى كلها مقدمات اساسا مش هتحتاج تقراها تانى وبالنسبة للانجلش فى قاموس بتاع د/ فوزى جاب الله بتشتريه فى اول السنة وتترجم منه والكلمة اللى هترجمها هتعرفها وبس والكلمات بتتكرر اساسا لكن طبعا مش تمسك القاموس تقرا فيه والدكاترة ف المحاضرات الاولى بيترجموا وبيشرحوا عربى على ما تتعودوا وكده ممكن تبقى تترجم الكلام وراهم بس ياريت اكون وضحت |
شكرا طيب بالنسبة للكيمياء العضوية مش هنحتجها في البيوكمستري وايه االي هندرسه في البيوكمستري ؟؟؟؟
|
اقتباس:
لا مش هتحتاج حاجة من الكيميا العضويه ان شاء الله البيو بتاخد فيها كيميا الجسم والبروتينات والحماض الامينية والدهون وتفاعلات الكيميائية اللى داخل الجسم ف السنين اللى فاتت كان بيطلب منهم حقظ الرموز الكيميائية لكن الحكاية دى اتلغت من عين شمس مش عارفة بقى ايه نظام باقى الجامعات البيو هتلاقيه تقيل شويه لكن مع الفهم بيعدى يعنى ان شاء الله |
لا مش هتحتاج حاجة من ثانوي بس لو عايز تعمل حاجة ممكن تجيب كتاب introduction of anatomy هو بيبقي مقدمة عن التشريح من حد اكبر منك وتخليه يشرحلك حاجات منه
|
اقتباس:
انت عارف انك مش هتمتحن غير اخر السنه ؟ بعدين يا دكتور دي مش ثانويه :d بص انت لازم مهما كان تدخل المحاضرات وتلاقي الدكاتره بيشرحوا بالانجلش "وهو ع فكره مش انجلش يعني هو لاتيني :d " وتقوم انت مخلص المحاضره وفيه جزء كبير منها انت مقدرتش تستوعبه تروح ع الكتاب وتقعد تترجم اللي اخدته وتحاول تجمعه ف دماغك لكن عشان تقعد تراجع حاجات ف الثانويه تاني او تقعد تترجم كلام من غير ماتعرف الدنيا ماشيه ازاي او تقعد تحفظ كلمات ملوش اي فايده خالص استمتع باجازتك واهدي ومتضغطش نفسك من دلوقتي المحاضرات هتتشرحلك كتير وهيتكررلك السكاشن وهتمتحن اخر واحد ف مصر :d نصيحه من اخ كبير استمتع باجازتك عشان الاجازه اللي انت فيها دي بالزات مش هتتعوض :d :d |
| جميع الأوقات بتوقيت GMT +2. الساعة الآن 01:39 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.