استفسار عن المدارس التجريبية
 

مرحبا /

أنا عايزة أعرف المزيد من المعلومات عن نظام المدارس التجريبي من حيث مواعيد العمل في الدراسة و الاجازة - نظام المرتب ( اول تعيين ) - نظام الجهود الاضافية او اي فلوس زيادة بياخدوها بتوع الساينس تحت أي مسمى أكتر من العربي العادي - نظام الاجازات أيضا و هل فعلا مفيش اجازات الا بعد الثانوي ما يخلص ! لو انت مدرس ابتدائي مثلا تفضل تروح كل الأيام و ف نفس المواعيد لحد الثانوي ما يخلص ؟؟ و لو في أي ملحوظات اخرى حد عارفها أرجو ان يتفضل باضافتها مشكورا . و حزاكم الله خير

مواعيد العمل زي المدلرس الحكومية العادية نفس المرتب بزيادة 50%للمواد العربية و100%للغات

يصرف حافز التجريبى
الاساسى × 100% × نصاب الحصص / النصاب القانونى

طيب وبالنسبة لمواعيد العمل من كام لكام وهل اللى بيخلص حصصه ممكن يمشي ولا ايه ؟ وفي الإجازة الوضع ايه

اللغات العمل فيها عايز ناس شغاله مش جايه تلم فلوس وتمشي لانها لن تلم مليم واحد لان
1- ولى الامر صاحى قوى مش زى المدارس الثانية يرمى العيل علشان عايز يريح دماغه منه الكام ساعة الموجود فيها فى المدرسة
2- الطالب فاشل يبقى انت اللى فاشل
3- الولد البليد يتعمل له مجموعات تقوية وبرامج علاجية مجانية
4- الدرجات نهائية مش سبهلله
5- النشاط مفعل ونشوف ده فعلا
6- العمل من 7.30 الى 3.45 او 2.30 او 2.15 حسب ادارة المدرسة ولكن اقله 2.15 ولااجازات اثناء العمل
وفى حاله التاخير عن 7.30 يتم خصم اليوم من الحوافز
7- العمل من اب الى 3ث حسب مرحلتك
8- الاقدم فى المرحلة هو القائد

ضيفى على كلام استاذ السيد فراج ان مفيش اعتيادى اثناء الشهر لان ليكى 20 توقيع من غير الجمع والسبت ولوغبتى تتخصم حوافز التجريبى اللى هى 50% للمواد العربية و 75 % للغات اما ال 100% من الاساسى فياخذها المدير وليس المدرسين مع توضيح صغير ان فلوس التجريبى دخلت الحساب الموحد من سنتين ويخصم منها النصف للادارة والباقى يوزع على المدرسين يعنى حضرتك لو اخدتى شهرين حوافز تجريبى فى السنة يبقى هايل .. غير انك هاتطحنى شغل من ساعة ماتدخلى من باب المدرسة لحد ماتخرجى .ز ده غير اولياء الامور اللى ناطين كل يوم عندك وعاملين كشف حساب وكل يوم حد من التجريبيات جاى يتابع او جاى يشوف شكوى ... يعنى غلب من الاخر[size="4"][/size]