مشكلة عويصة
 

دى مشكلة المدرس اللى شغال معاكى المفروض يحببك ف الماده قبل الفلوس
حاولى وانتى بتحفظى تكتبى نطق الكلمه باللغه العربيه الاول مثلا parler تكتبى بارلى وهتفتكرى الكلمه من خلال كتابة النطق بالعربى

السلام عليكم ............ فعلا ده خطأ مدرس محببكيش ف المادة لكن اعرف استاذي leprof_mhe ان هذه الطريقة في التدريس هي للاسف اسوأ الطرق فهي سوف تنهي عليكي تماما في المادة .... ارجو عدم استخدامها وهي طريقة الترجمة بالعربي

المدرس بتاع الدرس مدرس متميز بس مش بيقولنا ازاي نحفظ معتمد ع ان احنا كبار وهنعرف نكمل لواحدينا من غير مساعدة يعني عشان جربنا الانجليزي قبل كده وبنحفظه فانا عايزة حد يساعدني احسن السنة ده تضيع عليا ولو ضاعت يبقى الثانوية العامة كلها ضاعت

بالنسبة لحفظ الكلمات :
1- حاولى تربطى الكلمات بموضوع الدرس مهما كان عدد الكلمات دى مثلاً الدرس الأول la météo الطقس , كلمات مرتبطة به زى المطر la pluie الرياح les vents الضباب la brumeدرجة الحرارة température الافعال مثل يتنبأ prévoir تشرق se lever تغرب se coucher تهب souffler ودا عشان تتذكريها بسرعة.
2- طريقة لحفظ الكلمات من اختراعى حاولى تجربيها يمكن تجيب معاكى نتيجة باذن الله والطريقة دى فيها:
اولا:لازم تحفظى كل يوم من 10 الى 15 كلمة ع الاقل
ثانيا:الكلمات اللى انت عاوزاة تحفظيها قسميها الى اجزاء , كل جزء 15 او 20 كلمة وكل يوم تحفظى جزء منها
ثالثا:هاتى ورقة فاضية وارسمى فيها جدول من خانتين اوكتبى ال20 كلمة فى الجدول ده ( الخانة اللى شمال اكتبى فيها الكلمة الفرنسية والخانة اللى ع اليمين اكتبى المعنى بالعربى قصاد كل كلمة )
رابعا:خللى بالك لما تكتبى كل كلمة انطقى الكلمة اثناء كتابتها بالفرنسية ولما تكتبى معناها بالعربى برضو اقراى الكلمة بالفرنسية مثلا كلمة يكتب يعنى parler
خامساَ:لما تخلصى الكتابة اقرأى الكلمات كلها 3 مرات الكلمة ومعناها
سادساً: هاتى مسطرة وحطيها ع الكلمات اللى باللغة العربية ( خبّيها يعنى) ثم اقرأى الكلمات بالفرنسية وحاولى تفتكرى معناها بالعربى قبل ما ترفعى المسطرة واستمرى كدة لحد ماتحفظى معنى الكلمة بالعربى
سابعاً :كررى الخطوة اللى فاتت لكن المرة دى مع الكلمات الفرنسية يعنى حطى المسطرة ع الكلمة الفرنسية ثم اقراى الكلمة بالعربية وحاولى تفتكرى معناها بالفرنسية وهكذا
ثامناً واخيرا: خدى خط افقى واكتبى كل الكلمات بالعربى جنب بعض وبعدين حاولى تكتبى معنى كل كلمة بالفرنسية وطبعا ده هيكون من الذاكرة وبكدة تكونى حفظت الكلمات دى وربنا يوفقك

جزاك الله خيرا ...... هجربها وهدعي لحضرتك

أسأل الله تعالى لك التوفيق والنجاح

أوعى تحفظى الكلمات نطقها بالعربى عشان هتقريها غلط وحاولى تحفظى الكلمة باداة النكرة عشان ماتساليش اذا كانت مذكرة ولا مؤنثة

• وهذه هى الطريقة المثالية لحفظ الكلمات
1 – المدرس هو مصدر النطق الأول بالنسبة لك فاستمع إليه جيدا
2 - تكرار النطق خلف المدرس أكثر من مرة
3 – أثناء ذالك كله انظر الى الكلمة بتمعن حتى تستقر صورتها فى ذهنك
4 – عندما تستدعى هذه الكلمات فى المنزل (( قم بكتابة الكلمة – وكرر كتابتها مع النطق بها أكثر من مرة حتى تستقر فى ذهنك
*** لاحظ : عزيزى الطالب : أنك بتلك الطريق تستخدم أكثر عدد من الحواس ( النطق – النظرللكلمة – السماع للمدرس – الكتابة فى المنزل ) مما يجعل المعلومة والكلمات أكثر رسوخاً
*** عزيزى الطالب لا تدع أى كلمة جديدة تفوتك دون أن تعرف معناها من المدرس