استفسار بخصوص الكتب
 

السلام عليكم

أنا عندى كم سؤال بخصوص كتب (سنة أولى)

صراحة أنا لقيت كتب كثير خارجية وسمعت أنه لسة فى كتب لكل قسم وكلام من ده

1-فهل أعتمد على كتب القسم ولا الكتب الخارجية ؟

2-على أى أساس أختار الكتب ؟

3-أنا سمعت ان المذاكرة من الكتب تستهلك وقتا كبيرا وأن للى بيذاكر منها مابيعرفش يجيب مجموع هل الكلام ده صحيح ؟وطيب وايه لازمة الكتب الكثيرة ؟

4-المكتبات اللى بتبيع الكتب ...هل بتختلف الكتب من مكتبة للثانية ولا كله واحد ؟

ومعلش طلب أخير

أنا عايز أسماء أشهر الكتب فى المواد الأربعة وايه أفضلها
وآسف لو طولت عليكم أو كنت رخم

سؤال كمان
أنا سمعت أن المكتبات للى بتبيه كتب خارجية بتغلق على أول الدراسة
هل ده صحيح؟

كل جامعه بيكون ليها الكتب الخاصه بيها
علشان بيكون فى تغيرات بسيطه فى المناهج
مثلا
فى حاجات عين شمس بتاخدها فى اولى والمنصوره بتاخدها فى تانيه

فتعتمد على كتب القسم الخاص بالجامعه بتاعتك او ورق الكورسات بتاع دكاترة الجامعه بتاعتك بردو لو كتاب القسم مش كويس

اللى بيدى ميزه لورق الكورسات مثلا ان فيه رسومات توضيحيه او مختصر الحاجات اللى مش ليها لازمه



لكن ممكن تسمع مثلا تسجيلات لدكاتره من جامعات تانيه
زى دكتور ناجى فسيولوجى طب القاهره

انت غالبا كل المكتبات هتلاقى فيها كل الكتب الخارجيه

شكرا جزيلا لكم يادكاترة

صراحة عجزت كلمة شكرا عن التعبير

السبب أنة بسأل الأسئلة ده لأن زمايلى أغلبهم بيجيب الكتب وخلاص

لما تساله لا يعطيك كلمة مفيدة

(أصلا واحد صاحبى قالى أصلا أصلا .....)

وكمان ما أعرفش أى أحد من تانية يقولى المختصر المفيد

وعموما شكرا لردكم

أنا جامعة أسيوط

ألف شكرا لحضرتك وربنا يوفقك يارب

انا عندى تعليق على سؤال واحد بس .. سؤال ان اللى بيذاكر من الكتب مش بيجيب مجموع دي جملة غلط جدا ً ؟!! انا بذاكر من اولى وتانية من الكتب ومفكرتش اشترى ولا مذكرة فى اى مادة لأن المذكرة عبارة عن تلخيص للى فى الكتاب تبع كل دكتور والكورس بتاعه وانا لما جيت اذاكر منهم اول سنة لقيت الكلام المحذوف كان بيسهل المعلومة ويفهمها الدكتور بيشيلها من المذكرة عشان بيشرحها هو فى الكورس .. لكن بما إنى مخدتش كورسات فكان لازم اذاكر مالكتاب والحمد لله التقدير ممتاز ...
فمفيش عيب انك تذاكر مالكتاب