|
مسـألة مهمة ارجو الحل
المسألة دى مختلف انا والمدرس عليها هو بيقول ان التيار مش هيمر فى المقاومة 6 اوم وهيمر فى السلك اللى مش فيه مقاومة وبكدة مش هنحسبها معانا لكن انا شايف ان ده مش منطقى لان السلك موصول بمقاومتين هما 3&12والصح اننا منلغيش المقاومة 6 اوم وتتحل 6&3 توازى يبقى 2 مع ال10 توالى تبقى 12 مع ال12 توازى تبقى 6تمام ولا http://www11.0zz0.com/2014/09/24/14/419012595.png |
كلام زي الفل والله ,, انتا صح بنسبة 100% ان شاء الله
|
مشكور على مرورك الكريم واتمنى انى اكون صح ان شاء الله :078111rg3::078111rg3: |
اقتباس:
|
كلام استاذك صح التيار عمرة ما يتقسم و في سلك قدامه خالي من المقاومات
|
كلام المستر صح
بدام في سلك يبقى هيمشى فيه بس بدام السلك بدوون مقاومة |
اقتباس:
كلام الطالب صح وللاسف كلام استاذه غلط( ممكن يكون الاستاذ مش مركز بس من ضغط الشغل ) |
اقتباس:
|
احب اقول لكم مع احترامى للجميع انى عارف ومتأكد من حلى عارفين ليه
طبعا مش عارفين (( هنعرف فى الاخر )) المهم عرضى للمسألة دى هو موضوع فلسفى مش اكتر بوضح بيه ان مفيش مانع ان الطالب يتفوق على معلمه وده لانك طالب علمى يعنى ليك هدف وهو كلية كلية من كليات القمة يعنى لازم تكون اكتر واحد فاهم فى الجروب سواء كنت فى فصل او درس المسألة دى كانت فى امتحان فى الدرس يعنى المدرس اللى جايبها مش انا اللى جبتهاله يحلها مطولش عليكم انا كنت من افشل الناس فى الدفعة وهو كان دايما بيحفظنا ان لو فيه مقاومة وفيه سلك فاضى التيار هيمشى فى السلك وهنلغى المقاومة انا تقريبا الوحيد فى الدرس اللى ملغاش المقاومة وحلتها بالحل المكتوب ده المهم لما رحت اتناقش معاه ان حلى صح وهو غلط كان رده ان مش معقول هتكون انت صح وكل الناس التانية غلط المهم حاولت اقنعه لكن سعد زغلول قالها (( مفيش فايدة )) سألت مدرسين تانيين المشكلة انهم حلو بنفس حل المدرس الاول المهم عرفت اننا فى دولة الحافظ مش الفاهم وقررت انى اثبت لهم انى صح المهم انا متأكد انى صح لانى حاليا والحمد لله فى هندسة قسم كهرباء والموضوع ده كله حصل من سنتين لما كنت فى تالتة ثانوى والمشكلة ان المدرس ده حتى الان بيشرح المسألة دى بأنه يلغى المقاومة 6 وانا عرضتها عليكم كنوع من الشرح واحب اقولكم خليكم واثقين فى نفسكم حتى لو مفيش حد واثق فيكم وافهم اكتر من المدرس متحفظش وراه وخلاص ((مع كامل احترامى وتقديرى لمدرسى وافضالهم عليا )) لو عايز/ة تدخل كلية قمة افهم افهم افهم وان شاء الله هنزل شرح مفصل للمسألة يوضحها اكتر من كدة |
اقتباس:
احسن حاجة عجباني في كلامك انك محترم ولم تذكر اسم المدرس بارك الله فيك |
تشرفت بمرورك الكريم
أ/أبوالسعود عبد الرؤف |
السلام عليكم ورحمة الله
الحل الصحيح هو تتحل 6&3 توازى يبقى 2 مع ال10 توالى تبقى 12 مع ال12 توازى تبقى 6 ودي حل المدرسين طبعا وممكن يكون هناك مدرس مش مركز كما ذكر الاستاذ mr abn وخليك متأكد مش انك صح ، متأكد أن حلك لهذه المسألة صح ، والدليل مش دخولك هندسة لأن دخول هندسة معناه انك مجتهد ولا هي دي المسألة اللي بدخل هندسة لان السنة اللي فاتت اللي أضاع 40 درجة دخل برضو هندسة ممكن يكون ضيع منها 20 في الفيزياء وحدها وفي الأخر ليه دي الحل الصح متى تلغى المقاومة ؟ لأن طرفي المقاومة 3، 6 متصلان من ناحية بنقطة واحدة هي القطب الأيسر ومن ناحية أخرى بنقطة واحدة هي السفلى فهما توازي (2 أوم ) والمقاومة 10 هي طريقهما للقطب الأيمن توالي ( 12 أوم) أما المقاومة 12 العليا في فرع اخر مختلف توازي مع محصلة الفرع السفي فيكون المقاومة المكافئة تساوي 6 أوم و بفكرة اخرى لو حركنا الطرف العلوي للمقاومة 3 اوم حتى يتصل القطب الأيسر يتضح انها مع ال 6 أوم توازي وأن السلك مجرد طريق للمقاومة 12 أوم وأن المقاومة 12 فرع مستقل ( توازي ) أما حل اشكال متى تلغى المقاومة ؟ فإن المقاومة تلغى إذي وصل معها خاصة سلك على التوازي والله اعلم أ/ وليد حسين معلم فيزياء ـ سوهاج |
شده التيار تتناسب عكسي مع المقاومه
لما يبقي مفيش مقاومه في السلك التيار كله هيعدي منه ومش هيعدي من السلك التاني |
معلومة هامة هتفيد ناس كتير جداً :
علشان تقدر تقول إن التيار يمشى فى السكة بتاعة السلك الخالى من المقاومات ويسيب سكة المقاومة لازم ولابد يكون لهم نفس نقطة البداية ونفس نقطة النهاية وعلشان تتأكد إرجع للمسألة هتلاقى إن السلك الخالى من المقاومات والمقاومة لهم نفس البداية ولكن ليس لهم نفس نقطة النهاية وبالتالى سيمر التيار فى كلا الطريقين وبالتالى تُحسب المقاومة 6 أوم من ضمن المقاومة المكافئة حيث تأخذ توازى مع المقاومة 3 أوم لأن المقاومتين 6أوم و3 أوم لهم نفس البداية ونفس النهاية وتكمل باقى المسألة عادى جداً هتلاقى الناتج فى النهاية يطلع معاك 6أوم مع خالص حبى واحترامى للجميع وشكراً والسلام عليكم ورحمة الله وبركاته . الغريب مُدرس فيزيا |
المسألة تتحل بطريقة الترقيم السلك اللى من غير مقاومة بدايته 1ونهايته 1
والسلك 6اوم ياخد 1ونهايته 2 والسلك 3اوم ياخد 1ونهايته 2والسلك 12 ياخد 1ونهيته 2 فياخد السلك 10 اوم نفس الرقم 2ونهايته 2 فيصبح القومات كلها توازى من غب=ير ال10 أوم (خرج من التوزيع )6و3 مقومتهم الكلية 2 اوم و12 أوم توازى =1.7أوم |
| جميع الأوقات بتوقيت GMT +2. الساعة الآن 04:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.