الفيزيا هتجنني
 

دوري علي شرح محمد عبد المعبود للفصل ده وحله علي المسائل بتاعته
شرح ممتاز

هو المشكلة مش ف الشرح ...انا ببقى فاهمة وكل حاجة بس احيانا المسألة بتبقى معقدة شوية واحيانا الرسمة بتبقى رخمة .. ال مضايقني اني بحل صح ف الاول واعك ف الاخر

نصيحة منى اتفرجى على شرح استاذ محمد معبود السنين اللى فاتت وبعدها شوفى الحصص بتاعت السنة اللى فاتت ليه علشان كانبياخدها كلها حل مسائل متفوقين وفيها افكار وشوفى ازاى هو نفسه بيبدا وينهى الحل دا انا عملته مع قرايبى السنة دى وهما دلوقتى ماشاء الله شغالين زى الفل ولو ف حاجة واقفة معاهم بيجيبوهالى وانا بقعد معاهم واسيبهم يحلوا لوحدهم ويورونى اللى مش عارفينه اخدت معاهم يومين ودلوقتى مش محتاجين اى حاجة حاولى تشوفى حد من قرايبك قوى فيزياء يشرحلك ويفهمك وهتبقى زى الفل ان شاء الله بس مش تتوترى كدا خليكى ريلاكس خالص الثانوية عايزة اعصاب هادية جدا

بتحلى نصها صح؟

ده معناه انك وصلتى لقمة التفوق ...الكلام ده بجد وانا مش بتريق


الفيزياء جميلة جدا وبتاجى بالتدريج مع الطالب وافكارها ممتعة

انا الفصل التاسع مكنتش بعرف احل نص المسائل صح وفى الاخر كل الامور اتظبطت

فلاداعى للقلق وربنا معاكى

لا بجد ...يعني معنى اني بحل نصها صح ان في أمل لسا ...انا اتفق معاك الفيزيا جميلة وانا بعشقها بس لما بتقفل معايا احيانا بضايق جدا ..انا عاوزة حد يديني نصيحة ازاي يبئة نفسي طويل معاها بمعنى اني ما اضايقش لو حاجة وقفت معاية !!؟
ﻷن الموضوع ده مضايقني جدا ﻷننا لسا ف اول السنة وياما هنواجه صعوبات