|
هو انا اللى فاشل ولا مواضيعى هى اللى فاشله ؟؟!!
مش هطول عليكوا زى ما بعمل فى اى موضوع انا عاوز اسال سؤال يا جماعه ويا ريت تردوا عليا فيه
هو انا اللى فاشل ومبعرفش اكتب موضوعات على المنتدى ؟؟؟؟؟؟؟؟؟؟؟؟؟ ولا الموضوعات اللى بختارها فاشله ومبتفدكوش فى حاجه ؟؟؟؟!! لان اظن ان دا هيحدد مصيرى هنا على المنتدى لانى اول ما دخلت علىالمنتدى دخلت كزائر كنت بستفاد منه وكنت بستمتع جدا لكن بصراحه لما بقيت عضو فى المنتدى حاسس ان موضوعاتى ليس لها اى قيمه ودا بصراحه محسسنى انى بطرد من على المنتدى بس بطريقه زق يعنى يا ريت الرد ..................... |
بالعكس يا kaloon موضوعاتك عجبتى جدا والمنتدى عمره مطرد حد لبزوق ولا قلة زوق
يمكن العنوان بتاع موضوعاتك ميشدش او موضوع مكرر حاول تعرف الغلط حاول تدخل انت على موضوعات التاين وترد |
بص هو انا اول مرة اشوف موضوعاتك دلوقتي عشان بقالي فتة م بدخل بس عاوزة اقولك انها موضووعات جامده بجد هو انا شوفت2 منهم وجيت بسرعة عشان اقولك ان الحكاية ما فيهاش فشل خالص ليه ما تقلش انك حطيت الموضوع ف وقت ما كانش فيه ناس قد كده او معرفوش يكتبوا رد مناسب ودي بتحصل اني مثلا اشوف توبيك وبعدين معرفش ارد فاكتب ثانكيو بس واحس انها بايخة مني كمان
بس بجد اللي شفتهم عجبوني ومرسي ليك ومفيش طرد ولا حاجة وعيب تقول كلمة زي دي وانت ف وسط اخواتك |
بالعكس والله موضوعات حضرتك جميلة ومشوقة
يا رب تدوم معانا علي المنتدي وتمتعنا بموضوعاتك |
على فكره يا كالون
فيه موضوع هنا للعضوdr.saeed يا ريت تقرأه هيفيدك نفسيا والله اسم الموضوع: اشمعنه انا محدش بيدخل مواضيعى اكيد هيساعد اللى زيك شكرا |
اولا انا مش عارف اقول ايه بس بجد فرحت ان فيه ناس بتحب مواضيعى لانى فعلا ببذل جهد علشان اجمع المعلومات اللى فيها وانا يا جماعه واله ما كتبت كدا لا لما حسيت انى فعلا مش هينفع اكمل انا صبرت وكتبت موضوعات وكل موضوع اقول التانى ينجح لكن للاسف احس انه بيزداد المر سوء
فيمكن حبيت اعرف اذا كان فيه حد بقراللى ولا لا علشان لو مفيش او محدش عاوزنى هرجع تانى كزائر للمنتدى لانى فعلا مقدرش اسيبه خالص مهما حصل فبكلامكم دا بصراحه رفع معناوياتى واوعدكم انى هبذل كل جهدى فى انى افيدكم بموضوعات هادفه تفيد الجميع ومتشكر جدا.... |
اقتباس:
|
اقتباس:
|
اقتباس:
|
اقتباس:
|
لا لييييه حضرتك بتقوول كده؟؟؟!!!؟ ... بالعكس و الله مواضيع حضرتك جميلة جدا
|
بالعكس ايلى يكتب عن منثلث برمودا يبقى ذكى وبيفهم ومبدع وبحاث لانى لم اصادف مقالات كثيرة عن برمودا اصل انا بحب كل واحد بيكلم فى الجغرافيا وبالذات الغازها زى برمودا ايلى نادرا تطلع اقاويل انه مكان الشياطين او عن الجاذبية خاصة فى مصر ايلى اغلبهم ما يعرفش ما هو برمودا اصلا وياريت تعمل بحث عن توقيت العالم الصيفى والشتوى اصل انا بعمل بحث فيه ومحتاج شوية مساعدة
|
لا ابدا والله موضوع مثلث برمودا ده جامد ومفيد ...وده الطبيعي بتاع المنتديات تلافي المشاهدات كتير والردود 0 ولا تاخد في بالك انا الاول كنت بزعل لكن دلوقتي خلاص اتعودت زي واحد عايز يعمل حملة ضد التدخين ومليان حماااااس ومش لاقي تفاعل ...عادي والله ..
|
مثلث برمودا ده حاجه تحفة ...
استمر فى الموضوعات القيمة......... |
لا بجد يا كالون موضوعات حضرتك جميلة جدا ومشوقة بجد
وخصوصا موضوع مثلث برمودة لاني بحب الموضوع ده اوي بس انا على فكرة كان عندي نفس المشكلة ان محدش بيقرأ مواضيعي وما بخدش عليها ردود كتير بس مفيش مشكلة انا لما بعمل موضوع بفكر اني افيد نفسي بيه وافيد اللي يقرأه حتى لو مردش وعمري ما زعلت من ده فيا ريت حضرتك تفكر بنفس الطريقة وان شاء الله كل خير واسغة على الاطالة وجزاك الله كل خير |
| جميع الأوقات بتوقيت GMT +2. الساعة الآن 04:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.