الكل يشترك معانا(برنامج رمضان أحــلى)
 

المقدمه

سيداتي انساتي سادتي

اهلا وسهلا بيكم في برنامج رمضان احلى هنبداء بتعرف سيادتكم البرنامج

يعني الي هيدخل ويشترك في رمضان احلى

فكرة البرنامج ..
كل مشترك معانا هيقول على حاجة كويسة بيعملها أو ناوي يعملها في رمضان وكلنا هنعملها ونكون كلنا كسبنا الأجر ان شاء الله ..



وهيكون في البرنامج
1-برامج
2- مسلسلات
3 -اغاني دينيه وعاديه
4-وكل ما يرفه الانسان
5- ألعاب رمضان أحلى
6- اختراعات المشتركين
7-استفتاء رمضان أحلى
*رمضان للمغفره
1-افكار دينية
2- اشياء نفعلها في رمضان

( واللي عندو أي فكرة كمان ياريت يقولها)



الشروط
1- الي هيتقال نحاول على قد مانقدر كلنا نعمله لأن دي هي فكرة البرنامج.
2- يجب على كل مشترك انه يقول ولو حاجة وحدة بيعملها في رمضان عشان كلنا نستفيد.
3- الاحترام بيننا وعدم القول بفعل شيء لم يفعله .



اشياء سوف تحدث بالانتخابات ..


1- مدير عام رمضان احلى
2-مساعد المدير رمضان احلى


3- المشرفين الثلاثه

1- المشرف الاساسي
2- المشرف العام والنظم
3- المشرف المساعد

4- المفكرين

1- المفكر الاساسي
2- المبدع
3-مساعد المفكر الاساسي
4- مساعد المبدع
5- حسب الرغبه
6-حسب الرغبه
7-حسب الرغبه
8-حسب الرغبه
9-حسب الرغبه
10-حسب الرغبه










اتمنى المنتدى كله يكون معانا...

الموضوع فكرة بنت العرب..
 

الموضوع ده فكرة (ملكة العرب) بس هيا سمحتلي اني انشرو في المنتدى وياريت كل اللي يشترك معانا يحاول ينشر البرنامج في المنتدى ..

بارك الله فيكم
 

يشرفني اني اكون اول مشترك معاكي يا بنووووووووووووووووووووتة ...وانا هقترح حاجة بخصوص ختم القران

جزاكى الله خيرا على هذه الفكره وهشترك معاكم طبعا

انا اللي ليا الشرف انك تشترك معانا
وتفيدنا بمقترحاتك

يلا كلنا نحاول ننشر الموضوع في المنتدى عايزين أكبر عدد من المشتركين معانا..

معااااااااااااااااااااااكوا طبعا ان شاء الله
جزاكى الله كل خير

اخى محمود انا اعلم انك كتبت قولك ومن وراه دافع حب وخير وسرعه من اجل المشاركه للربح بالثواب
ولكن تزكر قوانين المنتدى عدم كتابة بريد الالكترونى او ارقام موبيلات
اختك فى الله منى وربنا معاك


اما بالنسباله لرمضان احلى انا بصراحه
بساعد ناس معين اشخاص معروفين بفكرة اكياس رمضان ولكن ى تلك الفكرة بتحدث اهانات لينا بطرق بشعه
ففى رمضان ده نكرر فعلا عمل جديد

كل سنه بتدخل رمضان بقلب جامد
وتقول هعمل واسوى ..

وكل سنه بتيجى بعد اول اسبوع وتبدء همتك تنزل
واحده... واحده ... واحده

وانت شايفها ومش قادر تعمل حاجه

وكل سنه تقول السنه دى غير كل سنه انا السنه دى هكسر الدنيا
و.......


ايه رايك بقه ان انت السنه ديه هتكسر الدنيا بجد وهتعمل اللى مكنتش
قادر تعمله كل سنه


كل سنه بتقول هاختم القرأن وتقف عند جزء معين منه وتنشغل وتتأخر
بره وتخرج مع اصحابك


والمحصله انك
مبتختمش القرأن الا على الحركرك واللى بيشد حيله اوى
يدوب بيختمه مره واحده


السنه ديه بقه هنبص للموضوع من منظور مختلف

و هنختم القرأن كله ان
شاء الله

تعالوا مع بعض اوريكوا الموضوع بسيط جدا اد ايه

شوف يا سيدى

المصحف 600 صفحه ..صح

(لو مش مصدقنى روح بص فى المصحف بسرعه وتعالى)


ها طلع كام ..اوك ... تعالى نكمل بقه

المصحف 600 صفحه على 30 يوم بكام يا ريس

يا عم متعقدهاش الحسبه ابسط من كده 600 / 30 = 20 صفحة
شفت سهله ازاى


طيب يعنى فى اليوم 20 صفحه واحنا عندنا 5 صلوات فى اليوم
يبقى 20 / 5 مظبوط ايوه كده
4 صفحات

يبقى انت لو قريت 4 صفحات بعد كل صلاه يبقى فى اليوم هتخلص 20 صفحه

يعنى فى الشهر هتخلص القرأن مستريح اوى

عايز نصيحتى خاليهم 30 فى اليوم علشان لو جيت انشغلت فى يوم من
الايام يتعوض فى يوم تانى


طيب الثواب اللي هاتخدوا اد ايه ؟؟

احسب كده معايا

المصحف 30 جزء ةالجزء تقريبا فيه 7000 حرف والحرف ب10 وعلشان رمضان
هنضرب في 70

يبقى كام ؟؟

30*7000*10*70 = 147000000

147 مليون حسنة ..

يلا قوووم اقرا بقى

جزاك الله كل خير هونت علينا التلاتين جزء ويارييت كل اللي معانا يلتزم بالفكرة حقيقي سهلة انا دايما بعملها في كل رمضان بس بخليها ورا بعض مش بعد كل صلاة
بس السنة دي انشاء الله هعمل اللي قولت عليه بالظبط اكيد هيكون اسهل جزاك الله خير مرة تانية

..

سبقتيني بالفكرة ياهنا انا عايشة في السعودية وبشوف اللي بتقولي عليه ده وبجد حاجة جميلة اوي وسهلة وليها ثواب كبيير
وانشاء الله الفكرة تعجب الشباب اللي معانا..