بوابة الثانوية العامة المصرية

حاربنا الإنجليز سنة 1882 .. بالتبرعات
أنشأنا الإسعاف المصرى 1902 .. بالتبرعات
أسسنا الجامعة المصرية 1908 .. بالتبرعات
أنشأنا مبرة محمد على 1909 .. بالتبرعات
محينا الأمية فى ضواحى القاهرة 1909 .. بالتبرعات
شيدنا تمثال نهضة مصر سنة 1922 .. بالتبرعات
أسسنا مستشفيات المواساة 1929 .. بالتبرعات
شجعنا الإقتصاد المصرى بمشروع القرش سنة 1931 .. بالتبرعات
كافحنا الحفاء سنة 1941 .. بالتبرعات
أطفال العاطلين بالأسكندرية إتعلموا سنة 1943 .. بالتبرعات
واجهنا السيول سنة 51 ، 75 ، 79 ، 87 ، 94 .. بالتبرعات
دخلنا حرب 48 ، وحرب القنال 51 ، وقاومنا العدوان 56 ، ونكسة 67 ، والإستنزاف 71 ، واكتوبر 73 .. بالجهود الذاتية والتبرعات .
جمعية رسالة ، وبنك الطعام ، ومستشفى القلب ، 57357 .. بالتبرعات
المستوصفات الطبية بالمساجد والرهاب .. بالتبرعات
بيوت رعاية الأيتام والمسنين وأصحاب الإحتياجات الخاصة .. بالتبرعات
فى كل قناة فضائية برنامج لأصحاب القلوب الرحيمة بيعتمد على .. التبرعات
132 سنة تعاقبت فيهم 87 حكومة الشعب خلالهم تكفل ببعضه
وأسس مشاريع تستهدف الفقراء بالتبرعات والجهود الذاتية
والحكومات الـ 87 "بإستثناء حكومة أو إتنين" حكومات فاشلة ونايمة فى العسل
وف اخر 40 سنة كل ما تيجى حكومة تعايرنا بالدعم
ودعم الحكومة عبارة عن ..
1- تعليم حكومى حول الطفل المصرى للأغبى فى العالم وقرب يطلع له ديل
2- مستشفيات تكتب وصيتك قبل ما تدخلها
3- أتوبيسات وقطارات محافظات تنطق الشهادة قبل ما تركبها
4- رغيف عيش يقرف الحيوان إنه ياكلها
5- أسفلت فى الشوارع يجيب لك إنزلاق غضروفى
6- مصالح حكومية تلاقى فيها اللى يقولك الشاى يا باشا
7- وظائف خالية لازمها الوسطى والمحسوبية وتسعيرة توظيف
8- سلع تموينية يخلصوا فى الإسبوع الأول من الشهر
9- أراضى بـ 100 جنية المتر لشركات إستثمار عقارى تبيع لك الشقة بـ 500 ألف جنية
10- وأراضى بـ 1 جنية المتر لأندية رياضية تبيع لك إشتراكها بـ 150 ألف جنية أو تشجعها من بعيد لبعيد
11- مصانع بتتحاسب بتعريفة أقل من اللى بنتحاسب عليها فى الكهرباء والمياة
حتى المواطن الإسرائيلى بيتحاسب بتعريفة أقل مننا فى الغاز والبركة فى الغاز المصرى
و أمراء الخليج إستولوا على أراضى توشكى المدعومة ورافضين يزرعوها
وبعد ده كله نتعاير بالدعم ويتقال إننا سبب عجز الموازنة
صحيح اللى إختشوا ماتوا