|
هل الاعتذار اهانة من وجهة نظرك...!, ادخل قول رأي
السلام عليكم ورحمة الله وبركاته هل الاعتذار اهانة من وجهة نظرك...! دا موضوع للنقاش حبيت اطرحه عليكم وأشوف وجهة نظركم فيه وهو موضوع الاعتذار دا في ناس متقدرش تعتذر وبتفتكر ان دا اهانة او ذل او ضعف.. مع ان احلى حاجة في الاسلام التسامح بصراحة انا شايف ان الاعتذار دة حاجة جميله تكبر الواحد مش تصغره زي ما ناس كتير فاهمة .. وموقف قوي من الانسان عموما دا رأيي وياريت أشوف أرائكوا |
بص هى القضية مش قضية ان الاعتذار اهانة بالعكس انا بحترم جدا الانسان اللى بيعتذر لان بحس ان هو كبير وعاقل ومسامح بس المشكلة فى اللى بيعتذر له ممكن تكون غلطان واعتذرت لانسان ويسامحك ويحترمك لانك اعتذرت له وفى ناس تانية لو اعتذرت لها تتكبر عليك وتفتكر نفسها انها صح دايما والناس دى انا قابلت منها كتير وانتيمى كانت كدة بس انا بعدت عنها.....كفاية كدة عشان ما اطولش وميرسى ع التوبيك الجميل دة يا مان
|
اقتباس:
لان التسامح من احد الركائز الى الاسلام انتشر عليها المهم الاعتذار بيكون اهانة لو الشخص الى انت اعتذرت ليه لا يستحقه اصلا او ان الشخص دة بقدمله اعتذار لانى مش قادر اثبتله قوة حجتى ودة بيكون صعب جدا على الواحد انما لو اخطأت بالفعل فمافيش اى مشكلة للاعتذار وكل ما بيكون الشخص قريب منى بعتذرله من غير اى حاجة جوايا وبسامحه من غير ماهو يطلب حتى دة رأيى الشخصى الى بحس بيه وكل واحد له وجهة نظر وله فلسفته فى الحياة فى امان الله |
مين قال إن الإعتذار بيقلل من شخصيه الشخص المعتذر بالعكس أنا من وجهة نظرى إن دى قوه مبيتمتعش بيها غير شخص عاقل الإعتزار بيزيد من الهيبه والإحترام والوقار وبعدين كلنا لازم نغلط بس للأسف مش كلنا بنتعلم والحق أحق أن يتبع |
طبعا الاعتزار مش غلط خالص بالعكس دا بيقوى شخصية الفرد واكيد لو اى شخص غلط
لازم يعتذر لانة بيزيد قدرة قدام الناس طبعا شكرا لطرح الموضوع |
اقتباس:
كلام مظبوط مرسيه ع المرور |
اقتباس:
كلامك جميل ومرسيه ع المرور |
اقتباس:
سانكس يا محمد على المرور اللى نور الموضوع |
انا رأيي ان مش الاعتذار هو اللي اهانة ولكن الخطأ اللي ارتكبه الشخص هو اللي إهانة وبيقلل من احترام وقيمة الشخص قدام نفسه وقدام الناس فالواحد لازم قبل ما يعتذر للشخص اللي أخطأ في حقه المفروض يعتذر لنفسه لأنه غلط في حقها الأول وأهانها :) |
موضوع حلو
الاعتذار مش في كل الحالات اهانة انا ممكن اعتذر انا دايما ببص انى من اهم مبادئ الاصلاح الاعتراف بالخطأ بس لما اكون غلطان ولازم اعتذر واللى قدامي يستحق الاعتذار ابقي اعتذر لحسن فيه غلطات مينفعش اعتذر فيها وشكرا علي الموضوع |
لا طبعا الاعتذار ده حاجه جميله جدا وانا عن نفسى ممكن اعتذر عادى جدا لو انا عارفه انى غلطت ولازم برضه يكون الشخص الى ادامى يستحق الاعتذار وانى فعلا غلطت فى حقه بس لو هو انسان متكبر ومتقبلش اعتذارى بطريقه او باخرى اكيد مش هاعتذرله تانى بس انا بصراحه بتضايق من الناس الى بتعتذر عمال على بطال منغير سبب بحس انهم بيقللوا من نفسهم
|
اقتباس:
مرسيه على المرور يا جميــــــــل |
مش اهانه
بالعكس انا بعترف بخطأي و بحاول اصلحه مش اهانه خالص |
لا طبعا لا اهانة و لا حاجة
انا بحترم الانسان اللي بيعتزر و بحتقر الانسان اللي بيعتزر كتير لازم يكون اعتذارك لسبب مهم و بعدين قبل متفكر تقول اي كلمة تذكر ان انت لو قلت حاجة غلط هعتذر ده احتراما ليك و بعدين ساعات تقابل ناس يقولولك مش هعتذر كرامتي متسمحليش!!!!!!!!! طبعا الجملة دي غلط خالص لان الاعتذار احترام ليك و لكرامتك و علي العموم كشار ليك جدااا و علي طرحك لهذا الموضوع للنقاش تقبل مروري اخو في الله شريف الخضري |
بجد انا عن نفسى مستعدة اتأسف للى غلطت فيه بدل المرة الف
بس فى حالة انى احس انه بيذلنى وعاوزنى اتأسف كتير يبقى سلام وبلاش تعطيل بس المشكلة دلوقتى فى الناس الى مش بتقبل الاعتذار والله بقت ناس وحشة اوووووووووووووى |
| جميع الأوقات بتوقيت GMT +2. الساعة الآن 02:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.