سؤال بسيط [ دقيقة واحدة بس ]
 

العربى مخلصين بالظبط نص المنهج
الانجليزى الوحده 11 والقصة الفصل 7
الفرنساوى مخلصين
الكيمياء فى نصف الباب الثامن (الكهربية)
الفيزياء لسه مخلصين تانى باب للاسف
الرياضة فاضلنا حصتين جبر وندخل الهندسة الفراغية
التفاضل نعتبر فى نصه وقربنا نخلص الاستاتيكا ولسه مخدناش الديناميكا

احلف :romarioxp6:

انتو طااايرين في المناهج كدا ازاي :d

هههههههه وانا اللى كنت مفكر ان احنا متاخرين والله زى ما بقولك كده احنا مش طايرين ولا حاجة احنا بدانا دروسنا من شهر 8 والمدرسين اللى بناخد عندهم دروس ليهم نظام محدد وثابت والحمد لله كل مادة اديناها حقها فى اللى حلصنناه وحلينا امتحانات سنين فاتت وكتب خارجية والحمد لله
انما انتوا مش عارف ايه نظامكوا

احنا ربنا يسترها علينا يبني :romarioxp6:

دة شكلو النظام عندنا طراوه خالص احنا لسا معملناش نص الى انتو عملتوه او ممكن تقول وصلنا لنصو :006et4:

لا بس بردو طايرين في المنهج

بص هو العربى نظامه ثابت كل درس ليه يومه فى السنة متحدد من اول السنة الاستاذ بصراحة نظام صح وحصتين فى الاسبوع

الانجليزى احنا الجرامر خلصناه فى رمضان كنا بنروح كل يوم فكل وحده بناخد فيها الكلمات والتعبيرات والموضوعات ونحل كتير وبس ودلوقتى بناخد 3 حصص فى الاسبوع

الفرنساوى مفيهوش حاجة فالاستاذ خلصلنا وبيراجع على مناهج التلت سنين مع بعض (حصتين فى الاسبوع)

الرياضة والله الاستاذ اللى باخد عنده محسسنا ان رياضة 2 اسهل من رياضة اعدادى وفعلاااااا والله هو مبسطهالنا على الاخر وماشية تمام دا انا حتى كنت بقوله احنا يامستر بالمناهج دى المفروض كنا نخلص على شهر 12 بس هو قالى انا اللى معطلنى الطلبة التانية اللى معاكوا ومش بتذاكر كويس فلازم اطول شوية
(3 حصص فى الاسبوع)
الفيزياء للاسف لسة هندخل فى الباب الثالث (حصتين فى الاسبوع)

الكيمياء احنا بادئين من يوم 28 /6 فطبيعى تلاقينا متقدمين (حصتين فى الاسبوع)
وكل المواد حلينا فيها كتب خارجية وامتحانات السنين اللى فاتت من مصر 80 حتى مصر 2014

لا تعليق عشان انا اتفقعت الصراحة
ربنا يباركلك يابني

ربنا يباركلكم بصراحه .. انتا بتتكلم كانكم فى كوكب تانى عننا خالص .. بس مقلتش انتا محافظه ايه ؟

انا من المنوفية ادارة منوف

بص هو فى الرياضيات الاستاذ حلهم معانا من مصر 80 الى 2014
والفيزياء كمان ده حتى فى اردن وسعوديه وغزة وازهر بنلاقيهم فى الوسام
اما باقى المواد فيعتبر اجتهاد منى يعنى العربى انا معرفتش اجيب امتحانات غير من مصر 96 حتى 2014
وباقى المواد بجيب من ابعد ما اقدر اجيب
ده حتى الرياضة دلوقتى فى كتاب المعاصر جايب اسئلة من مصر 43 ومصر 59 ومصر 62 انا والله بستغرب لكن بحلهم الحمد لله وبيجيب امتحانات الاردن وعمان والسعودية وليبيا وغزة هههه عجب والله
كل واحد يدور على نفسة لما يبقى فى تقصير من مدرسك كمله انت هات كتب خارجية وحل واهم حاجة امتحانات السنين اللى فاتت لانها بتتكرر كتيييييير
و راجع اول باول اللى بتاخده يعنى مثلا انت لو اخدت النهاردة درس عربى ذاكره كويس جدااا وبعدين حل عليه ولما يبقى عندك وقت هات درس قديم
انا ماشى على النظام ده فى كل المواد والحمد لله المواد فاكرها من اولها لاخرها من كتر المراجعه (لكن متهملش الدرس الجديد اللى بتاخده ذاكره اولا ولو فيه وقت راجع)

[QUOTE=. ahmed-gamal;6049463]بص هو فى الرياضيات الاستاذ حلهم معانا من مصر 80 الى 2014
والفيزياء كمان ده حتى فى اردن وسعوديه وغزة وازهر بنلاقيهم فى الوسام
اما باقى المواد فيعتبر اجتهاد منى يعنى العربى انا معرفتش اجيب امتحانات غير من مصر 96 حتى 2014
وباقى المواد بجيب من ابعد ما اقدر اجيب
ده حتى الرياضة دلوقتى فى كتاب المعاصر جايب اسئلة من مصر 43 ومصر 59 ومصر 62 انا والله بستغرب لكن بحلهم الحمد لله وبيجيب امتحانات الاردن وعمان والسعودية وليبيا وغزة هههه عجب والله
كل واحد يدور على نفسة لما يبقى فى تقصير من مدرسك كمله انت هات كتب خارجية وحل واهم حاجة امتحانات السنين اللى فاتت لانها بتتكرر كتيييييير
و راجع اول باول اللى بتاخده يعنى مثلا انت لو اخدت النهاردة درس عربى ذاكره كويس جدااا وبعدين حل عليه ولما يبقى عندك وقت هات درس قديم
انا ماشى على النظام ده فى كل المواد والحمد لله المواد فاكرها من اولها لاخرها من كتر المراجعه (لكن متهملش الدرس الجديد اللى بتاخده ذاكره اولا ولو فيه وقت راجع)[/QUOTE

معلش بس ادينى اى وسيله اتصال بيك علشان نفسى اسألك حبه اسأله كدة لان احنا بالطريقه دى ضايعين :028ja7: