|
مشكلتي مع تنظيم المذاكرة!
انا لسه جديدة ، بس حسيت يمكن هنا حد يقدر يساعدني :(
انا في تالته ثانوي علمي رياضة انا مكنتش من النوع اللي بيذاكر قبل كده بس بحاول اشد حيلي لكن وقتي مس متظبط خالص ، والرياضة بتاخد مني وقت طويل جدا واجب عملاق :d ده غير ان مذاكرتي بطيئة ، ومبقتش عارفه اوازن خالص وحاسه ان مستوايا نازل ، النهارده كان عندي امتحان كميا في الدرس وعكيت فيه ، ملحقتش اذاكر غير فصل والتاني ذاكرته اي كلام من وقتي الضيق ، وبقيت حاسه ان انا بحلم ع مفيش ، كأن هندسة دي مفيش واعصابي مشدودة جامد وحاسه من زمايلي كلهم باحباط ، يعني هما بيحبطوني يعني نفسي حد ينصحني بأي حاجه ، عشان تقريبا نفسيتي اتدمرت :d |
اول حاجة لازم تعمليها ابعدى عن زمايلك دول خالص انعزلى عنهم تماما تانى حاجة ذاكرى اول باول يعنى اللى اخدتيه النهاردة لازم يتذاكر النهاردة واوعى تاجليه يوم واحد . كل اللى دخلو هندسة وطب وصيدلة قلولى نفس الكلام ... انا زيك فى 3 ثانوى وبرضة اللى ورايا مش بيخلص بس بطبق نصايح الاخرين ليا اللى هيا المذاكرة اول باول
|
اولا ابعدي عن زمايلك دول خالص .. لان الفاصل بينك وبينهم الامتحان ، والى الآن مش باين مين الناجح من الفاشل ، في ناس كتير كانوا معانا اول السنة مش متميزين ، وطلعوا اوائل بعد كده ، الخطوة التانية بقى ، ان علمي رياضة اهم حاجة فيها الفهم ثم الفهم ، والحل الكتير جدا ،، بس ازاي توازني ببين السرعة والانجاز ، الحل هوا (stopwatch ) أيوه بالضبط كده ، مش هتعدي 10 جنيه ، بحيث كل مسالة متزدش عن 2 دقيقتين كحد ادني و 5-7 دقايق كحد اقصى ،، واهم حاجة تحلي كتييييييييير جدا ، ولازم تراجعي باستمرار علشان متتعبيش في الاخر ، وحاولي كل باب تحلي عليه امتحانات الثانوية السابقة ،، بحيث متنتقليش للي بعده ، الا لما يكون اللي قبله تمام ، او تدخلي في الباب الجديد وتقسمي الوقت بين الجديد والقديم .. ربنا يوفقك
|
بجانب النصايح الحلوة دي خلي عندك كمان كشكول للرياضة تكتبي فيه ا فكرة مسئلة جديدة مابتتكررش ف الكتاب والمسائل كتير لانه غالبا لو حب يصعب بيجيب منها وتوكلي علي الله وكفي بالله وكيلا .. بالتوفيق يارب :)
|
|
| جميع الأوقات بتوقيت GMT +2. الساعة الآن 05:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.