متزعليش
مقدرش فى يوم
أفكر اجرح قلبك
كل اللى عدى من عمرى
مايسواش زعلك
فمتزعليش
عادى مبقتش أملك غير الكلام أو السكوت
أه عايش بس من جوايا بموت
فمتزعليش لو كان كلامى جارح
تمثال بقى ويادوب ملامح
ماهى أصلا كده الحياه
تدبح فيه وهيفضل يسامح
فاكره كلامى وحجتى بالظروف
قولتى يومها أنانى، ملهوش أمان
كان فاكر الحلم سهل
وكان واثق أوووووى
بس للأسف خانه الزمان
وكفاية وجع قلب
كفاية حلم وخيال
خلاص سلم حاله لرب
وهرمى عليه كل الأحمال
هى دى الحياة هعيشها
جت كده .. جت كده هشوفها
يعنى أيه أحب وأنسى ؟!
هسيبها بقى بظروفها
وأعلم قلبى إزاى يقسى
وأبطل أفكره باللى كان
وأقبل بأى حياه
وجع ، وجع مليون آاااه
وأعيش بعاند فى الزمان
ده مجرد كلام
بس اللى فى القلب
حقيقى ما يستهلش
أصله قلب خايب
حلم فى يوم ومانفذش
عارف أنه ملكيش ذنب
وأنك حبيتى
وياريت ما قلبنا حب
لو كل نهاية قصة
تبقى ألم وبعد
يبقى حب أيه وكلام وهم
خلينا نجرح فى أى قلب
ماهى كده كده الحياة غم
ولكل حلم مليون سد
بس لا وحياة قلبى اللى داب
وحياة لهفتى على اللقا
ووصالك ولو شقا
عمرى ماهرضى ليكى عذاب
أمسح دموعك وعيش
حياة وأتفرضت علينا
وغير سعادتك ماليش
حاجة تفرح عنينا
فأوعى تانى تنسى
أنى مقدرش أزعلك
فمتزعليش
محمد فؤاد عبد السلام







https://fbcdn-sphotos-d-a.akamaihd.n...9eb5ef01c6bdf9