بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   لو نيلك يا مصر صلصه مش هيكفى الكوسه الى فيكى (https://www.thanwya.com/vb/showthread.php?t=62667)

Dr.diamond 10-08-2008 12:52 PM

لو نيلك يا مصر صلصه مش هيكفى الكوسه الى فيكى
 
النهاردة حبيت افضفض معاكم شوية عن الكوسة المحشية واللى بالصلصة هههه طبعا حتقولولى طب روحى قسم الطبخ لا انا عاوزة اتكلم عن الكوسة اللى بتحصل فى كل حتة فى المجتمعات العربية والكوسة بتبدا فى المجتمعات العربية من بدرى اوى فى حياتنا بداية من الطفل اول مايدخل المدرسة تبتدى الكوسة على طول لو انت قريب مدرس فى المدرسة يبقى حتقعد فى اول صف وكل المدرسين يدخلو يسلمو عليك انت بالذات مش كل الفصل لية يعنى همة يعرفو كل الفصل عشان يسلم على بقية العيال هههههههه. وبعدين فى الامتحانات يا سعدك يا هناك حيقومو بالواجب وزيادة معاك لو انت قاعد فى اللجنة متوتر حيجيبولك عصير ويهدوك ومتخافش يا حبيبى ويا روحى ولو جنبك تلميذ تانى بيعانى من نفس اللى انت بتعانى منة خلص يا ابنى الوقت انتبة وخلص وماتبصش للى جنبك
ننتقل للمرحلة التانية فى الكوسة الحمد لله خلصت دراسة وبتدور على شغل تمام فى مسابقة لوظيفة متقدم للوظيفة 4000 فرد وكل اللى مطلوب موظف واحد تعرف انت المدير او باباك يعرفة او عمك يعرفة يبقى انت الشخص المختار يا سلااااااااااااام حاجة جميلة من غير تعب ويولعو الناس التانية لو مابتعرفش انت تكتب على الكمبيوتروالناس المتقدمين يعرفو مش مهم انت اولى وتتعلم براحتك هية مش مشكلة انا بقول انت على اساس اننا كلنا انا الكوووووووسة فى كل حاجة يا جماعة لو رايح تشترى عيش وفى طابور كبيررررر وانت تعرف حد من العاملين يبقى يا حظك يا سعدك تمام تاخد اول حد طبعا هية مشكلة والناس اللى واقفة دة امممممممم واية يعنى مايقفو همة وراهم حاجة بياع الفاكهة لو يعرفك يقوم معاك بالواجب حيديك فاكهة كويسة ومع ان غيرك حيدفع نفس اللى بتدفعة لكن حيقوم معاك انت بالواجب لية كووووووسة .
هية الكوسة كتير اوى فى المجتمعات العربية كلها مع انها مش رخيصة وتقيلة على المعدة والواحد بياكلها بالعافية بس نقول اية كتيررررررررررررررررة حنقول حسبى الله و نعم الوكيل

يا ريت كلة يدخل يحكى عن موقف حصل معاة او يقول راية فى اللى بيحصل واية الحلول دة لو فى ناس معتقدة ان فى حلول انا عن نفسى اعتقد ان الحل هوة الحبل ههههه يعنى نكبر وننفض زى ماكلة بيقولى كبرى ونفضى انا بكبر وبنفض وبرش بيروسول والله وبرضة تعبانة ههههههههههه يا ريت كلنا نتكلم مع بعض ونقول على المواقف اللى بتحصل معانا


شكرا ليكم وارجو انى ماكنش طولت عليكم





على فكره يا جماعه الموضوع ده منقووووووووووول بس عجبنى فانا زودت عليه شويه حاجات وجبتهلكوا

DR.B 10-08-2008 04:25 PM

مسير في يوم من الأيام الكوسه تتحرق ورحتها تتطلع وكل المكوسين والمتكوسين هيبانوا ويتفضحو لييييييييييه أنا بقول كده (مش كلام في الفاضي) ولكن لأننا وصلنا لقمة الفساد فأعلم أن النهاية قريبه (نهاية الفساد أو نهاية العالم) بس يارب أحد النهيتين يقرب عشان نخلص

Dr.diamond 10-08-2008 04:36 PM

اقتباس:

المشاركة الأصلية كتبت بواسطة DR.B (المشاركة 658957)
مسير في يوم من الأيام الكوسه تتحرق ورحتها تتطلع وكل المكوسين والمتكوسين هيبانوا ويتفضحو لييييييييييه أنا بقول كده (مش كلام في الفاضي) ولكن لأننا وصلنا لقمة الفساد فأعلم أن النهاية قريبه (نهاية الفساد أو نهاية العالم) بس يارب أحد النهيتين يقرب عشان نخلص

يارب فعلا يجى اليوم الى نلاقى فيه كل حاجه ماشيه لوحدها من غير الكوسه وكل واحد واخد حقه الى يستحقه بجد

biob 10-08-2008 05:16 PM

علشان كده ان شاء الله مش هعيش فى حله المحشى دى
ولا هربى ولادى فيها
باذن الله
شكرا يا دكتوره

Dr.ahmed91 10-08-2008 05:18 PM

يااااااااااااااااااه

بتقلبي ليه المواجع؟؟؟؟؟؟؟؟؟؟؟؟؟

اول الكوسة في البلد دي

اني بشجع النادي الاسماعيلي

يعني 100% معاناة . اضطهاد وظلم


وكله طبعا لصالح النادي الاهلي

اللي هو حزب وطني الكورة

.................................

استني حكمل واحكي وافضح الرعاع
................................

اول كلامي عل المصطفى صلي
حقول حكاوي وعبر واحفظ وفسرلي

Dr.ahmed91 10-08-2008 05:22 PM

اقتباس:

المشاركة الأصلية كتبت بواسطة biob (المشاركة 659118)
علشان كده ان شاء الله مش هعيش فى حله المحشى دى
ولا هربى ولادى فيها
باذن الله
شكرا يا دكتوره




خدووووووووووني معاكم

انا احب مصر ولكن..........

dr.saeed 10-08-2008 08:52 PM

بلاش بس نحكى
كدة الموضوع هايوصل ل 200 صفحة
ربنا ييسر
شكرا للموضوع

دودو دلوعة اليكس 10-08-2008 09:04 PM

حلو الموضوع انتى جيبا الموضوع دة فى وقته لان كل حاجة فى مصر كوسة فكبرى ونفضى احسن عشان تعرفى تعيشى لان الواحد لو قعد يفكر فى كل حاجة حواليه حيتنقط بس احسن وسطة فى الزمن دة وفى اى زمن هى ربنا .........ميرسى ع الموضوع بييييييييييس

Dr.diamond 10-08-2008 09:14 PM

اقتباس:

المشاركة الأصلية كتبت بواسطة biob (المشاركة 659118)
علشان كده ان شاء الله مش هعيش فى حله المحشى دى
ولا هربى ولادى فيها
باذن الله
شكرا يا دكتوره

بس مش كل واحد يقدر يطلع من حله المحشى الكبيييييره دى
بس كله بيتمنى
ونفسى اعرف ليه بيطلع منها بيبقى نفسه يرجع
يرجع فين مش فاهمه
بس الى مكتوب عليهم يعيشوا فيها لازم يغيروها عشان يقدروا يعيشوا
والا هيموتوا


شكرا لاضافتك

Dr.diamond 10-08-2008 09:17 PM

اقتباس:

المشاركة الأصلية كتبت بواسطة dr.saeed (المشاركة 659713)
بلاش بس نحكى
كدة الموضوع هايوصل ل 200 صفحة
ربنا ييسر
شكرا للموضوع

هو الكلام ملوش فايده
مش هيغير حاجه
بس كمان لو سكتنا كتييييير
وفضلنا ساكتين طول العمر
هنموت
ومحدش هيحس بينا
يبقى نتكلم احسن ونزعق كمان
يمكن نهون على نفسنا
ونقدر نعيش

dr.saeed 10-08-2008 09:22 PM

اقتباس:

ونفسى اعرف ليه بيطلع منها بيبقى نفسه يرجع
يرجع فين مش فاهمه
تصدقى وتامنى بالله
والله والدى بيحلف
لما كان راجع من العراق
وكمان كان قبل الحرب يعنى مش وقت الحرب ذات نفسه
كان بيشوف ناس نازلة من الطيارة بتبوس الارض
فاهمه يعنى ايه؟
فيه فرق كبير
بين الدولة
والحكومة
مصر دولة
ذكرت فى القران 5 مرات صريحة
يعنى مش اى دولة

فى امان الله

Dr.diamond 10-08-2008 09:37 PM

اقتباس:

المشاركة الأصلية كتبت بواسطة dr.saeed (المشاركة 659808)
تصدقى وتامنى بالله
والله والدى بيحلف
لما كان راجع من العراق
وكمان كان قبل الحرب يعنى مش وقت الحرب ذات نفسه
كان بيشوف ناس نازلة من الطيارة بتبوس الارض
فاهمه يعنى ايه؟
فيه فرق كبير
بين الدولة
والحكومة
مصر دولة
ذكرت فى القران 5 مرات صريحة
يعنى مش اى دولة

فى امان الله

طيب ماهى الحكومه هى المتحكمه فى الدوله ومخليا الناس مش لاقيه تاكل
انا حاسه ان بلدنا بجد مفيهاش خير
مش حاسه ان فيه حد مرتاح
كله تعبان
عشان كده محدش فيه دماغ يقولك انا بحب الدوله بس اكيد (بحب الحكومه:D)

( لؤلؤة الإسلام ) 10-08-2008 09:47 PM

يا جماعة احنا مالناش غير بلدنا ... و مش الحل ان احنا نطلع منها .. طب مما انا اتولدت بره مصر و عشت هناك 15 سنة ... و دول مش شوية .. و ما كنتش متخيلة أنا هعيش هنا إزاي ؟؟!!
و بقالي هنا سنتين بس .. و اتصدمت طبعا فحاجات كتييييييير أوي .. بس بردو بحبها ..
يتهيألي إن الحل بيبدأ من عندنا .. يعني لو كل واحد بدأ بنفسه و مشي في السليم و اتقى ربنا و بقى عنده ضمير .. الوضع هيتحسن كتييييييييير .. و الواحد يربي ولاده على كده .. و ما يرضاش بالظلم ..
و أهم سلاح .. هو : الدعاء !!
و أكيد اللي بيحصل ده ابتلاء من ربنا بسبب بعدنا عنه و ذنوبنا ..
بس أكيد الخير موجود .. و إن شاء الله بكرة أحسن .. و ما تنسوش المقولة المشهورة : " مصر بتتقدم بينا " !!!
ياريت ما اكونش طولت عليكو ..
و شكرا ليكي عالموضوع !!

Dr.diamond 10-08-2008 09:55 PM

اقتباس:

المشاركة الأصلية كتبت بواسطة L0L0 (المشاركة 659880)
يا جماعة احنا مالناش غير بلدنا ... و مش الحل ان احنا نطلع منها .. طب مما انا اتولدت بره مصر و عشت هناك 15 سنة ... و دول مش شوية .. و ما كنتش متخيلة أنا هعيش هنا إزاي ؟؟!!
و بقالي هنا سنتين بس .. و اتصدمت طبعا فحاجات كتييييييير أوي .. بس بردو بحبها ..
يتهيألي إن الحل بيبدأ من عندنا .. يعني لو كل واحد بدأ بنفسه و مشي في السليم و اتقى ربنا و بقى عنده ضمير .. الوضع هيتحسن كتييييييييير .. و الواحد يربي ولاده على كده .. و ما يرضاش بالظلم ..
و أهم سلاح .. هو : الدعاء !!
و أكيد اللي بيحصل ده ابتلاء من ربنا بسبب بعدنا عنه و ذنوبنا ..
بس أكيد الخير موجود .. و إن شاء الله بكرة أحسن .. و ما تنسوش المقولة المشهورة : " مصر بتتقدم بينا " !!!
ياريت ما اكونش طولت عليكو ..
و شكرا ليكي عالموضوع !!

فعلا مصر بتتقدم بينا:D

شكرا لاضافتك

dr.saeed 11-08-2008 02:53 AM

كل الى اقدر اقولهولك
بالرغم ان ظروفنا اكيد هاتتحسن كتير لما اخواتى هايكونوا بره
بس انتى ماتعرفيش انا وهما دلوقتى حاسين بايه
وصعب تحسى بيه

فى امان الله


جميع الأوقات بتوقيت GMT +2. الساعة الآن 01:02 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.