اسمع حقيقة الclinical فى صيدلة عين شمس
 

اليوم كنت فى كلية الصيدلة جامعة عين شمس لان موعد الكشف الطبى كان لى هناك اليوم.
و قابلت طلاب كثيرين منهم من طلع بتقدير امتياز و جيد جدا و جيد ,, عادى زى اى كلية و قابلت طالب يسمى مؤمن فى سنة اولى او بمعنى اصح طالع سنة اولى( ملحوظة : سنة اولى هى السنة اللى بعد اعدادى) و سألته عن كل حاجة عن صيدلة عين شمس و الحقيقة الطالب كان فى منتهى الزوق و جاوبنى على كل حاجة و انا كمان حبيت اقولكوا هو قال لى ايه عشان نبقى كلنا على نـــــــــــور قبل دخولنا الكلية.

1- الفيزياء كثيرة فى الصيدلة و على اكثر من ترم و بتدرس فى علوم و كمان فيه دكاترة كتير من علوم بيجوا يدرسوا لنا.
2- الرياضة بداية من الترم الاول و منها ما هو من رياضة 2 و آخرى رياضة باحتة .
3- حقيقة اول شهر هتجد نفسك مش فاهم اى حاجة و ده شئ طبيعى جدا و لازم تقاومه بانك تذاكر حتى و لو مش فاهم و ما تفوتش رمضان منك حتى العشر ايام دول لان اليوم بيفرق معانا و ذاكر طول ما انت مش فاهم لان طبيعة الدراسة هناك بالانجليزى و الدكاترة طبعا كلامهم معظمه انجليزى و الدراسة نفسها كلها انجليزى و لاتينى كمان فده بيسبب صدمة لبعض الطلاب و بيفتكروا انه لا يمكن انهم يفهموا المواد دى لكن الحقيقة بتتفهم بدون ما الواحد يحس ( سبحان الله ) الكلمة دى انا قولتها قال لى فعلا دى لازم تصدقها .
و طبعا الحمد لله انه قال لى كده و هو الطالب ده كان جايب جيد جدا و قال لى لولا انى لاقيت اللى قال لى النصيحة دى كان زمانى ((اعوذ بالله )) ..
4- الكلية رغم انك هتحس بصعوبة الترم الاول لانه حاجة جديدة عليك الا انك هتحب الكلية لان الدكاترة محترمين و متجاوبين مع الطلاب و متواضعين.
5- السكاشن تبدأ من الساعة 8 صباحا و مادامت 8 يبقى 8 ما فيش تأخير اما المحاضرات فهى 8 صباحا برده لكن ممكن تتأخر نص ساعة و لا ســــــاعه.
6- ليك يوم اجازة فى الاسبوع حسب ترتيبك بالحرف الابجدى بخلاف الجمعة و ده فى الترم الاول اما فى الترم التانى فاحتمال ما بيبقاش فيه يوم اجازة لانهم بيوزعوا المواد على الستة ايام عشان تبقى اخف على الطالب.
7- اخيـــــــــــــــرا : عن ال CLINICAL PHARMACY
للأسف الاخ احمد بتاع اسكندرية قال كلام منه الصحيح يشكر عليه و منه الخاطئ لكن عموما يشكر و الصحيح اللى قاله هى وظيفة الصيدلانى الاكلينيكى لكن نظام الدراسة بمجرد دخول الطالب صيدلة اى جامعة غير جامعة عين شمس و جامعة تانية ماكنش متذكرها هيدرس مواده عادى اما ذلك القسم يدفع عليه فلوس و هو مبلغ 11000 جنيه فى جامعة القاهرة يعنى مش 13000 , اما فى صيدلة عين شمس هناك 10 اقسام لكن مش معنى كده انك هتختار قسم تتخصص فيه لأ , ده ممكن تعمل فيه دبلومة التى تعادل الماجيستير و دى مش بتفرق حاجة فى الوظيفة خالص ده للزيادة فقط لذلك فالصيدلة الاكلينيكية كأى قسم فى صيدلة عين شمس يمكن ان تؤخذ فيها دبلومة مثلما يمكن ان تأخذ دبلومة ORGANIC , و لكن فى عين شمس قسم الاكلينيكال ببلاش بس و انت مش بتدرسه فى سنة تالته و رابعة بس لأ , ده انت بتدرسه من اعدادى و منه علم الانسجة و علم التشريح و لذلك فالعشرة اقسام بتدرسهم على الخمس سنين دراسة يعنى انت يا خريج صيدلة عين شمس انت بتتخرج صيدلى عادى مع صيدلى اكلينيكى يمكنك ان تتوظف باى منهما حسب و فرة العمل ,, بس هى دى كل حاجة عن الاكلينيكال....
أرجو انكوا تكونوا استفدتوا من اللى انا كتبته و يا رب ما حد يتعقد لان كان من باب اولى اتعقد انا بس لما تبقى داخل على نور انك شئ عادى جدا و مش انت لوحدك اللى مش هتبقى فاهم هيبقى الامر EASY و ان حتى اللى ايه مش هيفهم يبقى خلاص عادى جدا و ربنا يوفقنا كلنا ...

مشكوووووووووووووووووور

:D:D

الف الف شكر يا باشا عالموضوع القشطة ده :D:D .. دانتا يعيني زمان صوابعك اتهرت ياضنايا .. :p

بس كده يبقى الواحد داخل ومرستأ اموره .. بس برضو مش فاهم أيه الصيدله البتنجانية ديه !!

منك لله ياحمد يابن حسين بن علي .. انت اللي اثرت الفتن و عملت القلاقل في صفوف المسلمين .. ربنا عالمفتري :p .. يارب خذهم اخذ عزيز مقتدر .. يارب آآ ولا بلاش لحسن الواد يروح فيها ولا حاجة :p:p

شكرا على المعلومات اللى خوفتنى دى
بس كتر خيرك برده
انا بس عايزة افهم
هى مش صيدلة 5 سنين ؟ايه بقى حكاية اعدادى صيدلة دى؟

أولا الصيدلة 5 سنين- اعدادي - أولي -ثانية- ثالثة - رابعة بس كده

ثانيا الاستاذ الي بيقول الصيدلة الاكلينيكية مجانآ دي diplomat بس

شكرا على الموضوع انا صيدلة طنطا بس اسمع ان صيدلة طنطا وعين شمس هما بس كده


على العموم ربنا يوفقنا كلنا

خلاص حاضر مش حتكلم تاني

انا اركز في حياتي وابطل اضيع وقت

عشان معنديش وقت للمهاترات

وشكرا يا دكتور اكرم يا شمساوي

مش قلت لك كذا مرة ما تاكليش من الشارع و ما تلعبيش مع العيال برة و تدهولى نفسك بالتراب :mad::mad: عشان تبقى تسمعى الكـــــــــلام..
على العموم الف الف الف الف سلامة عليكى.:cool::cool:

مش غريب برضه اني اسال تلاته من صيدلة عين شمس

ويقولوا انهم ميعرفوش حاجه عن القسم ده

سوى انهم بيدرسوا المادة دي في تالته ورابعه كمادة عادية

وليس كطبيعة دراسة منفصلة لمدة 5 سنين

كصيدلة القاهرة واسيوط والزقازيق(برنامج مميز)

عل العموم انا لما اتاكد من حاجة بقولها

وانا الحمد لله مبسوط في اسكندرية وساكن جنب الكلية كمان

وانا الحمد لله ساعدت ناس كتير واصدقائي عارفين اني ما بزعلش من حد خالص

وانت حبيبي يا اكروما