سمعتى ,,,,,,,,,,,ام صداقتى؟!!!
 

السلامو عليكم
انا منى داخله تالته ثانوى
حبيت اكلمكوا فى مشكله عندى
بس بصراحه كنت متردده كتير قبل ماكتبها
هدخل فى الموضوع علشان مطولش عليكوا
انا كنت مصاحبه واحده وكنت بحبها جدا وهى كمان ولكن احنا كنا مختلفين تمام انا بحب الضحك وجرئ الى حدما ولكنها كانت اكثر جراءة واصطداما بالاخرين حاولتها تكررا انى انبها لذلك ولكنها كانت تفتكر ان انها تقدر تعمل الى عايزاه بالدراع
المشكله اننا مش فى العاصمه اننا فى احد المحافظات الى بيكون كل الناس عارفه كل حاجه عن اى شخص
بدات جراتها الزياده وصلها لحاجات غلط وبدات سمعتها لحدما تتشوه والبنت ماهى الا سمعه
بدات انصحها لم تتقبل نصحتى وبالرغم من ذلك استمريت فى صداقتها
ولكنى لم استطع تحمل نظرات الناس الى على انى مثلها فتركتها
ولكنى قلت لها سبب ذلك ولكنى لم اجرحها قلتلها حاولى تعدلى من نفسك واحنا اصحاب



هى الان حزينه جدا هل انا جرحتها محافظتى على سمعتى ؟!!!!!

ميرسى ياهنا بس المشكله انها راضيه بحلها كده ومش عايزة تغير من نفسها
انا حاسه ان دى اخرتها بينا بس ربنا يوفقها بس انا ضميرى تعبنى من نحيتها لانها حاسه انى ظلماها

thanks alo

t

انتي مغلطيش لما سيبتها عشان سمعتك بس لو هي كويسة ومفيش حاجة فيها غير الجراءة انتي ماضيعيش صداقتك بيها

كلميها كل يوم في التليفون وانصحيها وعادي احكي معاها في كل اللي انتي عايزاه لكن تقوليلها خروج معاها مش هتخرجي لغاية ماتبطل اللي هي بتعمله والناس تغير فكرتها عنها


لكن هي لو مش كويسة وبتعمل حاجات غلط ممكن توقعك معاها في حاجة يبقى تقطعي اتصالك بيها خااااالص

انت كده كده صح
انت كده بتنفعيها مش بتضريها
وابعدي عنها وهي لو عارفة ان كلامك صح هتييجي تكلمك

والله يابت الاسلام كلامك صح وعجبى المشكله اها مش موضوع جرائه وبس وده السبب انى بعت عنها لك
برضو بحبها يلا ربا معاها

أنتى مش غلطانة يا منى
أبعدى زى ما الكل قالك
بس مش تقطعى جامد
بحيث لو هى حبت ترجع تلاقيكى جنبها
بس فعلا بلاش تقربى منها قوى
لآن دة مش كويس خصوصا أن أنتى ساكنة فى قرية
والناس للأسف بتحب تتكلم ف آى حاجة وخلاص:(
وأدعيلها بظهر الغيب
ربنا يهديها ويجمعكوا تانى على خير:)

ميرسى ياماجدولي انا بس حبيت اثبت لفسى انى صح شكرا



ملحوظه صغيرة هى مش قرية دى محافظه

سورى يا قمر
أنا فهمتك غلط:(:(
سورى مرة تانية:)

لا ياجميل براحتك وشكرا للاهتمام

بصى يا منى
انا شايف ان اللى انتى عملتيه ده هو الصح
لان مفيش طريقة تعرفيها بيها عيوبها غير الصراحة
اما زعلها ده فهو امر طبيعى
لان احنا بطيبعتنا المصريين و العرب مش بنحب النقد او الشخص اللى يقولك للاخريين على عيوبهم بصراحة و بيعتبرها الاخريين اهانة وغلط فى حقهم
المهم انتى لو حسيتى انها عدلت من اسلوبها و بقت كويسة خليكى مصاحباها
ولو فضلت زى ما هى سيبيها
الانسان ما هو الا سمعة
وسمعتك فوق الكل