محتاج حد يكون فى كلية العلوم
 

انا طالب فى كلية العلوم ولسه داخل سنة اولى وكنت علمى رياضة فى الثانوية
عايز اعرف ايه الاقسام الكويسة اللى ممكن ادخلها وانهى احسن قسم فيهم و مطلوب فى سوق العمل
من فضلكم يا جماعة اى حد يعرف حاجة عن الاقسام اللى فى الكلية يقولى لانى معرفش حد كان فى الكلية دى ومش لاقى عنها اى حاجة فى النت

انت ليك مجموعة العلوم الفيزيائية
فيها الحاسب والفيزياء واحصاء وكلام كتير
لازم تروح الكلية
او افتح السايت بتاع الكليه واعرف
الا سايت علوم حلوان بايظ مؤقتاااااا

او علوم الارض ده بتاعت البترول والمعادن والكلام ده

شكراا ليك بس انا فعلا رحت الكلية و قالولى على الاقسام بس مفهمتش منهم حاجه عن نوعية الدراسة وعن احسن الاقسام فى الكلية
وبالنسبة للموقع كان كله انجليزى فهمت منه اسماء الاقسام بس ملاقيتش حاجه عن الدراسة فى الاقسام وحتى لو كنت لقيت مكنتش هفهم حاجه لان كله مصطلحات انجليزية معقدة

مش عارف انت نظامك فى الكلية عامل ازاى
بس هو حسب رغبتك اولا واخيرا
لو حابب الرياضيات والبرمجة ( بس خلى بالك هتتعقد فعلا ) توكل على الله
لو حابب الفيزياء والكيمياء توكل على الله
بالنسبة للشغل فالشغل متنوع واهم حاجة تشيل من بالك الجملة الشهيرة خريجين علوم مش بيلاقوا شغل

لانى بجد شفت بعينى واكتشفت ان دى اكبر كدبة
لو عايز تشتغل فى البترول فيه الجيولوجيا او الجيوفيزياء بس انا مش عارف نظام التخصص عندكم ازاى
اهم حاجة تدرس اللى انت بتحبه ( أو ع الاقل يكون فيه قبول )
ياريت فى المشاركة الجاية توضحلى نظام التشعيب ماشى ازاى يمكن اقدر افيدك او تقولى انت فى جامعة ايه واعذرنى لو الرد اتأخر عليك لأنى فى فترة امتحانات دلوقتى
بالتوفيق إن شاء الله

احسن قسم بالنسبه ليك تقدر تدخله هو كيمياء جيولوجيا.......وعندك كمان قسم علوم فضاء

شكراااا ليكم يا جماعة على ردكم على الموضوع

انت صحيح اخترت القسم
بس قلت انزلها وخلاص
جايز حد يحتاجها
دى اتحاد الطلبة وزعها علينا
http://up.stop55.com/upfiles/xKE79883.jpg

شكرااا ليكى يا نورال على مشاركتك
وشكرااا لكل اللى رد على الموضوع كمان مرة
وانا خلاص اخترت قسم الجيوفيزا وربنا يوفقنا ويوفقكم

لو عاوزة ابقى دكتورة تحاليل ادخل قسم اية

قسم بيوكمسترى و ميكروبيولوجى ...

لا لعلمى علوم بس
لان قسم كيميا و ميكروبيولوجى فى شعبة البيولوجى

وعلى مااعتقد بردو قسم بيوكمسترى فى شعبة البيولوجى ...

البيو كيمسترى يا اسلام من الشعبة البيولوجية

لكن لو دكتور تحاليل .. انا شفت واحدة خريجة قابلتها فى الكلية قالتلى انها خريجة كيميا سبيشيال ودى من قسم العلوم الفيزيائية وبتشتغل اخصائية تحاليل

او بقي تدخل بيو فيزكس اللى هيا الفيزياء الحيوية الطبية و دى تطلع دكتور اشعة

وعندنا فى حلوان قسم اسمه كيمياء تطبيقية اعرف انه مميز جدا جدا جدا جداااااااا

ومش موجود فى علومات كتير وأولهم القاهرة

عندى اضافه بسيطه كمان ...

كيميا اسبيشيال كمان بيطلع منها ناس بتشتغل فى الطب الشرعى وبياخدو الدكتوراه هناك ...