|
على طرف سجادة الحياة
** على طرف سجادة الحياة **
*********************** ازاي حروفي بترتبك والمعنى يرفض ضعفها واما اكتبك كلمة بدلع تمحيها عيني برمشها وازاي سطوري بتنكسف قدام سعادة حضرتك والمح ايديا بترتعش لو يوم نداكي يمسها يا ام الضفاير مفرودين ع القلب نسمة تونسه والضحكة نيل ونجومي عشقت ضيها تروي العطاشى المحرومين لو يوم تميل تزرع خطاوي الشوق غناوي بسحرها انا مش عليل ولا قلبي عاجز او قوي ولا فهلوي ولا كنت يوم بقرا الكفوف جايز كفيف وصبحت من نورك بشوف أو كنت عيل جاي يقلب ف الكتاب أو شيخ طريقة وعني مرفوع الحجاب بس الحقيقة انا قلبي عاشقك بالقوي علشان ف حسنك الف حاجة وعكسها ضحكك حقيقة ودمعتك كام الف حاجة ف بعضها حضنك مواني قريِّبة وسفينتي عشقت بحرها يا ام الحكاوي الطيبة تسحرلي روحي بنبضها صوتك ادان فجره ابتدا فما تمنعيش قلبي التقي على طرف سجادة الحياة واقف كما عيل شقي مشتاق ف محرابك يتوب يمسح ذنوبه بركعتين وتقولي وقتك انتهى |
ماشاء الله سيدي الشاعر الجميل ، انتظر سيدي ، ودعني أتوضأ من مداد قلمك لأقف معك في الصف الأول
كل التحية لهذا الإبداع الفذ ، والخيال الألذ |
اقتباس:
اشكرك من اعماق القلب على تشريفك الكريم وكلماتك الراقية التي اسعدتني وشرفت كلماتي |
ما أروعك أستاذ عاطف
كعادتك تنسج لنا ثوبا من الإبداع يليق بخيالنا دمت ودام إبداعك |
| جميع الأوقات بتوقيت GMT +2. الساعة الآن 08:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.