عادى والا عاديه .... حرامى والا حرامية
 

عادى والا عاديه .... حرامى والا حرامية
فى يوم عادى ,فى بيت عادى,اتولد طفل عادىhttp://www.haridy.com/ib/images/smilies/2.gif ,ابوه اب عادى,وامه ام عاديه.
وعشان كل الظروف العاديه,قالوا نسمى الواد عادى.
http://www.haridy.com/ib/images/smilies/huh.gif
وسموه عادى.
وعاش عادى طفوله عاديه.
كبر عادى,خلص الابتدائيه والاعداديه,وكان برضه عادى,بس كان حاسس ان كل حاجه حواليه عاديه اوى,وقال ليه لا ما اخليش العادى ولو لمره مش عادى؟؟؟؟؟؟؟؟http://www.haridy.com/ib/images/smilies/dntknw.gif

قال لباباه ولمامته: انا هطلع الاول على المدرسه,لا على الجمهوريه كلها.B)
الاب والام بصوا لبعض وقالوا: بس انت تنجح, المهم تعدى وتخلص دراستك وخلاص,يا ابنى لا اول ولا اخر بقى بينفع.http://www.haridy.com/ib/images/smilies/closedeyes.gif

بس عادى قال لا انا هبقى الاول,دايما الاول وبكره تشوفوا.

وزاكر عادى,بس كل انا يفكر انه هيكون الاول,يفتكر" لا اول بينفع ولا اخر بقى ينفع" يتهد ويبطل مزاكره.http://www.haridy.com/ib/images/smilies/shutup22.gif
وهكذااااااااااااااا........
ونجح عادى فىالثانوى نجاح عااااااااااااااادى.http://www.haridy.com/ib/images/smilies/cry.gif

قال لاصحابه: كل اللى فات مش مهم المهم اللى جاى,انا هزاكر وهتفوق وانجح,وهكون اول دفعتى وابقى معيد وبعدين دكتور,وهعمل وهعمل وهعمل................http://www.haridy.com/ib/images/smilies/yahoo.gif
بصوا اصحابه لبعض وصحكوا وقالوا:http://www.haridy.com/ib/images/smilies/w00t.gif
ماتروح تعمل شاى احسن من الكلام ده اللى لا يودى ولا يجيب,يا ابنى معيد ايه ولا دكتور ايه,يا شيخ روح,دا انت عادى ابن عادى وكل عيلتك عادى فى عادى,هتعمل ايه انت يا سى عادى بين اللى عايشين عيشه مش عاديه,ولا اهليهم ناس عادين,والنبى اقعدلك فى جنب.http://www.haridy.com/ib/images/smilies/beee.gif

وقال عادى لا انا لازم ابقى مش عادى.

وكالعاده يفتح عادى الكتاب,يفتكر البوقين اياهم,تتقفل الدنيا فى وشه,ويغمق لون الحياه.

واستسلم عادى.

والعادى,ان عادى فضل عادى واتخرج وهو عادى.http://www.haridy.com/ib/images/smilies/cry.gif

قال بس مستقبلى فى الشغل,فى مشروع اعمله.


اهله واصحابه سمعوا,الدنيا قامت ما قعدتش,http://www.haridy.com/ib/images/smilies/w00t.gif

انت اتجننت,مشاريع ايه وكلام فاضى ايهhttp://www.haridy.com/ib/images/smilies/nunu0000.gif ,دور على شغل ثابت فى الحكومه,حاجه مضمون,ال مشروع ال,ولو فشل هتبقى تعمل ايه,تندب ولا تقف على النواصى تلقط رزقك.http://www.haridy.com/ib/images/smilies/out.gif

وكالعاده اتهدت كل احلام عادى.http://www.haridy.com/ib/images/smilies/shutup22.gif
ورضى بالشغل العادى.http://www.haridy.com/ib/images/smilies/cry.gif

واتجوز عادى بنت عاديه, وعاشوا فى بيت عادى.http://www.haridy.com/ib/images/smilies/closedeyes.gif
قال عادى لمراته نفسى اشوف اللى مقدرتش احققه لنفسى فى ولادى,هربيهم واعلمهم واديهم الحريه فى قرارتهم,عايز ولادى يكونوا......ويكونوا............
اما مرات عادى,فبعد ما سمعت الكلمتين,بصتله وكانه ما سمعتش حاجه,قالتله, الا ما درتش مش جارتنا ساميه سابت البيت؟؟؟؟؟؟؟؟؟؟؟http://www.haridy.com/ib/images/smilies/hlp.gif

خلف عادى,وبدا يربى ولاده بالطريقه اللى هو عايزاه,و بداوا يكبروا,وبدات الخلافات بين عادى وبين عاديه مراته تزيدhttp://www.haridy.com/ib/images/smilies/vava.gif ,وكل يوم نفس الاسطوانه:
انت اللى هتبوظ العيال دول,انت لا ترحم ولا تسيب رحمه ربنا تنزل,انت هتخيب املهم,ال حريه ال.http://www.haridy.com/ib/images/smilies/ranting.gif http://www.haridy.com/ib/images/smilies/ranting.gif
ومش بس كده,دى لمت العيله وعيله العيله,وكل على دماغ عادى.http://www.haridy.com/ib/images/smilies/cry.gif
وعادى يقول: لا,انا لازم اعمل حاجه,مش هسمح بجيل تانى من العاديين.http://www.haridy.com/ib/images/smilies/scenic.gif

وكالعاده,استسلم عادى,وقفل على نفسه,وقال مالها الحياه العاديه,انا هعيش عادى وهموت عادى.http://www.haridy.com/ib/images/smilies/giveup.gif

وعاش عادى ومات عادى,ولا حد خد خبر بوجود عادى,ولا بموت عادى.
اصله عادى.http://www.haridy.com/ib/images/smilies/whistling.gif

وعادى ضحيه,زى ما كتير مننا ضحيه,لحرامى, لا مجموعه حراميه,ولو ان مش قصدهم يكونوا حراميه.
عرفت الحراميه؟http://www.haridy.com/ib/images/smilies/thnk0001.gif
يا ترى اتسرقتوا كام مره؟http://www.haridy.com/ib/images/smilies/11azy.gif
ويا ترى هنقضيها عادى وعاديه؟؟؟؟؟؟؟؟http://www.haridy.com/ib/images/smilies/pleasantry.gif

يا خوفى منك انت وهىhttp://www.haridy.com/ib/images/smilies/huh.gif http://www.haridy.com/ib/images/smilies/thnk0001.gif http://www.haridy.com/ib/images/smilies/thnk0001.gif

حلوة اوي يا ياستاذ بورسعيدي

بجد الواحد بيبقى عنده حماس وفي الآخر يقول هي جت عليا انا هو انا اللي هاغير الكون

وساعات الواحد بيبقى متحمس اوي حتى في التنسيق شايف انه لأول مرة يعتبر حر في اختيار التخصص اللي يحبه بس في الآخر يتقاله الهواية والحب حاجة والشغل حاجة

جميلة جدا جدا جدا
ما تخافش ولا حاجة
ههههههههههه
بجد بجد جميلة
جزاك الله خيرا

رائع يا استاذ بورسعيدي

والروعه ده العادي من حضرتك

موضوع مش غير عادى ولا حاجه ده بردوه موضوع عادى
عادى لان ده العادى بتاع بورسعيدى
وبورسعيدى دايما مش عادى يبقى ده موضوع عادى من بورسعيدى ومش عادى للى مش بورسعيدى

شكرا يا باشا

طويب هو فيه حل تانى غير اننا نكون عاديين
ما هو كل اللى حولينا عاديين و كله كده
خلاص
الواحد جاله يأس و الحمد لله
فى رعايه الله

الطبيعى بتاعك
يا استاذ مجدى تسلم

ما شاء الله
تحفة يا استاذ مجدى تسلم ايدك
منتظرين المزيد من كتابتك الجميلة

من شخص غير عادي قد تفوق على العادي ليكون شيء غير عادي
ولكن العادي هو ان ننبهر بتحفتك الفنية

وهى دى المشكلة
لانك مش عايز تكون انسان غير عادى هاتفضل انسان عادى
ولو تمنين انك تتغير وتكون غير عادى هاتقدر ان شاء الله تكون غير عادى
شكرا على مرورك الغير عادى

ان شاء الله
اتمنى ذلك من كل قلبى
شكرا على مشاركتك الغير عاديه

المهم ان عمرنا ما يتسرقش مننا ونكتشف فى الآخر ان حياتنا مرت مرور عادى

ويقا لا حد يحس بحياتنا ولا حد يشعر بوفاتنا

لاننا عاديين

عرفتى انا ليه خايف ؟؟

شكرا لمرورك السوبر

شكرا لمرورك الجميل
والعادى لحضرتك هو زوقك الرفيع

حبيبى هنا ؟؟؟
اهلا اهلا ميدو باشا
وبما انك انسان مش عادى فأيضا مرورك هنا شيئ عادى
شكرا لك يا حبيبى وكل سنة وانت طيب

طويب ؟؟ ده تصغير لكلمه طيب والا ايه ؟؟؟ :d:p
اه فى حل تانى
محاوله الانتقال من العادى الى الغير عادى
الحكاية انا عارف انها مش سهله
لكن يكفينا شرف المحاوله
واعتقد ان المحاوله افضل من الرضا بالامر الواقع
خصوصا اذا كان هذا الامر ( بالشقلوب )
شكرا لك

والزوق والشياكه ده الطبيعى بتاعك يا ابو درش
شكرا لك لمرورك الجميل


ربنا يخليك وشكرا لك على مرورك الطيب

الامر العادى هو انك انسان غير عادى
ومشاركتك العادية هى امر طبيعى لانسان غير عادى
واسكت بقا علشان انا اتلخبطت :(

كل سنه وانتم جمييييعا طيبين

بجد موضوع أكثر من رائع وكل الشكر والتقدير وجزاك الله خيرا

جميييييييييييييييييييييييله جداااااااااااااااااااااااااااا يا استاذ بور سعيد
بجد تسلم ايدك بس هو غلط لانوا استسلم عشان كدة عاش عادى ومات عادى
يلا ربنا يقوينا و منبقاش عادييييييييييييين