الحكومة هتلغي الكتب الخارجية كمان هههههه
 

نظيف يطلب من الجمل بحث إلغاء ترخيص الكتب الخارجية
طلب د. أحمد نظيف رئيس الوزراء من د. يسري الجمل وزير التربية والتعليم بحث اقتراح المستشار عدلي حسين محافظ القليوبية بوقف ترخيص الكتب الخارجية.. كان المحافظ قد طالب خلال اجتماع مجلس المحافظين الأخير بوقف ترخيص الكتب الخارجية لأنها تكلف ميزانية الأسرة المصرية 7 مليارات جنيه سنويا دون داع. ولمنح الفرصة للكتاب المدرسي باعتباره الأصل في العملية التعليمية.قال عدلي حسين إن حقوق الملكية الفكرية لا تنطبق علي الكتب الخارجية لأنها تسرق أفكار الكتاب المدرسي وتقوم بإعادة صياغتها وطرحها للطلاب. وأنها أحد أسباب انتشار الدروس الخصوصية.

ضعف إخراج الكتاب المدرسي والحشو العرض ضعيف مقارنة بالكتب المدرسية

كده كملت يعني هنفشل هنفشل

كتاب المدرسة بيجبوه ناقص علي اساس أن المدرسين هيشرحوه و هيكملوا النقص اللي فيه

و طبعا في مدرسين <== طبعا مش كلهم

في منهم مش بيشرحوا او مش بيشرحوا بضمير

ده بالعكس ده بكده الدروس الخصوصية هتزيد لأن الواحد هيذاكر منين بدام مفيش مدرسة و مفيش كتاب خارجي

والله كلامك كله مظبوط بس مين اللي يفكر زيك

والله حرام يعنى كدة لما نحب نذاكر و نحل نذاكر منين

يعنى عايزين تفهمونى ان كتاب المدرسة بتاع الفرنساوى ينفع ببصلة
وااله الى يذاكر منه-دة ان فهم حاجة منه لانه خطه وحش اوى و بيعاملنا على اننا فى اتدائى-لازم و لابد يسقط

حلوا عنا بقى قال يعنى هوه دة اللى حيوقف الدروس

الوزارة مش لاقية حاجة تعملها غير انها تطلع فى قرارات عشوائية وخلاص
المفروض ان الملحق التعليمى بتاع جريدة الجمهورية .......... هو اللى يتلغى ليه ؟ لان الجمهورية طول السنة وبعد كل امتحان تصرح ان الامتحانات بالنص جت من نماذج الجمهورية وده طبعا عشان زيادة التوزيع لانها صحيفة ......... وفى رأيى لولا هذا الملحق ما اقبل على شرائها احد لانها بالعربى الفصيح كلها ........ حتى الملحق التعليمى بتاعها ........ ازاى ؟ كل المدرسين اللى بينشروا لهم اسئلة او شروحات ......... عشان تتنشر اعمالهم وصورهم كمان يعنى نوع من الدعاية الهابطة والطلبة واولياء الامور بتصدق وكله بياكل عيش وعلى رأى المثل القائل رزق ........ على ............

تصدق يا أخ ظاظا ان الخبر ده انا جيبه فعلا من جريدة الجمهوري’ عندك حق في اللي قولته

حينما تجد ابنك راسب و درجاتة سيئة وكتاب المدرس خصوصا رياضيات لا تحتوى على اى شئ يبل الريق من ما احتواة امتحان ابنك !!!! تصرخ
ما الحل؟
1) تستعين بمدرس خصوصى
2) تستعين بكتاب خارجى
3) تعمل نفسك عندك مبادئ وتترك ابنك للفشل و العقاب والاستهذاء - مع العلم ليس له ذنب فى هذا-
للاسف!!
لو كان فية مراجع - مكتبة - او حتى مدرس يفسر ما هو فى الكتاب المدرسى -ما كانش دى حالنا
اصبح ---- كل منا لة ما يبرر بة خطاة - ويجد من يساندوة و يصدقوة !!!
اين الحل
شكرا على الاهتمام