يا شباااااب..في تغيير في اقسام علوم/رياضة السنادي ولا لأ؟
 

السلام عليكم..
يا شباب انا بقالي كتير اوي بسأل عشان انا سمعت ان في اقسام هيتحرم منها العلمي رياضة في العلوم..
و اهمها الكيميا برغم ان العلمي رياضة واخد كيميا و فيزيا عادي في الثانوية العامة.

في حد يعرف الكلام ده صح ولا غلط..؟

يا ريت اللي يعرف يرد..
سلام عليكم..

مش عارف انت جامعة ايه
عموماً فى جامعة القاهرة مفيش الكلام ده ...اى حد ينفع يدخل كيمياء ..وطالب علمى رياضة ينفع يدخل اى قسم ماعدا البيولوجيات ( اللهم احفظنا )
إن شاء الله تكون الكيمياء متاحة ليك ولو راحت منك ما تزعلش اوى يعنى ( مادة معقدة وخنيقة على فكرة )
بالتوفيق إن شاء الله

السلام عليكم..
شكرا لمرورك و اهتمامك..
أنا جتلي في جامعة المنصورة.
بس انشاء الله هحول جامعة اسكندرية..
فهل دول هيبقى فيهم تغيير؟
و بعدين الكيميا حتى لو صعبة فهو التخصص اللي بيخلي الواحد يلاقي وظيفة..
و بعدين لو حرمونا من الكيميامش هيبقى قدامنا غير الرياضة البحتة و الحاجات اللي مش جايبة هما يعني الواحد هيعمل ايه بالرياضة دي يا اما هيطلع مدرس او يبقى في الشارع.
و بعدين البيولوجيات احنا مخدناش احياء فشيء طبيعي اننا مندخلهاش لكن احنا درسنا كيميا زيينا زي العلمي علوم.
مستني الرد..
شكرا..
سلام عليكم..

عاجل جدا الغاء قسم الكمياء لطلبه علمى رياضه فى جامعه المنصوره

يا نهار اسود!!!!!!!!!!!
لا حول ولا قوة الا بالله..انت متأكد بجد؟
طيب و جامعة اسكندرية؟؟
و كده ايه الاقسام اللي هتبقى متاحة للعلمي رياضة؟

السلام عليكم..
خلاص يا جماعة انا سألت في جامعة اسكندرية و قالوا انهم مش هيشيلوا الكلميا لكن هيزودو فيزياء حيوية و علوم فضاء على علمي رياضة..
الحمد لله..
شكرا للاخ اللي كان بيهزر.. بس ده مش موضع هزار ابدا
سلام عليكم..

لا بقى تصدق كلامك طلع صح ... حسبي الله و نعم الوكيل في جامعة المنصورة و في كل من ليه يد في المصيبة دي